| ᠵᠤᠨ ᠲᠠ ᠮᠢᠨᠢ ᠠᠶᠠᠨ ᠳᠠᠭᠠᠨ | ᠵᠦᠳᠡᠷᠡᠵᠦ ᠶᠠᠳᠠᠷᠠᠭᠠᠳ ᠢᠷᠡᠪᠡ ᠤᠤ | ᠵᠣᠯ ᠲᠠᠢ ᠰᠠᠶᠢᠬᠠᠨ ᠤᠯᠠᠷᠢᠯ ᠢᠶᠠᠨ | ᠵᠣᠬᠢᠶᠠᠵᠤ ᠪᠦᠲᠦᠭᠡᠬᠦ ᠠᠴᠠ ᠠᠯᠵᠢᠶᠠᠪᠠ ᠤᠤ | | | ᠠᠭᠠᠷ ᠲᠡᠭᠷᠢ ᠪᠠᠷ ᠬᠥᠪᠳᠡᠭ | ᠠᠯᠠᠭ ᠡᠭᠦᠯᠡᠰ ᠢᠶᠠᠨ ᠠᠯᠳᠠᠪᠠ ᠤᠤ | ᠠᠮᠢᠯᠠᠯ ᠡᠰᠡᠨᠢᠯ ᠠᠳᠢᠰᠯᠠᠳᠠᠭ | ᠷᠠᠰᠢᠶᠠᠨ ᠬᠤᠷᠠ ᠪᠠᠨ ᠮᠠᠷᠲᠠᠪᠠ ᠤᠤ | | | ᠨᠣᠭᠤᠭᠠ ᠤᠨᠢᠶᠠᠷ ᠲᠠᠲᠠᠭᠰᠠᠨ | ᠨᠣᠮᠢᠨ ᠬᠠᠩᠭᠠᠢ ᠪᠠᠨ ᠬᠦᠰᠡᠬᠦ ᠦᠭᠡᠢ ᠤᠤ | ᠨᠣᠭᠲᠣ ᠭᠥᠯᠢᠮ ᠬᠠᠶᠠᠯᠠᠭᠰᠠᠨ | ᠨᠣᠮᠣᠬᠠᠨ ᠮᠣᠷᠢᠳ ᠢᠶᠠᠨ ᠮᠥᠷᠥᠭᠡᠳᠬᠦ ᠦᠭᠡᠢ ᠤᠤ | | | ᠵᠦᠢᠯ ᠤᠨ ᠴᠡᠴᠡᠭ ᠮᠦᠰᠢᠶᠡᠭᠰᠡᠨ | ᠵᠦᠯᠭᠡᠲᠦ ᠳᠡᠨᠵᠢ ᠪᠠᠨ ᠰᠠᠨᠠᠬᠤ ᠦᠭᠡᠢ ᠤᠤ | ᠵᠢᠷᠦᠬᠡᠨ ᠤ ᠦᠭᠡ ᠪᠠᠨ ᠰᠢᠪᠡᠨᠡᠭᠰᠡᠨ | ᠵᠠᠯᠠᠭᠤ ᠬᠤᠣᠰ ᠢᠶᠠᠨ ᠳᠤᠷᠠᠰᠬᠤ ᠦᠭᠡᠢ ᠤᠤ | | | ᠲᠠᠭᠠᠨᠠ ᠶᠢᠨ ᠦᠨᠦᠷ ᠰᠡᠩᠭᠢᠨᠡᠭᠰᠡᠨ | ᠲᠠᠯᠠ ᠬᠥᠨᠳᠡᠢ ᠪᠠᠨ ᠬᠠᠷᠠᠬᠤ ᠶᠤᠮ ᠰᠢᠤ | ᠲᠠᠨᠠᠨ ᠡᠷᠳᠡᠨᠢ ᠰᠢᠭ ᠪᠥᠮᠪᠥᠯᠵᠡᠭᠰᠡᠭᠡᠷ | ᠲᠠᠩᠰᠤᠭ ᠰᠦᠷᠦᠭ ᠢᠶᠠᠨ ᠢᠪᠡᠭᠡᠬᠦ ᠶᠤᠮ ᠰᠢᠤ | | | ᠬᠥᠪᠥᠩ ᠡᠭᠦᠯᠡᠰ ᠪᠠᠭᠤᠳᠠᠯᠯᠠᠭᠰᠠᠨ | ᠬᠥᠲᠥᠯ ᠵᠣ ᠪᠠᠨ ᠪᠠᠷᠠᠯᠠᠬᠤ ᠶᠤᠮ ᠰᠢᠤ | ᠬᠥᠭᠵᠢᠯᠲᠦ ᠳᠠᠭᠤᠤ ᠪᠠᠨ ᠢᠰᠬᠡᠷᠦᠭᠰᠡᠨ | ᠬᠥᠳᠡᠯᠮᠦᠷᠢᠴᠢ ᠲᠦᠮᠡᠨ ᠢᠶᠠᠨ ᠡᠨᠡᠷᠢᠬᠦ ᠶᠤᠮ ᠰᠢᠤ | | | ᠲᠡᠭᠷᠢ ᠠᠴᠠ ᠬᠠᠶᠢᠷᠠᠯᠠᠬᠤ ᠬᠤᠷᠠ ᠶᠢ | ᠳᠡᠪᠡᠯ ᠳᠡᠭᠡᠨ ᠲᠣᠰᠳᠠᠭ ᠬᠥᠮᠦᠰ ᠲᠠᠢ ᠪᠠᠨ | ᠳᠡᠯᠡᠬᠡᠢ ᠳᠤ ᠵᠠᠶᠠᠭᠠᠭᠰᠠᠨ ᠲᠠᠪᠢᠯᠠᠩ ᠢᠶᠠᠨ | ᠳᠡᠭᠡᠳᠦᠯᠡᠨ ᠰᠢᠲᠦᠳᠡᠭ ᠤᠯᠤᠰ ᠲᠠᠢ ᠪᠠᠨ | | | ᠵᠤᠨ ᠲᠠ ᠮᠢᠨᠢ ᠨᠤᠲᠤᠭ ᠲᠠᠭᠠᠨ | ᠨᠠᠷᠠ ᠲᠠᠢ ᠬᠤᠷᠸᠠ ᠲᠠᠢ ᠵᠤᠰᠠᠭᠠᠷᠠᠢ | ᠵᠤᠨ ᠣᠯᠠᠨ ᠤ ᠪᠠᠨ ᠮᠡᠯᠮᠡᠢ ᠳᠤ | ᠨᠠᠪᠴᠢ ᠲᠠᠢ ᠴᠡᠴᠡᠭ ᠲᠠᠢ ᠵᠢᠷᠭᠠᠨᠠ | | ᠠᠯᠲᠠᠨ᠋ᠠ᠋ᠭᠤᠯᠠ | |