| ᠬᠠᠷᠠᠪᠠᠷᠰ | | ᠡᠨᠡ ᠵᠢᠯ ᠤᠨ ᠬᠠᠩᠰᠢ ᠶᠢᠨ ᠡᠳᠦᠷ ᠭᠡᠭᠴᠢ ᠶᠣᠰᠣᠲᠠᠢ ᠡᠪᠦᠯ ᠤᠨ ᠰᠢᠨᠵᠢ ᠲᠠᠢ ᠬᠠᠪᠤᠷ ᠤᠨ ᠵᠢᠬᠡᠭᠦᠨ ᠡᠳᠦᠷ ᠪᠠᠶᠢᠪᠠ᠃ | ᠥᠷᠯᠥᠭᠡ ᠶᠢᠨ ᠬᠤᠭᠤᠯᠠᠨ ᠤ ᠲᠠᠷᠠᠭᠠ᠂ ᠪᠢ ᠤᠤᠯ ᠤᠨ ᠵᠤᠷᠰᠢᠯ ᠢᠶᠠᠷ ᠢᠶᠠᠨ ᠬᠤᠶᠢᠲᠤ ᠠᠭᠤᠯᠠᠨ ᠵᠦᠭ ᠠᠯᠬᠤᠯᠠᠬᠤ ᠪᠠᠷ ᠶᠠᠪᠤᠬᠤ ᠭᠡᠵᠦ ᠪᠠᠶᠢᠲᠠᠯᠠ ᠡᠬᠡᠨᠡᠷ | ᠮᠢᠨᠢ ᠭᠡᠨᠡᠳᠲᠡ ᠶᠠᠭᠤ ᠨᠢᠭᠡ ᠶᠢ ᠰᠠᠨᠠᠨ ᠣᠯᠵᠤ᠄ ︽ᠬᠥᠶ᠋ᠢ᠂ ᠡᠨᠡ ᠡᠳᠦᠷ ᠴᠢᠨᠢ ᠬᠠᠩᠰᠢ ᠶᠢᠨ ᠡᠳᠦᠷ ᠪᠢᠰᠢ ᠤᠤ︖ ᠦᠨᠦᠭᠢ ᠥᠨᠥᠴᠢᠨ ᠪᠤᠯᠠᠰᠢᠨ ᠤ ᠳᠣᠲᠣᠨᠣ | ᠨᠠᠶᠢᠵᠠ ᠳᠠᠭᠠᠨ ᠰᠣᠷᠭᠤᠭ ᠴᠡᠴᠡᠭ ᠭᠦᠷᠭᠡᠭᠦ ᠪᠠᠨ ᠮᠠᠷᠲᠠᠴᠢᠬᠠᠪᠠ ᠤᠤ︖︾ ᠭᠡᠵᠦ ᠮᠢᠨᠤ ᠰᠠᠨᠠᠭᠠᠨ ᠳᠤ ᠨᠡᠶᠢᠴᠡᠭᠦᠯᠦᠨ ᠰᠠᠨᠠᠭᠤᠯᠤᠨ ᠭᠡᠯᠡᠭᠦ ᠳᠤ ᠨᠢ ᠪᠢ ᠡᠭ ᠮᠡᠭ | ᠭᠡᠵᠦ ᠪᠠᠭ᠋ᠠᠨ ᠲᠠᠲᠠᠭᠠᠯᠵᠠᠨ ᠡᠪ ᠦᠭᠡᠶᠢᠬᠡᠨ ᠢᠨᠢᠶᠡᠰᠬᠢᠭᠡᠳ᠄ ︽ᠮᠡᠲᠡᠵᠦ ᠪᠠᠶᠢᠨᠠ ᠰᠢᠤ᠂ ᠪᠢ ᠴᠢᠨᠢ ᠠᠷᠠᠢ ᠪᠠᠰᠠ ᠲᠡᠶᠢᠮᠦ ᠯᠠ ᠮᠠᠷᠲᠠᠮᠠᠲᠠᠭᠠᠢ ᠠᠮᠢᠳᠠᠨ | ᠪᠣᠯᠴᠢᠬᠠᠭᠰᠠᠨ ᠪᠢᠰᠢ ᠳ᠋ᠡ᠂ ᠦᠦᠷ ᠤᠨ ᠵᠡᠭᠦᠳᠦ ᠦᠨᠡᠨ ᠪᠠᠶᠢᠳᠠᠭ ᠭᠡᠳᠡᠭᠴᠢᠯᠡᠨ ᠥᠴᠥᠭᠡᠳᠦᠷ ᠰᠥᠨᠢ ᠬᠠᠷᠢᠨ ᠪᠢ ᠨᠢᠭᠡᠨ ᠬᠠᠴᠢᠨ ᠵᠡᠭᠦᠳᠦ ᠵᠡᠭᠦᠳᠦᠯᠡᠵᠦ ᠦᠨᠦᠭᠢ | ᠥᠨᠥᠴᠢᠨ ᠪᠤᠯᠠᠰᠢᠨ ᠤ ᠡᠵᠡᠨ ᠨᠢ ᠠᠩᠭᠢᠷ ᠭᠡᠲᠡᠭ ᠪᠦᠰᠡᠭᠦᠢ ᠨᠠᠳᠠ ᠲᠠᠢ ᠠᠭᠤᠯᠵᠠᠨ ᠰᠠᠯᠤᠯᠲᠠ ᠶᠢᠨ ᠶᠣᠰᠣ ᠭᠦᠢᠴᠡᠳᠬᠡᠨ ᠬᠤᠳᠠ ᠶᠢᠨ ᠲᠡᠭᠦᠷᠭᠡ ᠶᠢᠨ ᠸᠠᠨ ᠰᠧᠦ | ᠶᠤᠸᠠᠨ ᠬᠡᠮᠡᠭᠴᠢ ᠤᠯᠠᠨ ᠨᠡᠶᠢᠲᠡ ᠶᠢᠨ ᠤᠩᠭᠤᠨ ᠤ ᠭᠠᠵᠠᠷ ᠨᠡᠭᠦᠭᠡᠳ ᠶᠠᠪᠤᠴᠢᠬᠠᠭᠰᠠᠨ ᠭᠡᠨᠡ︾ ᠭᠡᠵᠦ ᠳᠥᠭᠦᠮᠬᠡᠨ ᠬᠡᠯᠡᠭᠡᠳ ᠦᠨᠦᠭᠢ ᠲᠣᠳᠣᠬᠠᠨ ᠪᠥᠭᠡᠳ | ᠰᠣᠨᠢᠬᠠᠨ ᠵᠡᠭᠦᠳᠦ ᠪᠠᠨ ᠦᠭᠡ ᠲᠠᠭᠤ ᠥᠩᠭᠡ ᠪᠤᠲᠤᠭ ᠨᠡᠮᠡᠷᠢᠯᠡᠨ ᠦᠷᠭᠦᠯᠵᠢᠯᠡᠨ ᠶᠠᠷᠢᠯᠠ ᠁ | ᠰᠢᠷᠠ ᠪᠦᠷᠦᠢ ᠪᠣᠯᠪᠠ᠂ ᠬᠡᠳᠦᠬᠡᠨ ᠬᠤᠨᠳᠠᠭᠠ ᠠᠷᠢᠬᠢᠨ ᠳᠠᠭᠠᠨ ᠬᠠᠯᠠᠰᠴᠢᠬᠠᠭᠠᠳ ᠬᠡᠯᠪᠡᠩ ᠳᠠᠯᠪᠠᠩ ᠭᠡᠯᠲᠦᠷᠢᠭᠰᠡᠭᠡᠷ ᠨᠢᠭᠡ ᠮᠡᠲᠡᠭᠦ ᠳᠤ ᠪᠠᠰᠠ ᠦᠨᠦᠭᠢ | ᠪᠣᠷᠣ ᠣᠷᠣᠢ ᠳᠡᠭᠡᠷᠡ ᠪᠠᠨ ᠢᠷᠡᠴᠢᠬᠡᠪᠡ᠃ ᠰᠣᠭᠲᠣᠭᠤ ᠨᠢᠳᠦ ᠪᠠᠨ ᠰᠡᠶᠢᠮᠡᠶᠢᠯᠭᠡᠨ ᠡᠶᠢᠰᠢ ᠲᠡᠶᠢᠰᠢ ᠪᠠᠨ ᠬᠠᠷᠠᠬᠤᠶᠠ ᠠᠩᠭᠢᠷ ᠤᠨ ᠪᠤᠯᠠᠰᠢᠨ ᠤ ᠡᠮᠦᠨᠡ ᠨᠢᠭᠡᠨ | ᠥᠨᠳᠥᠷᠬᠡᠨ ᠨᠠᠶᠢᠭᠤᠯᠵᠠᠭᠤᠷ ᠪᠡᠶᠡ ᠲᠠᠢ᠂ ᠤᠯᠠᠭᠠᠪᠲᠤᠷ ᠴᠠᠭᠠᠨ ᠴᠢᠷᠠᠢ ᠲᠠᠢ᠂ ᠲᠣᠮᠣ ᠠᠯᠠᠭ ᠨᠢᠳᠦ ᠲᠠᠢ ᠰᠢᠨᠡᠬᠡᠨ ᠨᠣᠭᠤᠭᠠᠨ ᠲᠡᠷᠯᠢᠭ ᠡᠮᠦᠰᠦᠭᠰᠡᠨ ᠳᠥᠴᠢᠭᠡᠳ | ᠨᠠᠰᠤᠨ ᠤ ᠡᠮᠡᠭᠲᠡᠢ ᠰᠠᠬᠤᠯᠢᠭ ᠵᠤᠵᠠᠭᠠᠨ ᠠᠷᠴᠠ ᠶᠢᠨ ᠳᠤᠮᠳᠠ ᠢᠨᠢᠶᠡᠮᠰᠦᠭᠯᠡᠨ ᠵᠣᠭᠰᠣᠨᠠ᠃ | ᠪᠢ ᠳᠣᠲᠣᠷᠠ ᠪᠠᠨ ︽ᠡᠨᠡ ᠪᠠᠷᠤᠭ ᠬᠤᠷᠢᠮ ᠨᠠᠶᠢᠷ ᠲᠤ ᠤᠷᠤᠯᠴᠠᠭᠰᠠᠨ ᠬᠤᠳᠠ ᠶᠢᠨ ᠮᠣᠩᠭᠤᠯ ᠶᠤᠮ ᠤᠤ᠂ ᠮᠠᠯ ᠲᠥᠯ ᠢᠶᠠᠨ ᠡᠷᠢᠵᠦ ᠶᠠᠪᠤᠭᠠ | ᠬᠥᠳᠡᠭᠡ ᠶᠢᠨ ᠮᠠᠯᠴᠢᠨ ᠪᠠᠶᠢᠬᠠ ᠁︾ ᠭᠡᠵᠦ ᠪᠤᠲᠤᠭᠠᠳ ᠬᠠᠵᠠᠭᠤ ᠪᠠᠷ ᠨᠢ ᠵᠥᠷᠢᠵᠦ ᠭᠠᠷᠲᠠᠯᠠ ᠲᠡᠷᠡ ᠡᠮᠡᠭᠲᠡᠢ᠄ ︽ᠬᠥᠶ᠋ᠢ᠂ ᠬᠠ᠊ ᠭᠤᠸᠠᠢ ᠠ᠋᠂ ᠠᠰ | ᠠᠭᠤᠯᠵᠠᠭᠠᠳ ᠪᠠᠰᠠ ᠠᠮᠤᠷ ᠮᠡᠨᠲᠦ ᠶᠢᠨ ᠪᠡᠯᠭᠡ ᠦᠭᠡᠢ ᠲᠠ ᠴᠢᠨᠢ ᠮᠣᠩᠭᠤᠯ ᠬᠥᠮᠥᠨ ᠮᠥᠨ ᠤᠤ︖ ᠪᠢ ᠠᠩᠭᠢᠷ ᠪᠠᠶᠢᠨᠠ᠂ ᠪᠢ ᠲᠠᠨ ᠲᠠᠢ ᠰᠠᠯᠬᠤ ᠶᠣᠰᠣ | ᠭᠦᠢᠴᠡᠳᠬᠡᠬᠦ ᠪᠠᠷ ᠢᠷᠡᠪᠡ᠂ ᠲᠠ ᠨᠠᠳᠠ ᠶᠢ ᠠᠯᠪᠢᠨ ᠴᠢᠳᠬᠦᠷ ᠭᠡᠵᠦ ᠠᠶᠤᠵᠤ ᠵᠢᠭᠰᠢᠭᠦ ᠦᠭᠡᠢ ᠪᠣᠯ ᠨᠠᠭᠠᠰᠢ ᠪᠠᠨ ᠢᠷᠡ︾ ᠭᠡᠵᠦ ᠢᠨᠢᠶᠡᠮᠰᠦᠭᠯᠡᠨ ᠭᠡᠯᠡᠭᠦ ᠳᠤ ᠨᠢ | ᠥᠩᠭᠡ ᠵᠢᠰᠦ ᠨᠢ ᠶᠠᠭ ᠯᠠ ᠳᠠᠭᠢᠨᠢ ᠮᠡᠲᠦ ᠭᠤᠶᠦ ᠡᠷᠬᠢᠮᠰᠦᠭ ᠬᠠᠷᠠᠭᠳᠠᠨᠠ᠃ | ᠪᠢ ᠤᠭᠲᠤ ᠲᠦᠲᠡᠭᠡᠯᠵᠡᠯ ᠦᠭᠡᠢ ᠪᠠᠷ᠄ ︽ᠰᠡᠳᠬᠢᠯ ᠳᠡᠭᠡᠨ ᠭᠡᠮ ᠦᠭᠡᠢ ᠪᠢ ᠶᠠᠭᠤᠨ ᠳᠤ ᠲᠠᠨ ᠠᠴᠠ ᠠᠶᠤᠬᠤ ᠪᠤᠢ᠂ ᠲᠠᠨ ᠳᠤ ᠪᠠᠰᠠ ᠮᠠᠭᠤ ᠰᠠᠨᠠᠭᠠ | ᠮᠤᠰᠢᠭᠠᠢ ᠪᠤᠳᠤᠯ ᠦᠭᠡᠢ ᠭᠡᠲᠡᠭ ᠢ ᠪᠢ ᠢᠲᠡᠭᠡᠨᠡ᠂ ᠲᠠᠭᠢᠭᠠᠳ ᠬᠡᠯᠡᠪᠡᠯ ᠪᠢᠲᠡ ᠬᠤᠶᠠᠭᠤᠯᠠ ᠴᠢᠨᠢ ᠴᠡᠪᠡᠷ ᠴᠠᠶᠢᠯᠭᠠᠨ ᠪᠥᠭᠡᠳ ᠴᠢᠩ ᠦᠨᠡᠨᠴᠢ ᠨᠥᠬᠦᠷᠯᠡᠯ ᠲᠠᠢ | ᠰᠠᠶᠢᠨ ᠨᠠᠶᠢᠵᠠ ᠰᠢᠤ ᠳ᠋ᠡ᠂ ᠪᠢ ᠲᠠᠨ ᠢ ᠪᠠᠨ ᠪᠠᠶᠠᠷᠯᠠᠨ ᠤᠭᠲᠤᠶᠠ᠂ ᠲᠠᠨ ᠲᠠᠢ ᠣᠯᠵᠤ ᠠᠭᠤᠯᠵᠠᠭᠰᠠᠨ ᠳᠠᠭᠠᠨ ᠪᠠᠶᠠᠷᠯᠠᠨ ᠣᠮᠣᠭᠰᠢᠵᠤ ᠪᠠᠶᠢᠨᠠ︾ ᠭᠡᠵᠦ | ᠤᠭᠲᠤᠨ ᠣᠴᠢᠭᠠᠳ ᠬᠤᠶᠠᠷ ᠭᠠᠷ ᠢ ᠨᠢ ᠴᠢᠩᠭᠠᠬᠠᠨ ᠠᠳᠬᠤᠪᠠ᠃ ᠲᠡᠭᠦᠨ ᠤ ᠭᠠᠷ ᠨᠢ ᠭᠦᠪ ᠬᠦᠢᠲᠡᠨ ᠬᠠᠮᠤᠭ ᠪᠡᠶᠡ ᠠᠴᠠ ᠨᠢ ᠬᠥᠷᠥᠰᠥ ᠰᠢᠷᠣᠢ ᠶᠢᠨ ᠦᠨᠦᠷ | ᠬᠠᠩᠬᠤᠯᠵᠤ ᠪᠠᠶᠢᠯᠠ᠃ | ᠲᠡᠷᠡ ᠴᠦ ᠲᠤᠩ ᠰᠡᠳᠬᠢᠯ ᠬᠥᠳᠡᠯᠵᠦ᠄ ︽ᠨᠠᠳᠠ ᠶᠢ ᠨᠠᠶᠢᠵᠠ ᠲᠠᠨᠢᠭᠰᠠᠨ ᠳᠤ ᠴᠢᠨᠢ ᠪᠠᠶᠠᠷᠯᠠᠨ ᠲᠠᠯᠠᠷᠬᠠᠵᠤ ᠪᠠᠶᠢᠨᠠ᠂ ᠤᠲᠤ ᠪᠢ ᠤᠯᠠᠨ ᠨᠡᠶᠢᠲᠡ ᠶᠢᠨ | ᠤᠩᠭᠤᠨ ᠳᠤ ᠨᠡᠭᠦᠭᠦ ᠪᠣᠯᠬᠤᠷ ᠲᠠᠨ ᠲᠠᠢ ᠨᠢᠭᠡ ᠠᠭᠤᠯᠵᠠᠭᠠᠳ ᠶᠠᠪᠤᠶᠠ ᠭᠡᠰᠡᠨ ᠶᠤᠮ᠂ ᠲᠥᠭᠡᠯᠡᠵᠦ ᠲᠦᠷᠦᠭᠰᠡᠨ ᠪᠡᠶᠡ᠂ ᠲᠣᠭᠠᠯᠠᠵᠤ ᠲᠠᠯᠪᠢᠭᠰᠠᠨ ᠨᠠᠰᠤ | ᠭᠡᠳᠡᠭᠴᠢᠯᠡᠨ ᠪᠢ ᠪᠣᠯ ᠲᠡᠷᠭᠡᠨ ᠠᠲᠡᠯ ᠢᠶᠠᠷ ᠲᠤᠷᠭᠤᠨ ᠨᠠᠰᠤᠯᠠᠭᠰᠠᠨ ᠲᠡᠨᠦᠭᠦᠯ ᠰᠦᠨᠡᠰᠦ ᠪᠣᠯᠬᠤᠷ ᠡᠷᠯᠢᠭ ᠤᠨ ᠣᠷᠣᠨ ᠢᠶᠠᠷ ᠠᠷᠪᠠᠨ ᠬᠡᠳᠦᠨ ᠵᠢᠯ ᠲᠡᠨᠦᠭᠦᠴᠢᠯᠡᠵᠦ | ᠶᠠᠪᠤᠯᠠ᠃ ᠶᠠᠭᠤ ᠪᠣᠯᠤᠭᠰᠠᠨ ᠴᠦ ᠡᠷᠯᠢᠭ ᠤᠨ ᠬᠠᠭᠠᠨ ᠲᠠᠷᠠᠭᠠ ᠵᠢᠯ ᠨᠠᠳᠠ ᠳᠤ ᠲᠦᠷᠦᠯ ᠣᠯᠭᠤᠬᠤ ᠶᠤᠮ ᠭᠡᠨᠡ᠂ ᠲᠠᠨ ᠤ ᠬᠦᠷᠭᠡᠭᠰᠡᠨ ᠠᠷᠪᠠᠨ ᠪᠠᠭᠴᠠ | ᠰᠣᠷᠭᠤᠭ ᠴᠡᠴᠡᠭ ᠴᠢᠨᠢ ᠮᠢᠨᠤ ᠤᠶᠢᠳᠬᠠᠷ ᠢ ᠰᠡᠷᠭᠦᠭᠡᠨ ᠡᠯᠡᠢ ᠬᠤᠯᠠᠢ ᠠᠮᠢᠳᠤᠷᠠᠯ ᠳᠤ ᠮᠢᠨᠢ ᠡᠭᠦᠷᠢᠳᠡ ᠶᠢᠨ ᠬᠠᠨᠢ ᠪᠣᠯᠣᠭᠰᠠᠭᠠᠷ ᠠ᠋ ᠁︾ ᠭᠡᠵᠦ ᠦᠭᠡ ᠪᠠᠨ | ᠴᠦ ᠬᠡᠯᠡᠵᠦ ᠭᠠᠷᠬᠤ ᠦᠭᠡᠢ ᠮᠡᠭᠰᠢᠨ ᠤᠭᠢᠯᠠᠨᠠ᠃ | ᠪᠢ ᠴᠦ ᠰᠡᠳᠬᠢᠯ ᠤᠶᠠᠷᠠᠵᠤ᠄ ︽ᠳᠡᠩᠳᠡᠭᠦᠦ ᠪᠢᠲᠡᠭᠡᠢ ᠵᠣᠪᠠ ᠠ᠋᠂ ᠦᠬᠦᠵᠦ ᠲᠦᠷᠦᠭᠦ ᠭᠡᠭᠴᠢ ᠲᠦᠮᠡᠨ ᠪᠣᠳᠠᠰ ᠤᠨ ᠵᠢᠮᠡ ᠶᠣᠰᠣ ᠪᠣᠯᠬᠤᠷ ᠬᠡᠨ ᠨᠢ ᠴᠦ | ᠭᠡᠳ ᠳᠤᠲᠠᠭᠠᠵᠤ ᠲᠡᠶᠢᠯᠭᠦ ᠦᠭᠡᠢ ᠶᠤᠮ᠂ ᠵᠦᠪᠭᠡᠨ ᠡᠷᠲᠡ ᠣᠷᠣᠢ ᠬᠡᠳᠦᠨ ᠵᠢᠯ ᠤᠨ ᠤᠴᠢᠷ ᠯᠠ ᠪᠢᠵᠡ᠂ ᠲᠠ ᠲᠡᠭᠡᠭᠡᠳ ᠠᠲᠡ ᠪᠠᠨ ᠠᠮᠤᠷᠯᠢᠩᠭᠤᠢ | ᠨᠣᠶᠢᠷᠰᠤᠪᠠᠯ ᠪᠣᠯᠴᠢᠬᠠᠨᠠ ᠰᠢᠳᠡ᠂ ᠶᠠᠭᠤᠨ ᠳᠤ ᠨᠢ ᠵᠠᠪᠠᠯ ᠨᠡᠭᠦᠵᠦ ᠶᠠᠪᠤᠬᠤ ᠪᠤᠢ︖︾ ᠭᠡᠵᠦ ᠰᠣᠨᠢᠭᠤᠴᠢᠯᠠᠨ ᠠᠰᠠᠭᠤᠪᠠᠯ ᠲᠡᠷᠡ᠄ ︽ᠬᠡᠯᠡᠪᠡᠯ ᠪᠠᠰᠠ ᠦᠭᠡ | ᠣᠯᠠᠳᠠᠵᠤ ᠦᠯᠢᠭᠡᠷ ᠤᠷᠲᠤ ᠪᠣᠯᠣᠨᠠ᠂ ᠮᠠᠯᠵᠢᠯ ᠤᠨ ᠠᠵᠢᠯ ᠢ ᠬᠠᠮᠢᠶᠠᠷᠴᠤ ᠪᠠᠶᠢᠬᠤ ᠰᠤᠮᠤᠨ ᠳᠠᠷᠤᠭᠠ ᠬᠦᠦ ᠮᠢᠨᠢ ᠨᠤᠲᠤᠭ ᠣᠷᠣᠨ ᠤ ᠪᠠᠨ ᠬᠥᠭᠵᠢᠯ | ᠲᠠᠪᠰᠢᠯ ᠤᠨ ᠲᠥᠯᠥᠭᠡ ᠡᠨᠡ ᠠᠭᠤᠯᠠᠨ ᠳᠤ ᠤᠯᠠᠨ ᠵᠦᠢᠯ ᠤᠨ ᠮᠣᠳᠣ ᠲᠠᠷᠢᠵᠦ ᠪᠠᠶᠢᠭᠠᠯᠢ ᠶᠢᠨ ᠴᠡᠴᠡᠷᠯᠢᠭ ᠪᠠᠶᠢᠭᠤᠯᠬᠤ ᠶᠤᠮ ᠭᠡᠨᠡ᠂ ᠲᠡᠭᠡᠭᠡᠳ ᠯᠠ ᠨᠠᠳᠠ ᠶᠢ | ᠸᠠᠨ ᠰᠧᠦ ᠶᠤᠸᠠᠨ ᠭᠡᠲᠡᠭ ᠨᠡᠶᠢᠲᠡ ᠶᠢᠨ ᠤᠩᠭᠤᠨ ᠤ ᠭᠠᠵᠠᠷ ᠨᠡᠭᠦᠯᠭᠡᠭᠰᠡᠨ ᠨᠢ ᠡᠨᠡ ᠠ᠋᠂ ᠮᠢᠨᠤ ᠬᠦᠦ ᠪᠣᠯ ᠠᠶᠢᠯ ᠤᠯᠠᠨ ᠳᠠᠭᠠᠨ ᠢᠲᠡᠭᠡᠯ ᠬᠦᠨᠳᠦᠲᠡᠢ ᠰᠢᠯᠢᠳᠡᠭ | ᠺᠠᠳ᠋ᠷ᠂ ᠶᠠᠭᠤ ᠬᠢᠵᠦ ᠶᠠᠭᠠᠬᠢᠵᠤ ᠬᠢᠬᠦ ᠪᠠᠨ ᠲᠣᠳᠣᠷᠬᠠᠢ ᠮᠡᠳᠡᠳᠡᠭ ᠤᠬᠠᠭᠠᠨ ᠲᠠᠢ ᠬᠦᠦ ᠪᠣᠯᠬᠤᠷ ᠲᠡᠭᠦᠨ ᠤ ᠲᠥᠯᠥᠭᠡ ᠪᠢ ᠳᠠᠩᠳᠠ ᠣᠮᠣᠭᠰᠢᠵᠤ | ᠶᠠᠪᠤᠳᠠᠭ ᠰᠢᠤ ᠁︾ ᠭᠡᠵᠦ ᠪᠠᠶᠠᠷᠲᠠᠶᠢᠬᠠᠨ ᠭᠡᠯᠡᠭᠦ ᠳᠤ ᠨᠢ ᠪᠢ ᠶᠠᠭᠤ ᠭᠡᠯᠡᠭᠦ ᠪᠠᠨ ᠣᠯᠵᠤ ᠶᠠᠳᠠᠨ ᠠᠯᠮᠠᠶᠢᠷᠠᠨ ᠵᠣᠭᠰᠣᠵᠤ ᠪᠠᠶᠢᠲᠠᠯᠠ ᠥᠨᠳᠥᠷ | ᠣᠭᠲᠠᠷᠭᠤᠢ ᠠᠴᠠ ᠨᠢᠭᠡᠨ ᠪᠥᠭᠡᠮ ᠴᠠᠭᠠᠨ ᠡᠭᠦᠯᠡ ᠭᠦᠪᠦᠯᠵᠡᠨ ᠳᠣᠭᠤᠭᠰᠢᠯᠠᠭᠰᠠᠭᠠᠷ ᠶᠠᠮᠠᠷ ᠨᠢᠭᠡᠨ ᠰᠠᠬᠢᠭᠤᠯᠰᠤᠨ ᠢ ᠪᠤᠤ ᠮᠡᠳᠡ᠂ ᠠᠩᠭᠢᠷ ᠢ ᠲᠡᠷᠡ ᠡᠭᠦᠯᠡᠨ | ᠳᠡᠭᠡᠷᠡ ᠲᠠᠳᠠᠨ ᠭᠠᠷᠭᠠᠭᠠᠳ ᠠᠯᠭᠤᠷᠬᠠᠨ ᠳᠡᠭᠳᠡᠭᠰᠡᠭᠡᠷ ᠠᠯᠠᠭᠠᠨ ᠴᠢᠨᠡᠭᠡᠨ ᠲᠣᠯᠪᠤ ᠪᠣᠯᠣᠨ ᠵᠠᠮᠬᠠᠷᠠᠵᠠᠢ ᠁ ᠭᠡᠵᠦ ᠤᠴᠢᠷ ᠲᠠᠢ ᠰᠠᠶᠢᠬᠠᠨ ᠵᠡᠭᠦᠳᠦ ᠪᠠᠨ | ᠦᠯᠢᠭᠡᠷ ᠲᠤᠮᠤᠭ ᠰᠢᠭ᠋ ᠶᠠᠷᠢᠬᠤ ᠳᠤ ᠡᠬᠡᠨᠡᠷ ᠮᠢᠨᠢ ᠨᠠᠳᠠ ᠶᠢ ᠡᠯᠡᠭᠯᠡᠨ ᠢᠨᠢᠶᠡᠵᠦ᠄ ︽ᠴᠢ ᠴᠦ ᠭᠡᠵᠦ ᠮᠥᠨ ᠬᠥᠭᠡᠷᠦᠬᠦᠢ ᠶᠤᠮ᠂ ᠵᠢᠷᠠ ᠭᠦᠷᠦᠮᠡᠭᠴᠡ ᠵᠥᠨᠥᠭᠰᠡᠨ | ᠡᠪᠦᠭᠡᠨ ᠪᠣᠯᠴᠢᠬᠠᠵᠠᠢ᠃ ᠨᠢᠭᠡᠨ ᠵᠡᠭᠦᠳᠦ ᠶᠢ ᠴᠦ ᠪᠠᠰᠠ ᠦᠨᠡᠨ ᠶᠠᠭᠤᠮᠠ ᠪᠣᠯᠭᠠᠨ ᠢᠲᠡᠭᠡᠭᠦ ᠭᠡᠭᠴᠢ ᠦᠨᠡᠬᠡᠷ ᠴᠦ ᠢᠨᠢᠶᠡᠳᠦᠮ ᠲᠠᠢ ᠮᠤᠩᠬᠠᠭ ᠶᠠᠪᠤᠳᠠᠯ ᠪᠠᠶᠢᠨᠠ᠂ | ᠢᠯᠡᠭᠦᠦ ᠶᠠᠭᠤᠮᠠ ᠪᠤᠲᠤᠬᠤ ᠬᠡᠷᠡᠭ ᠦᠭᠡᠢ ᠤᠲᠤ ᠪᠠᠷ ᠢᠶᠠᠨ ᠣᠴᠢᠵᠤ ᠦᠨᠦᠭᠢ ᠥᠨᠥᠴᠢᠨ ᠪᠤᠯᠠᠰᠢᠨ ᠳᠠᠭᠠᠨ ᠨᠢᠭᠡ ᠪᠠᠭᠴᠠ ᠰᠣᠷᠭᠤᠭ ᠴᠡᠴᠡᠭ ᠬᠦᠷᠭᠡ ᠁︾ | ᠭᠡᠵᠦ ᠨᠠᠳᠠ ᠶᠢ ᠵᠣᠷᠢᠭᠵᠢᠭᠤᠯᠤᠨ ᠭᠡᠯᠡᠭᠦ ᠳᠤ ᠨᠢ ᠪᠢ ᠴᠦ ᠬᠥᠭᠰᠡᠨ ᠪᠠᠶᠠᠷᠯᠠᠵᠤ ᠨᠢᠭᠡ ᠪᠠᠭᠴᠠ ᠰᠣᠷᠭᠤᠭ ᠴᠡᠴᠡᠭ ᠢᠶᠠᠨ ᠲᠡᠪᠡᠷᠢᠨ ᠡᠷᠭᠢᠴᠡᠭᠦᠯᠦᠯ | ᠳᠤᠷᠠᠳᠬᠠᠯ ᠳᠠᠭᠠᠨ ᠰᠣᠭᠲᠣᠭᠤᠷᠠᠨ ᠲᠦᠷᠭᠡᠯᠡᠨ ᠠᠯᠬᠤᠭᠰᠠᠭᠠᠷ ᠦᠨᠦᠭᠢ ᠪᠣᠷᠣ ᠳᠣᠪᠣᠴᠠᠭ ᠳᠡᠭᠡᠷᠡ ᠪᠠᠨ ᠬᠦᠷᠴᠦ ᠢᠷᠡᠭᠡᠳ ᠦᠵᠡᠬᠦᠶᠡ ᠦᠨᠦᠭᠢ ᠪᠤᠯᠠᠰᠢ | ᠨᠢᠭᠡᠨᠲᠡ ᠠᠭᠤᠳᠠᠯᠠᠭᠳᠠᠵᠦ ᠠᠪᠰᠠ ᠴᠢᠨᠳᠠᠷ ᠨᠢ ᠠᠯᠢ ᠬᠡᠳᠦᠶᠢᠨ ᠠᠯᠠᠭᠠ ᠪᠣᠯᠣᠭᠠᠳ ᠣᠩᠭᠤᠶᠢᠭᠰᠠᠨ ᠨᠦᠭᠡᠨ ᠳᠤ ᠨᠢ ᠡᠳᠦᠢ ᠲᠡᠳᠦᠢ ᠴᠢᠯᠠᠭᠤ ᠬᠠᠶᠠᠭᠳᠠᠵᠤ | ᠴᠢᠯᠠᠭᠤᠨ ᠫᠠᠶᠢᠯᠤᠤ ᠨᠢ ᠴᠦ ᠬᠠᠵᠠᠭᠤ ᠲᠡᠶᠢᠰᠢ ᠪᠠᠨ ᠬᠠᠵᠠᠶᠢᠵᠤ ᠤᠨᠠᠭᠠᠳ ᠬᠡᠳᠦᠬᠡᠨ ᠦᠰᠦᠭ ᠨᠢ ᠲᠣᠳᠣᠬᠠᠨ ᠬᠠᠷᠠᠭᠳᠠᠨᠠ᠃ | ︽ᠠ᠋ ᠁ ᠠ᠋ ᠁ ᠡᠨᠡ ᠴᠢᠨᠢ ᠶᠠᠭᠠᠬᠢᠴᠢᠬᠠᠪᠠ︖︾ ᠭᠡᠵᠦ ᠰᠣᠴᠢᠨ ᠭᠠᠶᠢᠬᠠᠵᠤ ᠠᠯᠮᠠᠶᠢᠷᠠᠨ ᠲᠦᠭᠳᠡᠷᠡᠭᠰᠡᠨ ᠢᠶᠠᠨ ᠬᠡᠰᠡᠭ ᠤᠳᠠᠮᠠᠭᠴᠠ ᠡᠭᠡᠭᠡ | ᠯᠠ ᠡᠯᠢᠭᠡ ᠵᠢᠷᠦᠬᠡ ᠶᠢ ᠠᠭᠤᠳᠠᠯᠠᠭᠰᠠᠨ ᠰᠢᠭ᠋ ᠬᠥᠨᠳᠡᠢ ᠬᠤᠭᠤᠰᠤᠨ ᠪᠣᠯᠣᠭᠠᠳ ᠡᠵᠡᠭᠦᠢ ᠬᠡᠭᠡᠷᠡ ᠬᠠᠶᠠᠭᠳᠠᠭᠰᠠᠨ ᠥᠨᠥᠴᠢᠨ ᠬᠡᠦᠬᠡᠳ ᠰᠢᠭ ᠭᠤᠲᠤᠷᠠᠪᠠ᠃ | ᠠᠢ ᠳ᠋ᠠ᠂ ᠬᠥᠭᠡᠷᠦᠬᠦᠢ ᠡᠨᠡ ᠪᠤᠯᠠᠰᠢ ᠪᠣᠯ ᠮᠢᠨᠤ ᠠᠷᠪᠠᠨ ᠵᠢᠯ ᠤᠨ ᠳᠣᠲᠣᠨᠣ ᠨᠠᠶᠢᠵᠠ ᠶᠤᠮ᠂ ᠠᠯᠠᠭ ᠬᠤᠷᠸᠠ ᠶᠢᠨ ᠪᠠᠶᠠᠷᠯᠠᠯ ᠭᠤᠨᠢᠭᠯᠠᠯ᠂ ᠤᠴᠠᠷᠠᠯ | ᠬᠠᠭᠠᠴᠠᠯ ᠭᠡᠭᠴᠢ ᠡᠶᠢᠮᠦ ᠯᠠ ᠬᠡᠴᠡᠭᠦᠦ ᠤᠤ ᠭᠡᠵᠦ ᠤᠶᠠᠷᠠᠬᠤ ᠰᠡᠳᠬᠢᠯ ᠲᠥᠷᠥᠭᠳᠡᠵᠦ ᠤᠴᠢᠷ ᠲᠠᠢ ᠰᠠᠶᠢᠬᠠᠨ ᠳᠤᠷᠠᠳᠬᠠᠯ ᠳᠠᠭᠠᠨ ᠰᠣᠭᠲᠣᠭᠤᠷᠠᠵᠠᠢ᠃ | 2012 ᠣᠨ ᠤ ᠬᠠᠩᠰᠢ ᠶᠢᠨ ᠡᠮᠦᠨᠡ ᠡᠳᠦᠷ ᠪᠠᠶᠢᠵᠤ ᠪᠢᠯᠡ᠂ ᠤᠷᠪᠠᠭᠠᠨ ᠬᠥᠷᠪᠡᠭᠡᠨ ᠲᠠᠢ ᠨᠡᠶᠢᠭᠡᠮ ᠤᠨ ᠡᠭᠡᠳᠡᠷᠡᠭᠡᠨ ᠪᠤᠳᠤᠯᠢᠶᠠᠨᠲᠠᠢ ᠠᠮᠢᠳᠤᠷᠠᠯ ᠤᠨ | ᠲᠠᠯᠠᠢ ᠳᠤ ᠥᠨᠥᠴᠢᠨ ᠳᠠᠷᠪᠠᠭᠤᠯ ᠮᠡᠲᠦ ᠥᠭᠰᠥᠨ ᠤᠷᠤᠭᠤᠳᠠᠭᠰᠠᠭᠠᠷ ᠶᠠᠳᠠᠷᠠᠵᠤ ᠲᠤᠶᠢᠯᠳᠠᠭᠰᠠᠨ ᠪᠢ ᠡᠶᠢᠮᠦ ᠲᠡᠶᠢᠮᠦ ᠰᠢᠯᠲᠠᠭᠠᠨ ᠢᠶᠠᠷ ᠤᠷᠢᠳᠴᠢᠯᠠᠨ | ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠭᠰᠠᠨ ᠠᠴᠠ ᠡᠭᠡᠭᠡ ᠯᠠ ᠰᠦᠷᠦᠭ ᠠᠴᠠ ᠪᠠᠨ ᠰᠠᠯᠤᠭᠰᠠᠨ ᠰᠢᠷᠬᠠ ᠲᠠᠢ ᠬᠤᠨ ᠰᠢᠭ᠋ ᠭᠡᠶᠦᠷᠡᠨ ᠠᠯᠬᠤᠭᠰᠠᠭᠠᠷ ᠡᠨᠡ ᠳᠣᠪᠣᠴᠠᠭ ᠳᠡᠭᠡᠷᠡ | ᠠᠩᠬᠠ ᠤᠳᠠᠭᠠ ᠢᠷᠡᠭᠰᠡᠨ ᠢᠶᠠᠨ ᠲᠣᠳᠣᠷᠬᠠᠢ ᠴᠡᠭᠡᠵᠢᠯᠡᠭᠰᠡᠭᠡᠷ ᠁ | ᠦᠳᠡᠰᠢ ᠶᠢᠨ ᠤᠯᠠᠪᠤᠷ ᠲᠤᠯᠤᠩ ᠠᠭᠤᠯᠠ ᠲᠠᠯᠠ ᠶᠢ ᠶᠢᠰᠦᠨ ᠥᠩᠭᠡ ᠪᠠᠷ ᠪᠤᠳᠤᠭᠯᠠᠵᠤ ᠬᠠᠪᠤᠷ ᠤᠨ ᠤᠷᠢᠬᠠᠨ ᠰᠠᠯᠭᠢ ᠪᠡᠶᠡ ᠴᠣᠭᠴᠠ ᠶᠢ ᠮᠢᠨᠢ | ᠡᠶᠡᠪᠡᠷᠭᠦᠤ ᠪᠠᠷ ᠢᠯᠪᠢᠨ ᠣᠨᠴᠠ ᠲᠠᠭᠠᠯᠠᠮᠵᠢᠲᠠᠢ ᠪᠠᠶᠢᠪᠠ᠃ ᠪᠢ ᠨᠢᠭᠡ ᠭᠤᠳᠣᠯᠢ ᠲᠠᠮᠠᠭᠢ ᠨᠣᠴᠣᠭᠠᠵᠤ ᠣᠷᠴᠢᠨ ᠲᠣᠭᠤᠷᠢᠨ ᠢᠶᠠᠨ ᠠᠵᠢᠭᠯᠠᠨ ᠰᠠᠭᠤᠲᠠᠯᠠ | ᠠᠷᠪᠠᠭᠠᠳ ᠯᠠ ᠮᠧᠲᠷ ᠤᠨ ᠡᠮᠦᠨᠡ ᠨᠢᠭᠡᠨ ᠵᠢᠵᠢᠭᠬᠡᠨ ᠴᠢᠯᠠᠭᠤᠨ ᠣᠪᠣᠭᠠ ᠬᠠᠷᠠᠭᠳᠠᠪᠠ᠂ ᠰᠣᠨᠢᠭᠤᠴᠢ ᠵᠠᠩ ᠢᠶᠠᠷ ᠢᠶᠠᠨ ᠬᠠᠵᠠᠭᠤ ᠳᠤ ᠨᠢ ᠣᠴᠢᠵᠤ ᠦᠵᠡᠬᠦ ᠳᠤ | ᠬᠥᠭᠡᠷᠦᠬᠦᠢ ᠨᠢᠭᠡᠨ ᠥᠨᠥᠴᠢᠨ ᠪᠤᠯᠠᠰᠢ ᠪᠠᠶᠢᠵᠤ ᠳ᠋ᠠ᠂ ᠨᠠᠷᠢᠪᠴᠢᠯᠠᠨ ᠠᠵᠢᠭᠯᠠᠪᠠᠯ ᠥᠨᠳᠡᠭᠡᠨ ᠴᠠᠭᠠᠨ ᠴᠢᠯᠠᠭᠤᠳ ᠢᠶᠠᠷ ᠬᠥᠮᠥᠷᠢᠭᠰᠡᠨ ᠲᠣᠭᠤᠭᠠ ᠮᠡᠲᠦ | ᠣᠪᠣᠭᠠᠯᠠᠵᠤ ᠪᠣᠰᠬᠠᠭᠰᠠᠨ ᠪᠤᠯᠠᠰᠢ ᠪᠠᠶᠢᠭᠰᠠᠨ ᠪᠠ ᠡᠮᠦᠨᠡ ᠨᠢ ᠵᠢᠵᠢᠭ ᠫᠠᠶᠢᠯᠤᠤ ᠪᠣᠰᠬᠠᠵᠤ ︽1971 ᠣᠨ ᠤ 6 ᠰᠠᠷᠠ ᠶᠢᠨ 17 ᠤ ᠡᠳᠦᠷ ᠠᠴᠠ 2012 | ᠣᠨ ᠤ 1 ᠰᠠᠷᠠ ᠶᠢᠨ 21 ᠤ ᠡᠳᠦᠷ ᠠᠩᠭᠢᠷ ᠤᠨ ᠪᠤᠯᠠᠰᠢ︾ ᠭᠡᠵᠦ ᠪᠢᠴᠢᠵᠦ ᠪᠠᠶᠢᠪᠠ᠃ ᠲᠡᠭᠦᠨ ᠤ ᠭᠠᠳᠠᠭᠤᠷᠭᠢ ᠳᠥᠷᠪᠡ ᠲᠠᠪᠤᠨ ᠳᠥᠷᠪᠡᠯᠵᠢᠨ ᠮᠧᠲᠷ ᠤᠨ | ᠲᠠᠯᠠᠪᠠᠢ ᠶᠢ ᠨᠢᠳᠤᠷᠭᠠᠨ ᠴᠢᠨᠡᠭᠡᠨ ᠬᠥᠬᠡ ᠴᠢᠯᠠᠭᠤᠳ ᠢᠶᠠᠷ ᠲᠤᠭᠤᠷ ᠤᠨ ᠬᠡᠯᠪᠡᠷᠢᠲᠡᠢ ᠬᠦᠷᠢᠶᠡᠯᠡᠵᠦ ᠤᠩᠭᠤᠨ ᠤ ᠬᠦᠷᠢᠶᠡ ᠪᠤᠯᠭᠠᠭᠰᠠᠨ ᠨᠢ ᠬᠡᠦᠬᠡᠳ ᠤᠨ ᠨᠠᠭᠠᠳᠤᠮ | ᠭᠡᠮᠡᠷ ᠶᠠᠯᠢ ᠦᠭᠡᠶᠢᠬᠡᠨ ᠬᠠᠷᠠᠭᠳᠠᠨᠠ᠃ | ᠴᠢ ᠴᠦ ᠴᠣᠬᠤᠮ ᠬᠥᠭᠡᠷᠦᠬᠦᠢ ᠳ᠋ᠡ᠂ ᠶᠠᠭᠤᠨ ᠳᠤ ᠡᠶᠢᠮᠦ ᠵᠠᠯᠠᠭᠤ ᠪᠠᠷ ᠢᠶᠠᠨ ᠡᠷᠯᠢᠭ ᠲᠤ ᠮᠣᠷᠳᠠᠭᠰᠠᠨ ᠪᠤᠢ᠂ ᠵᠢᠷᠭᠠᠯ ᠲᠠᠢ ᠦᠬᠦᠬᠦ ᠪᠠᠷ ᠢᠶᠠᠨ | ᠵᠤᠪᠠᠯᠠᠩ ᠲᠠᠢ ᠠᠮᠢᠳᠤᠷᠠᠭᠰᠠᠨ ᠨᠢ ᠬᠤᠯᠠ ᠳᠡᠭᠡᠷᠡ ᠰᠢᠤ᠂ ᠲᠡᠶᠢᠮᠦ ᠠᠴᠠ ᠠᠮᠢᠳᠤ ᠶᠠᠪᠤᠪᠠᠯ ᠠᠯᠳᠠᠨ ᠠᠶᠠᠭᠠᠨ ᠠᠴᠠ ᠤᠰᠤ ᠤᠤᠭᠤᠨᠠ ᠭᠡᠲᠡᠭ ᠶᠤᠮ ᠠ᠋᠃ | ᠴᠢᠮᠠ ᠶᠢ ᠪᠤᠲᠤᠪᠠᠯ ᠪᠢ ᠪᠠᠰᠠ ᠪᠤᠶᠠᠨ ᠲᠠᠢ ᠬᠥᠮᠥᠨ ᠳ᠋ᠡ᠂ ᠬᠡᠳᠦᠢ ᠮᠠᠭᠤ ᠪᠤᠯᠪᠠᠴᠤ ᠠᠲᠡ ᠥᠷᠪᠥᠶᠢᠵᠦ ᠵᠣᠭᠰᠣᠵᠤ ᠪᠠᠶᠢᠬᠤ ᠪᠢᠰᠢ ᠤᠤ ᠁ ᠭᠡᠵᠦ | ᠪᠤᠲᠤᠬᠤᠶᠠ ᠠᠲᠠᠭᠠ ᠵᠢᠲᠥᠭᠡ ᠲᠠᠢ ᠠᠮᠢᠳᠤᠷᠠᠯ ᠤᠨ ᠵᠠᠮ ᠲᠡᠭᠡᠷᠡᠭᠢ ᠠᠯᠢᠪᠠ ᠨᠤᠭᠤᠷᠠᠯ ᠪᠦᠳᠦᠷᠢᠯ ᠠᠴᠠ ᠪᠣᠯᠤᠭᠰᠠᠨ ᠰᠡᠭᠦᠷᠡᠰᠦ ᠠᠯᠳᠠᠵᠤ ᠰᠡᠳᠬᠢᠯ ᠡᠮᠲᠡᠷᠡᠮᠡ | ᠲᠡᠳᠡᠭᠡᠷ ᠤᠴᠠᠷᠠᠯ ᠤᠳ ᠬᠥᠬᠡᠮᠳᠦᠭ ᠣᠭᠲᠠᠷᠭᠤᠢ ᠶᠢᠨ ᠭᠦᠪᠡᠭᠡ ᠦᠭᠡᠢ ᠬᠠᠶᠠᠭᠠᠨ ᠳᠤ ᠰᠢᠩᠭᠡᠨ ᠠᠭᠤᠰᠴᠤ ᠪᠢᠯᠡ᠃ | ᠠᠩᠬᠠ ᠠᠭᠤᠯᠵᠠᠭᠰᠠᠨ ᠡᠨᠡ ᠪᠤᠯᠠᠰᠢ ᠨᠠᠳᠠ ᠳᠤ ᠶᠢᠷᠲᠢᠨᠴᠦ ᠶᠢᠨ ᠰᠠᠶᠢᠬᠠᠨ ᠢ ᠮᠡᠳᠡᠷᠡᠭᠦᠯᠵᠦ᠂ ᠠᠮᠢᠳᠤᠷᠠᠯ ᠤᠨ ᠰᠠᠶᠢᠬᠠᠨ ᠢ ᠠᠮᠲᠠᠯᠠᠭᠤᠯᠤᠨ | ᠠᠮᠢᠳᠤᠷᠠᠬᠤ ᠶᠢᠨ ᠢᠲᠡᠭᠡᠯ ᠢ ᠬᠥᠪᠴᠢᠯᠡᠵᠦ᠂ ᠮᠢᠨᠤ ᠭᠤᠲᠤᠷᠠᠩᠭᠤᠢ ᠮᠤᠬᠤᠷᠲᠠᠩᠭᠤᠢ ᠰᠡᠳᠬᠢᠯ ᠢ ᠨᠠᠮᠢᠷᠠᠭᠠ ᠬᠤᠷᠠ ᠰᠢᠭ᠋ ᠤᠮᠳᠠᠯᠠᠭᠰᠠᠨ ᠪᠢᠯᠡ᠃ | ᠲᠡᠭᠡᠭᠡᠳ ᠯᠠ ᠪᠢ ︽ᠦᠬᠡᠷ ᠢᠶᠠᠷ ᠲᠤᠰᠠᠯᠠᠵᠤ ᠲᠡᠶᠢᠯᠭᠦ ᠦᠭᠡᠢ ᠪᠤᠯᠪᠠᠴᠤ ᠦᠭᠡ ᠪᠠᠷ ᠢᠶᠠᠨ ᠲᠤᠰᠠᠯᠠᠶᠠ ᠳ᠋ᠠ︾ ᠭᠡᠰᠡᠨ ᠨᠢᠭᠡ ᠯᠠ ᠥᠭᠭᠢᠶᠡᠮᠦᠷᠴᠢ | ᠪᠤᠲᠤᠯ ᠢᠶᠠᠷ ᠢᠶᠠᠨ ᠡᠨᠡ ᠨᠠᠶᠢᠵᠠ ᠳᠠᠭᠠᠨ ᠠᠷᠪᠠᠨ ᠵᠢᠯ ᠳᠠᠷᠠᠭᠠᠯᠠᠨ ᠰᠣᠷᠭᠤᠭ ᠴᠡᠴᠡᠭ ᠬᠦᠷᠭᠡᠭᠰᠡᠨ ᠨᠢ ᠡᠨᠡ ᠪᠠᠶᠢᠵᠠᠢ᠃ | ᠭᠡᠨᠡᠳᠲᠡ ︽ᠳ᠋ᠢᠳ ᠁ ᠳ᠋ᠢᠳ ᠁︾ ᠭᠡᠬᠦ ᠲᠠᠭᠤᠨ ᠳᠤ ᠰᠣᠴᠢᠰᠬᠢᠨ ᠠᠵᠢᠭᠯᠠᠪᠠᠯ ᠠᠯᠪᠠᠨ ᠪᠠᠶᠢᠭᠤᠯᠭᠠ ᠶᠢᠨ ᠬᠡᠳᠦᠨ ᠵᠠᠭᠤᠨ ᠠᠯᠪᠠᠳᠠᠨ | ᠺᠠᠳ᠋ᠷᠴᠤᠳ ᠮᠣᠳᠣ ᠲᠠᠷᠢᠬᠤ ᠪᠠᠷ ᠢᠷᠡᠵᠡᠭᠡᠵᠦ ᠪᠠᠶᠢᠯᠠ᠃ | | | | | | | |