| ᠳᠤᠷᠠᠳᠬᠠᠯ ᠳᠤ ᠬᠤᠴᠣᠷᠤᠭᠰᠠᠨ ᠬᠠᠯᠢᠭᠤᠳᠤ ᠪᠠᠮᠪᠠᠷ ᠨᠢᠳᠦ ᠡᠷᠭᠦᠨ ᠦᠵᠡᠭᠦᠯᠡᠷ ᠤᠳᠤ ᠶᠢᠨ ᠬᠠᠯᠢᠭᠤᠳᠤ ᠲᠤᠰᠤᠨ ᠵᠠᠮ ᠬᠢᠯᠳᠠᠭᠠᠨᠠᠨ᠂ ᠠᠰᠠᠷ ᠲᠠᠬᠳᠤ | ᠵᠢᠭᠳᠡᠷᠡᠭᠡᠳ ᠦᠨᠤ ᠮᠠᠷᠭᠠᠰᠢ ᠪᠠᠨ ᠬᠤᠳᠠ ᠪᠤᠯᠴᠢᠬᠠᠮᠠᠷ ᠲᠤᠮᠤᠬᠠᠨ ᠪᠠᠯᠭᠠᠰᠤ ᠪᠤᠯᠴᠢᠬᠠᠵᠠᠢ᠃ ᠡᠮᠦᠨᠡ ᠲᠠᠯᠠ ᠶᠢᠨ ᠭᠡᠳᠦᠨ ᠭᠡᠰᠡᠭ ᠤᠢ ᠮᠤᠳᠤ ᠨᠢ ᠡᠮᠦᠨᠡᠰᠢ | ᠦᠷᠭᠦᠯᠵᠢᠯᠡᠭᠡᠳ ᠨᠢᠭᠡᠨᠳᠡ ᠲᠤᠩᠬᠠᠳᠠᠢ ︵ᠲᠤᠭᠤᠯᠲᠠᠢ︶ ᠶᠢᠨ ᠠᠷᠤ ᠳᠤ ᠲᠤᠯᠴᠢᠬᠠᠵᠠᠢ᠃ ᠠᠰᠠᠷ ᠪᠠᠷᠢᠯᠭᠠ ᠨᠢ ᠤᠮᠠᠷᠠᠰᠢ ᠰᠤᠨᠵᠢᠷᠠᠭᠠᠳ ᠬᠤᠶᠢᠳᠤ ᠠᠭᠤᠯᠠ ᠶᠢᠨ | ᠬᠤᠷᠮᠤᠢ ᠳᠤ ᠬᠦᠷᠴᠢᠭᠡᠵᠡᠢ᠃ | ᠲᠤᠷᠭᠠᠨ ᠨᠠᠷᠠ ᠶᠢ ᠲᠠᠰᠢᠭᠤᠯᠤᠭᠠᠳ ᠬᠤᠶᠢᠳᠤ ᠠᠭᠤᠯᠠ ᠶᠢᠨ ᠪᠠᠯ ᠳᠤ ᠭᠠᠷᠴᠤ ᠪᠦᠭᠦ᠋ᠢᠯᠡ ᠪᠠᠯᠭᠠᠰᠤ ᠶᠢ ᠰᠢᠨᠵᠢᠪᠡᠯ ᠨᠡᠩ ᠵᠢᠷᠦᠭᠡ ᠰᠡᠳᠬᠢᠯ ᠢ ᠮᠢᠨᠢ | ᠬᠦᠭᠰᠤᠭᠡᠮᠡᠷ ᠪᠤᠯᠴᠢᠬᠠᠯᠠ᠃ ᠮᠢᠩᠭᠠ ᠲᠦᠮᠡᠨ ᠦᠩᠭᠡᠳᠦ ᠳ᠋ᠧᠩ ᠤᠨ ᠲᠤᠮᠳᠠᠭᠤᠷ ᠤᠳᠤᠭᠠ ᠮᠠᠨᠠᠨ ᠪᠦᠤᠷ ᠲᠦᠤᠷ ᠬᠠᠷᠠᠬᠳᠠᠨ ᠦᠯᠵᠡᠶᠢᠳᠤ ᠡᠳᠦᠷ ᠢ ᠪᠡᠯᠭᠡᠯᠡᠭᠰᠡᠨ | ᠫᠤᠤᠵᠢᠩ ᠤᠨ ᠬᠢᠯᠪᠠᠭᠠ ᠤᠬᠳᠠᠷᠭᠤᠢ ᠶᠢᠨ ᠤᠳᠤᠨ ᠮᠡᠴᠢᠳ ᠢ ᠢᠴᠢᠭᠡᠮᠡᠷ ᠲᠤᠯᠠᠯᠵᠠᠨᠠ᠃ | ᠲᠤᠬᠳᠤᠯᠤᠮᠠ ᠰᠡᠳᠬᠢᠯ ᠲᠠᠢ ᠪᠢ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠵᠢᠷᠦᠭᠡ ᠪᠠᠨ ᠢᠷᠠᠵᠤ ᠰᠠᠭᠤᠬᠳᠠᠯ ᠢᠶᠠᠨ ᠠᠭᠤᠳᠠᠯᠯᠠᠵᠤ ᠦᠵᠡᠯᠡ᠃ ᠲᠠᠯᠠ ᠨᠠᠶᠠᠭᠠᠳ ᠤᠨ | ᠤ ᠬᠠᠯᠢᠭᠤᠳᠤ ᠭᠡᠳᠦ᠋ᠢᠪᠡᠷ ᠲᠤᠳᠤᠷᠠ ᠪᠠᠨ ᠦᠩᠭᠡᠳᠦ ᠳ᠋ᠧᠩ ᠦᠭᠡᠢ ᠴᠦ ᠰᠠᠶᠢᠷ ᠤᠨ ᠵᠡᠭᠦᠨ ᠲᠡᠨᠵᠢᠨ ᠳᠤ ᠪᠠᠨ ᠬᠠᠷᠭᠠᠨᠠ ᠶᠢᠨ ᠰᠢᠷᠠ ᠴᠡᠴᠡᠭ ᠲᠦᠭᠦᠷᠡᠩ | ᠲᠡᠯᠭᠡᠷᠡᠵᠤ᠂ ᠪᠠᠷᠠᠭᠤᠨ ᠵᠤ ᠳᠤ ᠪᠠᠨ ᠬᠦᠮᠦᠨ ᠬᠢᠷᠢ ᠦᠨᠳᠦᠷ ᠲᠡᠷᠡᠰᠤ ᠵᠢᠭᠳᠡᠷᠡᠨ᠂ ᠲᠠᠤᠯᠠᠢ ᠭᠤᠷᠭᠤᠤᠯ ᠰᠦᠷᠦᠭᠯᠡᠨ ᠪᠡᠯᠴᠢᠵᠤ ᠪᠠᠶᠢᠬᠰᠠᠨ ᠶᠤᠮ᠃ ᠪᠠᠯᠭᠠᠰᠤ ᠶᠢᠨ | ᠲᠤᠮᠳᠠ ᠪᠠᠨ ᠭᠤᠷᠪᠠᠭ᠋ᠠᠨ ᠠᠰᠠᠷ ᠲᠠᠢ ᠪᠠᠶᠢᠬᠰᠠᠨ ᠴᠦ ᠪᠠᠶᠢᠳᠠᠭ ᠬᠦᠮᠦᠨ ᠤ ᠰᠡᠳᠬᠢᠯ ᠢ ᠨᠢ ᠲᠠᠳᠠᠳᠠᠭ ᠪᠠᠶᠢᠬᠰᠠᠨ ᠶᠤᠮ ᠡ︕ ᠪᠠᠯᠭᠠᠰᠤᠨ ᠤ ᠵᠡᠭᠦᠨ ᠭᠡᠰᠡᠭ ᠲᠤ | ᠰᠢᠨᠡᠭᠡᠨ ᠪᠠᠶᠢᠭᠤᠯᠤᠬᠳᠠᠬᠰᠠᠨ ᠴᠡᠴᠡᠷᠯᠢᠭ ᠶᠠᠭ ᠮᠠᠨ ᠤ ᠭᠡᠷ ᠤᠨ ᠵᠡᠭᠦᠨ ᠭᠡᠷᠡᠮ ᠲᠠᠢ ᠵᠠᠮ ᠠᠯᠤᠰᠯᠠᠵᠤ ᠪᠠᠶᠢᠯᠠ᠃ ᠴᠡᠴᠡᠷᠯᠢᠭ ᠳᠠᠬᠢ ᠰᠦᠨᠢ ᠪᠠᠷ ᠲᠡᠯᠭᠡᠷᠡᠭᠰᠡᠨ | ᠴᠡᠴᠡᠭ ᠨᠢ ᠦᠷᠭᠦᠯᠵᠢ ᠵᠡᠭᠦᠳᠦᠨ ᠳᠤ ᠢᠷᠡᠭᠡᠳ ᠦᠷᠯᠦᠭᠡ ᠪᠣᠯᠬᠤ ᠳᠤ ᠤᠭ ᠤᠷᠤᠨ ᠳᠤ ᠪᠠᠨ ᠬᠠᠷᠢᠳᠠᠭ ᠪᠠᠶᠢᠯᠠ᠃ ᠪᠠᠯᠭᠠᠰᠤᠨ ᠤ ᠪᠠᠷᠠᠭᠤᠨ ᠭᠡᠰᠡᠭ ᠲᠤ | ᠪᠠᠶᠢᠷᠢᠯᠠᠵᠤ ᠪᠠᠶᠢᠭᠠ ᠦᠶᠡᠷ ᠤᠨ ᠤᠰᠤ ᠪᠠᠷ ᠤᠮᠳᠠᠯᠠᠵᠤ ᠲᠤᠬᠳᠠᠬᠰᠠᠨ ᠲᠤᠨᠤᠮᠠᠯ ᠨᠠᠭᠤᠷ ᠭᠡᠤᠭᠡᠳ ᠪᠢᠳᠡᠨ ᠤ ᠭᠡᠵᠢᠶᠡ ᠴᠦ ᠭᠡᠰᠡᠨ ᠬᠦᠷᠦᠭᠡᠳ ᠤᠴᠢᠮᠠᠷ ᠰᠠᠶᠢᠬᠠᠨ | ᠨᠠᠭᠠᠳᠤᠮ ᠤᠨ ᠤᠷᠤᠨ ᠪᠠᠶᠢᠬᠰᠠᠨ ᠶᠤᠮ ᠁ | ᠬᠠᠯᠢᠭᠤᠳᠤ ᠪᠠᠯᠭᠠᠰᠤ ᠦᠩᠭᠡᠷᠡᠭᠰᠡᠨ ᠳᠤ ᠪᠠᠨ ᠪᠤᠷᠤᠭᠵᠢᠭᠤᠨ ᠠᠪᠰᠠᠷᠬᠠᠨ ᠪᠠᠶᠢᠭᠠᠯᠢᠯᠢᠭ ᠰᠠᠶᠢᠬᠠᠨ ᠪᠠᠶᠢᠬᠰᠠᠨ ᠶᠤᠮ᠃ ᠤᠳᠤ ᠪᠣᠯᠬᠤ ᠳᠤ ᠥᠨᠳᠦᠷ ᠠᠰᠠᠷ ᠂ | ᠥᠷᠭᠡᠨ ᠵᠡᠭᠡᠯᠢ᠂ ᠥᠩᠭᠡᠲᠦ ᠳ᠋ᠧᠩ᠂ ᠦᠨᠡᠲᠦ ᠮᠠᠰᠢᠨ ᠢᠶᠠᠷ ᠳᠦᠭᠦᠷᠴᠦ ᠪᠠᠶᠢᠭᠤᠯᠤᠯᠳᠠ ᠬᠦᠭᠵᠢᠯ ᠤᠨ ᠭᠠᠶᠢᠬᠠᠮᠰᠢᠭ ᠢ ᠬᠦᠮᠦᠨ ᠪᠦᠭᠦᠨ ᠳᠤ ᠦᠵᠡᠭᠦᠯᠵᠤ | ᠪᠠᠶᠢᠭᠠ ᠶᠤᠮ ᠡ︕ | ᠳᠤᠷᠠᠳᠬᠠᠯ ᠳᠤ ᠬᠤᠴᠣᠷᠤᠭᠰᠠᠨ ᠬᠠᠯᠢᠭᠤᠳᠤ ᠶᠢᠨ ᠮᠢᠨᠢ ᠠᠪᠰᠠᠷ ᠪᠠᠶᠢᠭᠠᠯᠢᠯᠢᠭ ᠳᠦᠷᠰᠦ ᠣᠳᠣ ᠲᠡᠦᠬᠡ ᠶᠢᠨ ᠬᠠᠭᠤᠳᠠᠰᠤ᠂ ᠵᠢᠷᠦᠬᠡᠨ ᠤ ᠳᠤᠷᠠᠳᠬᠠᠯ | ᠬᠤᠶᠠᠷ ᠠᠴᠠ ᠥᠭᠡᠷᠡ ᠬᠠᠮᠢᠭᠠ ᠴᠤ ᠡᠷᠢᠵᠦ ᠣᠯᠬᠤ ᠦᠭᠡᠢ ᠪᠣᠯᠵᠠᠢ᠃ |