| ᠤᠷᠠᠳ ᠭᠡᠳᠡᠭ ᠦᠭᠡ ᠪᠣᠯ ᠤᠷᠠᠨ ᠤ ᠤᠯᠠᠨ ᠲᠤᠭᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠨᠡᠬᠦᠳᠡᠯ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠦᠢᠯᠡᠳᠪᠦᠷᠢᠯᠡᠯ ᠠᠮᠢᠳᠤᠷᠠᠯ ᠤᠨ ᠪᠠ | ᠪᠠᠳᠤᠯᠠᠨ ᠬᠠᠮᠠᠭᠠᠯᠠᠯᠲᠠ ᠶᠢᠨ ᠪᠠᠭᠠᠵᠢ ᠬᠡᠷᠡᠭᠰᠡᠯ᠂ ᠵᠠᠷ ᠵᠡᠪᠰᠡᠭ ᠦᠢᠯᠡᠳᠴᠦ ᠤᠷᠠᠯᠠᠬᠤ ᠶᠠᠪᠤᠳᠠᠯ ᠪᠠᠷᠤᠭ ᠡᠷᠡ ᠬᠦᠮᠦᠨ ᠪᠤᠯᠭᠠᠨ ᠤ ᠡᠭᠦᠷᠭᠡ ᠪᠠᠶᠢᠭᠰᠠᠨ ᠪᠠᠶᠢᠵᠠᠢ᠃ | ᠰᠡᠬᠦᠯ ᠳᠤ ᠪᠠᠨ ᠮᠤᠩᠭᠤᠯ ᠤᠨ ᠨᠡᠶᠢᠭᠡᠮ ᠤᠨ ᠠᠵᠢᠯ ᠤᠨ ᠬᠤᠪᠢᠶᠠᠷᠢᠯᠠᠯᠲᠠ ᠨᠢᠭᠳᠠᠵᠢᠬᠤ ᠶᠢ ᠲᠠᠭᠠᠯᠳᠤᠨ ᠭᠡᠷ ᠲᠡᠷᠭᠡ᠂ ᠪᠠᠭᠠᠵᠢ ᠬᠡᠷᠡᠭᠰᠡᠯ᠂ ᠵᠠᠷ ᠵᠡᠪᠰᠡᠭ ᠵᠡᠷᠭᠡ ᠶᠢ | ᠬᠢᠬᠦ ᠲᠤᠰᠬᠠᠢ ᠤᠷᠠᠴᠤᠤᠯ ᠤᠨ ᠡᠩᠨᠡᠭᠡ ᠪᠦᠷᠢᠯᠳᠦᠭᠰᠡᠨ ᠪᠠᠶᠢᠨᠠ᠃ 1206 ᠤᠨ ᠳᠤ ᠶᠡᠭᠡ ᠮᠤᠩᠭᠤᠯ ᠤᠯᠤᠰ ᠪᠠᠶᠢᠭᠤᠯᠤᠭᠳᠠᠭᠰᠠᠨ ᠤ ᠲᠠᠷᠠᠭᠠ ᠬᠠᠷᠠ ᠬᠤᠷᠤᠮ | ᠵᠡᠷᠭᠡ ᠭᠠᠵᠠᠷ ᠲᠤ ᠲᠤᠰᠬᠠᠢ ᠤᠷᠠᠴᠤᠤᠯ ᠤᠨ ᠡᠩᠨᠡᠭᠡ ᠪᠠᠶᠢᠭᠤᠯᠤᠮᠵᠢ ᠶᠢ ᠵᠤᠬᠢᠶᠠᠨ ᠰᠠᠷᠳᠠᠭᠤᠯ ᠭᠠᠷᠤᠯ ᠲᠠᠢ ᠲᠠᠷᠬᠠᠳ ᠢ ᠤᠷᠢᠨ ᠪᠠᠭᠰᠢ ᠪᠠᠷᠢᠵᠤ᠂ ᠭᠡᠷ ᠲᠡᠷᠭᠡ᠂ | ᠪᠠᠭᠠᠵᠢ ᠬᠡᠷᠡᠭᠰᠡᠯ᠂ ᠵᠠᠷ ᠵᠡᠪᠰᠡᠭ ᠬᠢᠵᠤ ᠪᠠᠶᠢᠵᠠᠢ᠃ ᠡᠳᠡᠭᠡᠷ ᠤᠷᠠᠴᠤᠤᠯ ᠨᠢ ᠶᠠᠪᠤᠭᠠᠨ ᠳᠤ ᠪᠠᠨ ᠤᠷᠠᠳ ᠠᠶᠢᠮᠠᠭ ᠪᠤᠯᠵᠠᠢ᠃ | ᠤᠷᠠᠳᠴᠤᠳ ᠪᠣᠯ ᠬᠠᠪᠤᠳᠤ ᠬᠠᠰᠠᠷ ᠤᠨ ᠬᠤᠶᠢᠴᠢᠰ ᠶᠤᠮ᠃ | ᠬᠠᠪᠤᠳᠤ ᠬᠠᠰᠠᠷ ︵1164 — 1227︶ ᠪᠣᠯ ᠶᠢᠰᠦᠭᠡᠢ ᠪᠠᠭᠠᠳᠤᠷ᠂ ᠦᠭᠡᠯᠦᠨ ᠦᠵᠢᠨ ᠤ ᠬᠤᠶᠠᠳᠤᠭᠠᠷ ᠬᠦᠪᠡᠬᠦᠨ ᠨᠢ ᠶᠤᠮ᠃ ᠲᠡᠷᠡ ᠬᠠᠷᠠᠬᠠᠨ | ᠪᠠᠭᠠ ᠨᠠᠰᠤᠨ ᠳᠤ ᠪᠠᠨ ᠡᠴᠢᠭᠡ ᠠᠴᠠ ᠪᠠᠨ ᠰᠠᠯᠤᠭᠰᠠᠨ ᠴᠦ ᠰᠤᠷᠭᠠᠯ ᠰᠤᠪᠢᠯ ᠲᠠᠢ ᠡᠬᠡ ᠶᠢᠨ ᠢᠶᠠᠨ ᠬᠦᠮᠦᠵᠢᠯ ᠲᠤᠤᠷᠠ ᠪᠠᠭᠠ ᠨᠠᠰᠤᠨ ᠳᠤ ᠪᠠᠨ ᠲᠠᠶᠢᠴᠢᠭᠤᠳ | ᠮᠡᠷᠭᠢᠳ ᠤᠨ ᠲᠠᠷᠤᠯᠠᠯ ᠲᠠᠯᠬᠢᠯ ᠲᠠᠢ ᠨᠤᠭᠤᠷᠠᠰᠢ ᠦᠭᠡᠢ ᠲᠡᠮᠡᠴᠡᠵᠤ ᠢᠷᠡᠭᠰᠡᠨ ᠪᠦᠭᠡᠳ ᠦᠭᠡᠶᠢᠷᠡᠯ ᠤᠨ ᠬᠠᠯᠠ ᠪᠠᠷ ᠨᠦᠬᠦᠳ ᠲᠤ ᠪᠠᠨ ᠦᠷᠦ ᠵᠦᠭᠡᠯᠡᠨ ᠬᠦᠮᠦᠨ | ᠪᠤᠯᠵᠤ᠂ ᠦᠯ ᠬᠤᠭᠤᠰᠤᠨ ᠳᠤ ᠢᠳᠡᠬᠦ ᠪᠠᠨ ᠦᠭᠴᠦ᠂ ᠡᠮᠦᠰᠬᠦ ᠨᠢᠮᠬᠡᠨ ᠳᠤ ᠲᠡᠪᠡᠯ ᠢᠶᠠᠨ ᠲᠠᠶᠢᠯᠵᠤ ᠦᠭᠬᠦᠨ ᠨᠦᠬᠦᠷ ᠠᠬᠠ ᠲᠡᠬᠦᠦ ᠪᠤᠯᠤᠯᠴᠠᠨ ᠪᠦᠯᠬᠦᠮᠳᠡᠵᠤ | ᠴᠢᠳᠠᠳᠠᠭ ᠪᠤᠯᠵᠤ᠂ ᠰᠦᠷᠡᠬᠡᠢ ᠲᠤᠭᠰᠢᠨ᠂ ᠡᠷᠡᠯᠭᠡᠭ ᠪᠠᠭᠠᠳᠤᠷᠯᠢᠭ᠂ ᠵᠦᠭᠡᠯᠡᠨ ᠠᠴᠠ ᠠᠶᠤᠬᠤ ᠠᠴᠠ ᠪᠢᠰᠢ᠂ ᠬᠠᠳᠠᠭᠤ ᠠᠴᠠ ᠰᠦᠷᠳᠡᠳᠡᠭ ᠦᠭᠡᠢ ᠤᠮᠤᠭᠯᠠᠩ ᠵᠠᠩ | ᠲᠠᠢ ᠲᠤᠭᠰᠢᠨ ᠮᠦᠷᠲᠡᠭᠡᠨ ᠠᠭᠤᠵᠢᠮ ᠰᠡᠳᠬᠢᠯ ᠲᠠᠢ ᠬᠦᠮᠦᠨ ᠪᠤᠯᠵᠤ ᠴᠢᠳᠠᠪᠠ᠃ ᠡᠶᠢᠨ ᠬᠦ᠋ ᠲᠡᠷᠡ ᠠᠬᠠ ᠲᠡᠮᠦᠵᠢᠨ ᠢ ᠪᠠᠨ ᠲᠠᠭᠠᠵᠤ ᠮᠤᠩᠭᠤᠯ ᠬᠠᠭᠠᠨᠳᠤ | ᠤᠯᠤᠰ ᠢ ᠪᠠᠶᠢᠭᠤᠯᠬᠤ ᠳᠤ ︽ᠲᠠᠯᠠ ᠮᠦᠷᠦᠨ ᠤ ᠬᠦᠴᠦᠨ︾ ᠨᠢ ᠪᠤᠯᠵᠤ ᠪᠠᠯᠠᠷᠠᠰᠢ ᠦᠭᠡᠢ ᠭᠠᠪᠢᠶᠠ ᠵᠢᠳᠬᠦᠯ ᠪᠠᠶᠢᠭᠤᠯᠪᠠ᠃ ᠲᠡᠤᠬᠡᠨ ᠳᠤ ᠴᠦ ︽ᠬᠠᠰᠠᠷ ᠤᠨ | ᠬᠠᠪᠤ ᠪᠠᠷ᠂ ᠪᠡᠯᠭᠦᠲᠡᠢ ᠶᠢᠨ ᠪᠦᠬᠡ ᠪᠠᠷ︾ ᠬᠡᠳᠡᠭ ᠦᠬᠡ ᠪᠠᠶᠢᠳᠠᠭ ᠶᠤᠮ᠃ ᠴᠢᠩᠬᠢᠰ ᠬᠠᠭᠠᠨ 1206 ᠤᠨ ᠳᠤ ᠲᠠᠷᠬᠠᠢ ᠪᠤᠳᠠᠷᠬᠠᠢ ᠮᠤᠩᠭᠤᠯ ᠠᠶᠢᠮᠠᠭ ᠢ | ᠨᠢᠭᠡᠳᠭᠡᠵᠤ᠂ ᠶᠡᠭᠡ ᠮᠤᠩᠭᠤᠯ ᠤᠯᠤᠰ ᠢ ᠪᠠᠶᠢᠭᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠠᠯᠳᠠᠨ ᠤᠷᠤᠭ ᠤᠨ ᠢᠵᠠᠭᠤᠷᠲᠠᠳ ᠤᠨ ᠬᠤᠷᠠᠯᠲᠠᠢ ᠲᠡᠭᠡᠷᠡ ᠬᠡᠤᠬᠡᠳ ᠲᠤ ᠪᠠᠨ ᠠᠯᠳᠠᠢ | ᠠᠭᠤᠯᠠ ᠤᠷᠴᠢᠮ ᠤᠨ ᠭᠠᠵᠠᠷ ᠢ ᠬᠤᠪᠢᠳᠠᠵᠤ᠂ ᠲᠡᠬᠦᠦ ᠨᠠᠷ ᠲᠤ ᠪᠠᠨ ᠬᠠᠷᠭᠤᠨ ᠵᠢᠳᠤᠨ ᠠᠭᠤᠯᠠ ᠤᠷᠴᠢᠮ ᠤᠨ ᠭᠠᠵᠠᠷ ᠢᠶᠠᠷ ᠲᠦᠪ ᠪᠤᠯᠭᠠᠵᠤ᠂ ᠪᠠᠷᠠᠭᠤᠨ | ᠲᠠᠯᠠ ᠪᠠᠷ ᠢᠶᠠᠨ ᠪᠡᠯᠬᠦᠳᠡᠢ ᠶᠢᠨ᠂ ᠵᠡᠬᠦᠨ ᠲᠠᠯᠠ ᠪᠠᠷ ᠢᠶᠠᠨ ᠲᠡᠮᠦᠬᠡ ᠤᠳᠴᠢᠬᠢᠨ ᠤ᠂ ᠡᠮᠦᠨᠡ ᠲᠠᠯᠠ ᠪᠠᠷ ᠢᠶᠠᠨ ᠬᠠᠴᠢᠭᠤᠨ ᠤ ᠬᠦᠦ ᠡᠯᠴᠢᠭᠡᠲᠡᠢ ᠶᠢᠨ ᠬᠤᠪᠢ | ᠨᠤᠳᠤᠭ ᠲᠠᠢ ᠲᠤᠰ ᠲᠤᠰ ᠵᠠᠬᠠ ᠨᠡᠶᠢᠯᠠᠵᠤ᠂ ᠬᠤᠶᠢᠰᠢ ᠪᠠᠨ ᠪᠠᠶᠢᠭᠠᠯ ᠨᠠᠭᠤᠷ ᠤᠨ ᠡᠮᠦᠨᠡᠬᠦᠷᠬᠢ ᠦᠷᠭᠡᠨ ᠠᠭᠤᠳᠠᠮ ᠨᠤᠳᠤᠭ ᠲᠡᠪᠢᠰᠭᠡᠷ ᠢ ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ | 870 ᠺᠢᠯᠣᠮᠧᠲᠷ᠂ ᠡᠮᠦᠨᠡ ᠬᠤᠶᠢᠰᠢ ᠪᠣᠯ 1200 ᠺᠢᠯᠣᠮᠧᠲᠷ ᠤᠨ ᠦᠩ ᠰᠢᠮᠡᠯᠢᠭ ᠪᠡᠯᠴᠢᠭᠡᠷ ᠨᠤᠳᠤᠭ ᠢ ᠪᠠᠭᠳᠠᠭᠠᠵᠤ ᠪᠠᠶᠢᠪᠠ᠂ ᠬᠠᠰᠠᠷ ᠤᠨ ᠤᠷᠳᠤᠨ | ᠦᠷᠬᠦᠭᠡ ᠨᠢ ᠡᠷᠬᠦᠨᠡ ᠭᠤᠤᠯ ᠤᠨ ᠡᠮᠦᠨᠡ ᠬᠦᠪᠡᠭᠡᠨ ᠳᠤ ᠪᠠᠶᠢᠪᠠ᠃ | ᠴᠢᠩᠭᠢᠰ ᠬᠠᠭᠠᠨ ᠬᠠᠰᠠᠷ ᠲᠤ ᠳ᠋ᠠ ᠸᠠᠩ ᠴᠤᠯᠠ ᠬᠠᠶᠢᠷᠠᠯᠠᠵᠤ᠂ ᠠᠷᠪᠠᠨ ᠭᠤᠷᠪᠠᠨ ᠤᠳᠤᠭ᠂ ᠠᠷᠪᠠᠨ ᠲᠦᠮᠡᠨ ᠠᠷᠠᠳ ᠢ ᠦᠭᠴᠦ ᠵᠠᠬᠢᠷᠤᠭᠤᠯᠤᠭᠰᠠᠨ | ᠪᠠᠶᠢᠨᠠ᠃ ᠡᠶᠢᠮᠦ ᠶᠡᠭᠡ ᠨᠤᠳᠤᠭ ᠬᠤᠪᠢᠳᠠᠨ ᠤᠯᠤᠭᠰᠠᠨ ᠨᠢ ᠲᠡᠬᠦᠨ ᠤ ᠭᠠᠪᠢᠶᠠ ᠵᠢᠳᠬᠦᠯ᠂ ᠲᠦᠷᠦ ᠤᠯᠤᠰ ᠲᠤ ᠪᠠᠨ ᠦᠨᠡᠨᠴᠢ ᠰᠢᠳᠤᠷᠭᠤ ᠵᠢᠳᠬᠦᠭᠰᠡᠨ ᠤ ᠬᠢᠨᠢ | ᠬᠠᠷᠭᠤ ᠪᠠᠶᠢᠬᠤ ᠨᠢ ᠯᠠᠪᠲᠠᠢ᠃ ᠬᠠᠪᠤᠳᠤ ᠬᠠᠰᠠᠷ ᠤᠨ ᠬᠤᠶᠢᠴᠢᠰ ᠶᠠᠪᠤᠬᠤ ᠲᠤᠳᠤᠮ ᠤᠯᠠᠰᠢᠷᠠᠵᠤ᠂ ᠴᠢᠩ ᠤᠯᠤᠰ ᠤᠨ ᠰᠡᠬᠦᠯᠴᠢ ᠪᠤᠯᠤᠭᠠᠳ ᠢᠷᠡᠬᠦ ᠦᠶᠡᠰ ᠲᠤ | ᠬᠤᠷᠴᠢᠨ᠂ ᠲᠦᠷᠪᠡᠨ ᠬᠡᠤᠬᠡᠳ᠂ ᠵᠠᠯᠠᠶᠢᠳ᠂ ᠭᠤᠷᠯᠤᠰ᠂ ᠤᠷᠠᠳ᠂ ᠮᠤᠤᠮᠢᠩᠭᠠᠨ᠂ ᠬᠤᠱᠤᠳ᠂ ᠠᠯᠠᠱᠠ ᠵᠡᠷᠭᠡ ᠠᠶᠢᠮᠠᠭ ᠤᠳ ᠢ ᠨᠤᠶᠠᠷᠬᠠᠬᠤ ᠪᠤᠯᠤᠭᠰᠠᠨ | ᠪᠠᠶᠢᠨᠠ᠃ ᠤᠳᠤ ᠴᠦ ᠬᠡᠰᠡᠨ ᠬᠠᠰᠠᠷ ᠬᠢᠬᠡᠳ ᠲᠡᠬᠦᠨ ᠤ ᠦᠷᠠ ᠠᠴᠢᠨᠠᠷ ᠲᠤ ᠬᠠᠷᠢᠶᠠᠯᠠᠭᠳᠠᠵᠤ ᠪᠠᠶᠢᠭᠰᠠᠨ ᠮᠤᠩᠭᠤᠯ ᠤᠪᠤᠭ ᠠᠶᠢᠮᠠᠭ ᠨᠢ ᠲᠤᠮᠳᠠᠳᠤ ᠤᠯᠤᠰ | ᠲᠠᠬᠢ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠪᠦᠬᠦ ᠬᠦᠮᠦᠨ ᠠᠮᠠ ᠶᠢᠨ ᠭᠤᠷᠪᠠᠨ ᠤ ᠬᠤᠶᠠᠷ ᠢ ᠡᠵᠡᠯᠡᠵᠤ ᠪᠠᠶᠢᠨᠠ᠃ ᠬᠠᠪᠤᠳᠤ ᠬᠠᠰᠠᠷ ᠨᠢ ᠴᠢᠩᠭᠢᠰ ᠬᠠᠭᠠᠨ ᠪᠠ ᠲᠡᠬᠦᠨ ᠤ | ᠪᠠᠶᠢᠭᠤᠯᠤᠭᠰᠠᠨ ᠶᠡᠭᠡ ᠮᠤᠩᠭᠤᠯ ᠤᠯᠤᠰ ᠲᠤ ᠦᠨᠡᠨᠴᠢ ᠰᠢᠳᠤᠷᠭᠤ ᠦᠢᠯᠡᠴᠢᠯᠡᠭᠰᠡᠨ ᠤ ᠤᠴᠢᠷ᠂ ᠪᠦᠬᠦ ᠮᠤᠩᠭᠤᠯ ᠠᠶᠢᠮᠠᠭ ᠤᠨ ᠢᠳᠡᠭᠡᠯ ᠪᠢᠰᠢᠷᠡᠯ ᠢ ᠤᠯᠵᠤ | ᠦᠪᠡᠷ ᠤᠨ ᠬᠢᠨᠢ ᠤᠯᠠᠨ ᠬᠠᠷᠢᠶᠠ ᠠᠶᠢᠮᠠᠭ ᠬᠠᠰᠠᠷ ᠢ ︽ᠲᠠᠶᠢᠯ ᠪᠤᠭᠳᠠ︾ ᠬᠡᠮᠡᠨ ᠦᠶᠡ ᠦᠶᠡ ᠪᠠᠷ ᠢᠶᠠᠨ ᠰᠦᠰᠦᠭᠯᠡᠨ᠂ ᠤᠳᠤ ᠪᠤᠯᠳᠠᠯᠠ ᠤᠷᠳᠤ ᠦᠷᠬᠦᠭᠡ ᠶᠢ | ᠨᠢ ᠦᠷᠬᠦᠭᠡ ᠶᠢ ᠨᠢ ᠬᠠᠮᠠᠭᠠᠯᠠᠵᠤ᠂ ᠤᠩᠭᠤᠨ ᠲᠠᠬᠢᠯᠭᠠ ᠶᠢ ᠨᠢ ᠦᠷᠬᠦᠯᠵᠢᠯᠡᠬᠦᠯᠵᠤ᠂ ᠬᠦᠷᠦᠭ ᠵᠢᠷᠤᠭ ᠢ ᠨᠢ ᠪᠦᠳᠦᠭᠡᠭᠡᠳ ᠰᠠᠩ ᠲᠠᠯᠪᠢᠨ ᠲᠡᠭᠡᠳᠦᠯᠡᠨ | ᠲᠠᠬᠢᠭᠰᠠᠭᠠᠷ ᠪᠠᠶᠢᠨᠠ᠃ | ᠶᠠᠭ ᠡᠶᠢᠮᠦ ᠠᠴᠠ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠵᠠᠭᠤᠨ ᠤ ᠰᠡᠭᠦᠯᠴᠢ᠂ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ ᠦᠶᠡ ᠳᠠᠬᠢ ᠲᠡᠤᠬᠡᠳᠦ ᠬᠦᠮᠦᠨ ᠬᠠᠰᠠᠷ ᠪᠣᠯ | ᠰᠢᠯᠭᠠᠷᠠᠭᠰᠠᠨ ᠴᠡᠷᠢᠭ ᠤᠨ ᠡᠷᠳᠡᠮᠳᠡᠨ᠂ ᠤᠯᠤᠰ ᠲᠦᠷᠦᠴᠢᠨ ᠪᠤᠯᠬᠤ ᠪᠦᠭᠡᠳ ᠮᠥᠨ ᠴᠦ ᠨᠢᠭᠡᠨ ᠭᠠᠷᠮᠠᠭᠠᠢ ᠭᠠᠳᠠᠭᠠᠳᠤ ᠬᠠᠷᠢᠯᠴᠠᠭᠠᠨ ᠤ ᠬᠦᠮᠦᠨ ᠶᠤᠮ᠃ | ᠮᠦᠩᠬᠡᠴᠢᠯᠠᠭᠤ ᠶᠢᠨ ︽ᠬᠦᠮᠦᠵᠢᠯ ᠤᠨ ᠬᠦᠬᠡ ᠪᠡᠯᠡᠭ︾ ᠠᠴᠠ ᠪᠠᠭᠤᠯᠭᠠᠪᠠ | |