| ᠤᠯᠢᠶᠠᠷᠬᠠᠭ ᠬᠡᠦᠬᠡᠨᠴᠦᠳ ᠦᠦᠷ ᠲᠠᠢ ᠤᠷᠤᠯᠳᠤᠨ | ᠦᠨᠢᠶᠡᠨ ᠵᠡᠯᠡᠨ ᠳᠤ ᠬᠥᠨᠥᠭ ᠪᠢᠯᠬᠠᠷᠠᠭᠤᠯᠵᠤ | ᠠᠭᠤᠯᠠᠰ ᠤᠨ ᠰᠡᠵᠢᠭᠦᠷ ᠤᠰᠤᠨ ᠵᠡᠷᠭᠡᠯᠭᠡᠨ ᠳᠤ ᠬᠥᠪᠪᠦᠭᠴᠢ | ᠤᠯᠠᠷᠢᠯ ᠤᠨ ᠵᠤᠨ ᠪᠣᠯᠳᠠᠭ ᠶᠤᠮ | | ᠬᠥᠬᠦᠭᠡ ᠰᠢᠪᠠᠭᠤ ᠢᠷᠠᠭᠤ ᠠᠶᠢᠵᠠᠮᠯᠠᠨ ᠳᠣᠩᠭᠤᠳᠴᠤ | ᠬᠥᠳᠡᠭᠡ ᠲᠠᠯᠠ ᠳᠤ ᠮᠥᠭᠦ ᠰᠢᠭ ᠮᠣᠩᠭᠤᠯ ᠭᠡᠷ ᠴᠠᠶᠢᠵᠤ | ᠬᠥᠲᠥᠯᠥᠭᠡ ᠮᠣᠷᠢ ᠲᠠᠢ ᠨᠠᠭᠠᠴᠤ ᠮᠢᠨᠢ ᠠᠶᠢᠰᠤᠢ ᠯᠡ ᠶᠤᠮᠰᠢᠭ | ᠬᠦᠷᠡᠩ ᠵᠢᠷᠦᠬᠡᠨ ᠳᠤ ᠮᠥᠷᠥᠭᠡᠳᠦᠯ ᠰᠡᠶᠢᠯᠵᠦ | ᠬᠦᠢ ᠨᠤᠲᠤᠭ ᠲᠤ ᠵᠤᠨ ᠪᠣᠯᠳᠠᠭ ᠶᠤᠮ | | | ᠳᠡᠨᠵᠢ ᠶᠢᠨ ᠴᠡᠴᠡᠭᠡᠰ ᠠᠯᠠᠭᠯᠠᠨ ᠳᠡᠯᠭᠡᠷᠡᠵᠦ | ᠳᠡᠭᠡᠭᠦᠷ ᠨᠢ ᠥᠩᠭᠡ ᠶᠢᠨ ᠡᠷᠪᠡᠬᠡᠢ ᠰᠦᠯᠵᠢᠯᠳᠦᠨ | ᠳᠡᠭᠡᠪᠦᠷ ᠤᠨ ᠨᠠᠷᠠ ᠠᠷᠭᠠᠮᠵᠢᠶᠠ ᠲᠠᠢ ᠶᠤᠮᠰᠢᠭ ᠤᠷᠲᠤᠰᠤᠨ | ᠲᠡᠷᠲᠡᠭᠡ ᠴᠡᠩᠬᠡᠷᠯᠡᠬᠦ ᠠᠮᠠᠷᠠᠭ ᠤᠰᠤᠨ ᠤ ᠠᠶᠢᠯ ᠤᠳ ᠢᠶᠠᠷ ᠴᠤ | ᠲᠡᠭᠰᠢᠬᠡᠨ ᠰᠠᠭᠠᠲᠠᠵᠤ ᠵᠤᠨ ᠪᠣᠯᠳᠠᠭ ᠶᠤᠮ | | ᠬᠠᠮᠢᠭᠠᠰᠢ ᠬᠠᠷᠠᠪᠠᠴᠤ ᠨᠣᠪ ᠨᠣᠭᠤᠭᠠᠨ | ᠬᠠᠷᠢᠯᠠᠬᠤ ᠬᠡᠦᠬᠡᠨ ᠤ ᠴᠢᠷᠠᠢ ᠰᠢᠭ᠋ ᠴᠡᠪᠡᠷ ᠢᠴᠢᠮᠡᠲᠡᠭᠡᠢ | ᠬᠠᠪᠤᠷᠵᠢᠶᠠᠨ ᠠᠴᠠ ᠵᠤᠰᠠᠯᠠᠩ ᠳᠠᠭᠠᠨ ᠪᠠᠭᠤᠵᠠᠭᠠᠵᠤ | ᠬᠠᠨᠠᠲᠤ ᠭᠡᠷ ᠠᠴᠠ ᠲᠤᠯᠭᠠ ᠴᠠᠢ ᠳᠠᠷᠭᠢᠯᠤᠨ | ᠬᠠᠶᠠᠭᠠ ᠰᠢᠭᠤᠵᠤ ᠵᠤᠨ ᠪᠣᠯᠳᠠᠭ | | | ᠬᠥᠬᠡ ᠣᠭᠲᠠᠷᠭᠤᠢ ᠪᠠᠷ ᠡᠭᠦᠯᠡᠰ ᠤᠭᠠᠯᠵᠠᠯᠠᠨ | ᠬᠤᠷᠠ ᠶᠢᠨ ᠰᠢᠪᠡᠷᠡᠭᠡ ᠪᠠᠷ ᠨᠠᠭᠤᠷ ᠳᠦᠭᠦᠷᠡᠩ ᠮᠡᠯᠲᠡᠯᠵᠡᠨ | ᠬᠤᠨᠢ ᠬᠠᠶᠢᠴᠢᠯᠠᠵᠤ ᠢᠰᠡᠭᠡᠢ ᠶᠢᠨ ᠨᠠᠶᠢᠷ ᠦᠷᠭᠦᠯᠵᠢᠯᠡᠨ | ᠬᠥᠯᠥᠰᠥᠨ ᠳᠤᠰᠤᠯ ᠢᠶᠠᠷ ᠠᠮᠢᠳᠤᠷᠠᠯ ᠴᠠᠯᠭᠢᠯᠠᠨ | ᠬᠥᠭᠡᠰᠦᠷᠡᠬᠦ ᠠᠶᠢᠷᠠᠭ ᠤᠨ ᠰᠡᠩᠭᠢᠨᠡᠭᠡ ᠲᠠᠢ ᠵᠤᠨ ᠪᠣᠯᠳᠠᠭ ᠶᠤᠮ | | | ᠭᠣ᠂ ᠵᠢᠷᠭᠠᠯ | |