| ᠤᠷᠠᠳ ᠠᠮᠠᠨ ᠠᠶᠠᠯᠭᠤ ᠨᠢ ᠲᠤᠮᠳᠠᠳᠤ ᠤᠯᠤᠰ ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠲᠤᠮᠳᠠᠳᠤ ᠠᠶᠠᠯᠭᠤᠨ ᠤ ᠰᠢᠰᠲ᠋ᠧᠮ ᠳᠤ ᠪᠠᠭᠳᠠᠬᠤ ᠪᠦᠭᠡᠳ ᠲᠤᠮᠳᠠᠳᠤ ᠤᠯᠤᠰ | ᠤᠨ ᠮᠤᠩᠭᠤᠯ ᠬᠡᠯᠡᠨ ᠤ ᠪᠠᠷᠢᠮᠵᠢᠶᠡ ᠠᠪᠢᠶᠠᠨ ᠤ ᠰᠠᠭᠤᠷᠢ ᠪᠤᠯᠬᠤ ᠰᠢᠯᠤᠭᠤᠨ ᠬᠦᠬᠡ ᠪᠠᠷ ᠲᠦᠯᠦᠭᠡᠯᠡᠬᠦᠯᠦᠭᠰᠡᠨ ᠴᠠᠬᠠᠷ ᠠᠮᠠᠨ ᠠᠶᠠᠯᠭᠤ ᠲᠠᠢ ᠦᠨᠳᠦᠰᠦᠨ ᠳᠤ | ᠪᠠᠨ ᠤᠶᠢᠷᠠᠯᠴᠠᠭᠠ ᠪᠠᠶᠢᠳᠠᠭ᠃ ᠶᠡᠭᠡ ᠨᠡᠬᠦᠳᠡᠯ ᠤᠨ ᠤᠷᠢᠳ ᠬᠤᠵᠢᠳ ᠤᠷᠠᠳᠴᠤᠳ ᠤᠨ ᠠᠮᠠᠨ ᠠᠶᠠᠯᠭᠤ ᠨᠢ ᠬᠤᠷᠴᠢᠨ ᠠᠮᠠᠨ ᠠᠶᠠᠯᠭᠤ ᠲᠠᠢ ᠤᠶᠢᠷᠠᠯᠴᠠᠭᠠ | ᠪᠠᠶᠢᠭᠰᠠᠨ ᠮᠠᠭᠠᠳ ᠦᠬᠡᠢ᠃ ᠭᠡᠳᠡᠯᠡ 1650 ᠤᠨ ᠤ ᠤᠷᠢᠳ ᠬᠤᠵᠢᠳ᠂ ᠤᠷᠠᠳᠴᠤᠳ ᠤᠳᠤ ᠶᠢᠨ ᠨᠤᠳᠤᠭ ︵ᠪᠠᠶᠠᠨᠨᠠᠭᠤᠷ ᠬᠤᠲᠠ ᠶᠢᠨ ᠤᠷᠠᠳ ᠤᠨ | ᠭᠤᠷᠪᠠᠨ ᠬᠤᠰᠢᠭᠤ ᠪᠠ ᠪᠤᠭᠤᠳᠤ ᠬᠤᠲᠠ ᠶᠢᠨ ᠲᠡᠬᠦᠷᠭᠡ︶ ᠲᠤ ᠨᠡᠬᠦᠳᠡᠯᠯᠡᠨ ᠢᠷᠡᠵᠤ ᠰᠠᠭᠤᠷᠢᠰᠢᠭᠰᠠᠨ ᠤ ᠲᠠᠷᠠᠭᠠ᠂ ᠠᠳᠠᠯᠢ ᠪᠤᠰᠤ ᠬᠡᠯᠡᠨ ᠤ ᠤᠴᠠᠷᠠᠯ ᠤᠨ | ᠨᠦᠯᠦᠭᠡᠯᠡᠯ ᠪᠠ ᠲᠤᠰ ᠪᠡᠶᠡ ᠶᠢᠨ ᠬᠢᠨᠢ ᠪᠦᠳᠦᠴᠡ ᠶᠢᠨ ᠵᠦᠷᠢᠴᠡᠯ᠂ ᠲᠤᠬᠢᠷᠠᠭᠤᠯᠤᠯ ᠠᠴᠠ ᠪᠤᠯᠤᠭᠠᠳ ᠤᠳᠤ ᠶᠢᠨ ᠤᠷᠠᠳ ᠠᠮᠠᠨ ᠠᠶᠠᠯᠭᠤ ᠪᠤᠯᠵᠤ ᠪᠦᠷᠢᠯᠳᠦᠵᠡᠢ᠃ | ᠦᠭᠡᠷᠡ ᠪᠠᠷ ᠬᠡᠯᠡᠪᠡᠯ 360 ᠭᠠᠷᠤᠢ ᠵᠢᠯ ᠤᠨ ᠲᠤᠷᠰᠢ᠂ ᠨᠡᠶᠢᠭᠡᠮ ᠪᠠ ᠵᠡᠷᠭᠡᠯᠡᠳᠡᠭᠡ ᠪᠠᠶᠢᠬᠤ ᠮᠤᠩᠭᠤᠯ ᠬᠡᠯᠡᠨ ᠤ ᠨᠦᠯᠦᠭᠡᠯᠡᠯ ᠠᠴᠠ ᠤᠤᠯ ᠤᠨ ᠬᠡᠯᠡᠨ ᠳᠤ ᠨᠢ | ᠤᠯᠠᠷᠢᠯᠲᠠ ᠡᠬᠦᠰᠴᠦ ᠤᠳᠤ ᠶᠢᠨ ᠤᠷᠠᠳ ᠠᠮᠠᠨ ᠠᠶᠠᠯᠭᠤ ᠪᠤᠯᠵᠤ ᠬᠤᠪᠢᠷᠠᠵᠠᠢ᠃ ᠪᠦᠬᠦᠯᠢ ᠴᠤᠭᠴᠠ ᠠᠴᠠ ᠨᠢ ᠦᠵᠡᠬᠦ ᠳᠤ ᠨᠢᠭᠡᠨ ᠵᠦᠢᠯ ᠤᠨ ᠭᠠᠵᠠᠷ ᠤᠷᠤᠨ | ᠤ ᠠᠮᠠᠨ ᠠᠶᠠᠯᠭᠤ ᠪᠤᠯᠵᠤ ᠪᠦᠷᠢᠯᠳᠦᠭᠰᠡᠨ ᠪᠤᠯᠪᠠᠴᠤ ᠰᠠᠭᠤᠷᠢᠰᠢᠯ ᠤᠨ ᠲᠠᠷᠬᠠᠢ ᠪᠤᠲᠠᠷᠬᠠᠢ ᠪᠠ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠠᠶᠠᠯᠭᠤ᠂ ᠠᠮᠠᠨ ᠠᠶᠠᠯᠭᠤᠨ ᠤ ᠨᠦᠯᠦᠭᠡᠯᠡᠯ | ᠠᠴᠠ ᠪᠤᠯᠵᠤ᠂ ᠤᠷᠠᠳ ᠠᠮᠠᠨ ᠠᠶᠠᠯᠭᠤ ᠶᠢᠨ ᠲᠤᠳᠤᠭᠠᠳᠤ ᠳᠤ ᠪᠠᠨ ᠴᠦ ᠨᠠᠷᠢᠨ ᠢᠯᠭᠠᠮᠵᠢᠲᠠᠢ ᠪᠠᠶᠢᠳᠠᠭ᠃ | ᠫᠷᠤᠹᠧᠰᠰᠤᠷ ᠦ᠊ ᠨᠠᠷᠠᠨᠪᠠᠳᠤ ᠶᠢᠨ ︽ᠤᠷᠠᠳ ᠠᠮᠠᠨ ᠠᠶᠠᠯᠭᠤᠨ ᠤ ᠲᠤᠬᠠᠢ︾ ᠦᠬᠦᠯᠡᠯ ᠳᠤ ᠪᠠᠨ ᠤᠷᠠᠳ ᠠᠮᠠᠨ ᠠᠶᠠᠯᠭᠤᠨ ᠤ ᠲᠤᠳᠤᠭᠠᠳᠤᠬᠢ ᠨᠠᠷᠢᠨ | ᠢᠯᠭᠠᠮᠵᠢ ᠶᠢ ᠦᠬᠦᠯᠡᠭᠰᠡᠨ ᠪᠠᠶᠢᠳᠠᠭ᠃ ᠠᠳᠡ ᠤᠷᠠᠳ ᠠᠮᠠᠨ ᠠᠶᠠᠯᠭᠤᠨ ᠤ ᠨᠡᠶᠢᠲᠡ ᠮᠤᠩᠭᠤᠯ ᠬᠡᠯᠡ ᠪᠤᠯᠤᠨ ᠪᠤᠰᠤᠳ ᠠᠮᠠᠨ ᠠᠶᠠᠯᠭᠤ ᠨᠤᠭᠤᠳ ᠠᠴᠠ | ᠢᠯᠭᠠᠭᠳᠠᠬᠤ ᠤᠨᠴᠠᠯᠢᠭ ᠢ ᠦᠭᠡᠰ ᠤᠨ ᠰᠠᠩ᠂ ᠬᠡᠯᠡᠨ ᠤ ᠠᠪᠢᠶᠠ ᠪᠠ ᠠᠪᠢᠶᠠᠯᠠᠪᠤᠷᠢ ᠶᠢᠨ ᠪᠦᠳᠦᠴᠡ᠂ ᠬᠡᠯᠡᠨ ᠵᠦᠢ ᠵᠡᠷᠭᠡ ᠲᠠᠯᠠ ᠠᠴᠠ ᠦᠬᠦᠯᠡᠨᠡ᠃ | ᠨᠢᠭᠡ ᠳᠤ᠂ ᠤᠷᠠᠳ ᠠᠮᠠᠨ ᠠᠶᠠᠯᠭᠤᠨ ᠳᠤ ᠪᠤᠰᠤᠳ ᠠᠮᠠᠨ ᠠᠶᠠᠯᠭᠤᠨ ᠠᠴᠠ ᠤᠨᠴᠠᠯᠠᠭᠳᠠᠬᠤ ᠠᠶᠠᠯᠭᠤᠨ ᠤ ᠦᠪᠡᠷᠮᠢᠴᠡ ᠦᠭᠡ ᠲᠠᠢ ᠪᠠᠶᠢᠳᠠᠭ᠃ | ᠬᠤᠶᠠᠷ ᠲᠤ᠂ ᠤᠷᠠᠳ ᠠᠮᠠᠨ ᠠᠶᠠᠯᠭᠤᠨ ᠤ ᠡᠭᠡᠰᠢᠭ ᠠᠪᠢᠶᠠᠯᠠᠪᠤᠷᠢ ᠳᠤ ᠪᠤᠭᠤᠨᠢ ᠡᠭᠡᠰᠢᠭ᠂ ᠤᠷᠳᠤ ᠡᠭᠡᠰᠢᠭ᠂ ᠬᠤᠤᠰ ᠡᠭᠡᠰᠢᠭ ᠭᠡᠬᠦ ᠭᠤᠷᠪᠠᠨ ᠵᠦᠢᠯ ᠪᠠᠶᠢᠨᠠ᠃ | ᠭᠤᠷᠪᠠ ᠳᠤ᠂ ᠤᠷᠠᠳ ᠠᠮᠠᠨ ᠠᠶᠠᠯᠭᠤᠨ ᠤ ᠭᠡᠶᠢᠬᠦᠯᠦᠭᠴᠢ ᠠᠪᠢᠶᠠᠯᠠᠪᠤᠷᠢ ᠳᠤ ᠶᠡᠷᠦ ᠶᠢᠨ ᠭᠡᠶᠢᠬᠦᠯᠦᠭᠴᠢ᠂ ᠲᠠᠩᠨᠠᠶᠢᠰᠢᠭᠰᠠᠨ ᠭᠡᠶᠢᠬᠦᠯᠦᠭᠴᠢ᠂ ᠨᠡᠶᠢᠯᠡᠮᠡᠯ | ᠭᠡᠶᠢᠬᠦᠯᠦᠭᠴᠢ ᠭᠡᠬᠦ ᠭᠤᠷᠪᠠᠨ ᠵᠦᠢᠯ ᠪᠠᠶᠢᠨᠠ᠃ | ᠲᠦᠷᠪᠡ ᠳᠤ᠂ ᠤᠷᠠᠳ ᠠᠮᠠᠨ ᠠᠶᠠᠯᠭᠤᠨ ᠤ ᠡᠭᠡᠰᠢᠭ ᠵᠤᠬᠢᠴᠠᠬᠤ ᠶᠤᠰᠤ ᠪᠤᠯ ᠴᠢᠩᠭᠠ ᠬᠦᠨᠳᠡᠢ ᠶᠢᠨ ᠵᠤᠬᠢᠴᠠᠯ ᠲᠡᠭᠡᠷᠡ ᠰᠠᠭᠤᠷᠢᠯᠠᠭᠳᠠᠭᠰᠠᠨ ᠤᠷᠤᠭᠤᠯ ᠤᠨ | ᠵᠤᠬᠢᠴᠠᠯ ᠪᠤᠯᠤᠨᠠ᠃ | ᠲᠠᠪᠤ ᠳᠤ᠂ ᠤᠷᠠᠳ ᠠᠮᠠᠨ ᠠᠶᠠᠯᠭᠤᠨ ᠳᠤ ᠵᠢᠷᠭᠤᠭᠠᠨ ᠵᠦᠢᠯ ᠤᠨ ᠦᠶᠡ ᠶᠢᠨ ᠪᠦᠳᠦᠴᠡ ᠲᠠᠢ ᠪᠠᠶᠢᠳᠠᠭ᠃ ᠤᠷᠠᠳ ᠠᠮᠠᠨ ᠠᠶᠠᠯᠭᠤᠨ ᠤ ᠡᠷᠬᠦᠯᠲᠡ ᠨᠢ ᠮᠤᠩᠭᠤᠯ | ᠬᠡᠯᠡᠨ ᠤ ᠪᠤᠰᠤᠳ ᠠᠮᠠᠨ ᠠᠶᠠᠯᠭᠤ ᠨᠤᠭᠤᠳ ᠲᠠᠢ ᠠᠳᠠᠯᠢ ᠪᠠᠷ ᠲᠤᠤᠷᠠᠬᠢ ᠮᠡᠳᠦ ᠬᠡᠳᠦᠨ ᠤᠨᠴᠠᠯᠢᠭ ᠲᠠᠢ᠃ | ︵1︶ ᠡᠷᠬᠦᠯᠲᠡ ᠲᠠᠢ ᠦᠶᠡ ᠶᠢᠨ ᠡᠭᠡᠰᠢᠭ ᠨᠢ ᠲᠤᠳᠤ ᠴᠢᠩᠭᠠ ᠪᠠᠶᠢᠳᠠᠭ ᠪᠠ ᠡᠨᠡ ᠨᠢ ᠬᠦᠴᠦᠯᠡᠬᠦ ᠡᠷᠬᠦᠯᠲᠡ ᠮᠥᠨ᠃ | ︵2︶ ᠦᠭᠡ ᠶᠢᠨ ᠡᠷᠬᠦᠯᠲᠡ ᠨᠢ ᠢᠮᠠᠭᠲᠠ ᠦᠭᠡ ᠶᠢᠨ ᠨᠢᠭᠡᠳᠦᠭᠡᠷ ᠦᠶᠡ ᠲᠡᠭᠡᠷᠡ ᠪᠠᠶᠢᠨᠠ᠃ | ︵3︶ ᠡᠷᠬᠦᠯᠲᠡ ᠳᠤ ᠤᠳᠬᠠ ᠢᠯᠭᠠᠬᠤ ᠦᠢᠯᠡᠳᠦᠯ ᠦᠬᠡᠢ᠂ ᠭᠡᠪᠡᠴᠦ ᠬᠡᠯᠡᠨ ᠤ ᠠᠶᠢᠵᠠᠮ ᠨᠠᠮᠪᠠ ᠶᠢᠨ ᠴᠢᠬᠤᠯᠠ ᠠᠭᠤᠯᠭᠠ ᠪᠤᠯᠤᠨᠠ᠃ | ᠵᠢᠷᠭᠤᠭᠠ ᠳᠤ᠂ ᠶᠠᠷᠢᠶᠠᠨ ᠤ ᠤᠷᠤᠰᠬᠠᠯ ᠳᠤ᠂ ᠡᠰᠡᠬᠦᠯᠠ ᠲᠠᠭᠠᠪᠤᠷᠢ ᠵᠠᠯᠭᠠᠬᠤ ᠳᠤ ᠨᠦᠬᠦᠴᠡᠯ ᠲᠠᠢ ᠪᠠᠷ ᠠᠪᠢᠶᠠᠨ ᠤ ᠬᠤᠪᠢᠷᠠᠯᠲᠠ ᠭᠠᠷᠳᠠᠭ᠃ ᠤᠷᠠᠳ ᠠᠮᠠᠨ | ᠠᠶᠠᠯᠭᠤᠨ ᠳᠤ ᠠᠪᠢᠶᠠ ᠢᠵᠢᠯᠰᠢᠬᠦ᠂ ᠠᠪᠢᠶᠠ ᠤᠨᠳᠤᠤᠰᠢᠬᠤ᠂ ᠠᠪᠢᠶᠠ ᠨᠡᠮᠡᠭᠳᠡᠬᠦ ᠬᠡᠬᠦ ᠮᠡᠳᠦ ᠠᠪᠢᠶᠠᠨ ᠤ ᠬᠤᠪᠢᠷᠠᠯᠲᠠ ᠲᠠᠢ᠃ | ᠲᠤᠯᠤᠭᠠ ᠳᠤ᠂ ᠤᠷᠠᠳ ᠠᠮᠠᠨ ᠠᠶᠠᠯᠭᠤ ᠪᠤᠯᠤᠨ ᠪᠤᠰᠤᠳ ᠠᠶᠠᠯᠭᠤᠨ ᠤ ᠬᠤᠭᠤᠷᠤᠨᠳᠤ ᠬᠡᠯᠡᠨ ᠤ ᠵᠦᠢ ᠶᠢᠨ ᠲᠠᠯᠠ ᠪᠠᠷ ᠪᠠᠰᠠ ᠶᠠᠮᠠᠷ ᠨᠢᠭᠡ ᠬᠡᠮᠵᠢᠶᠡᠨ ᠤ | ᠵᠦᠷᠢᠶᠡᠨᠲᠠᠢ ᠪᠠᠶᠢᠨᠠ᠃ | ︽ᠤᠷᠠᠳ ᠰᠤᠶᠤᠯ ᠲᠡᠤᠭᠡ︾ ︵ᠲᠡᠭᠡᠳᠤ ᠲᠡᠪᠳᠡᠷ︶ ᠠᠴᠠ ᠪᠠᠭᠤᠯᠭᠠᠪᠠ᠃ | | | |