| 1. ᠠᠶᠢᠯ ᠤᠨ ᠬᠠᠰᠢᠶᠠ ᠬᠦᠷᠢᠶᠡᠨ ᠠᠴᠠ ᠭᠦᠶᠦᠵᠦ ᠭᠠᠷᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠬᠤᠯᠠᠭᠠᠢ ᠳᠡᠭᠡᠷᠡᠮ ᠪᠣᠯ ᠰᠠᠶ᠋ᠢ ᠢᠩᠭᠢᠳᠡᠭ ᠭᠡᠨᠡ᠃ | 2. ᠠᠶᠢᠯ ᠤᠨ ᠮᠠᠯ ᠤᠨ ᠬᠡᠪᠲᠡᠷᠢ ᠪᠤᠶᠤ ᠬᠤᠲᠠ ᠬᠠᠰᠢᠶᠠᠨ ᠳᠤ ᠰᠢᠭᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠬᠡᠷᠪᠡ ᠶᠠᠮᠠᠷ ᠨᠢᠭᠡ ᠬᠥᠮᠦᠨ ᠠᠶᠢᠯ ᠤᠨ ᠬᠤᠲᠠ ᠬᠠᠰᠢᠶᠠᠨ ᠳᠤ | ᠰᠢᠭᠡᠬᠦ ᠪᠤᠶᠤ ᠪᠤᠵᠠᠷᠯᠠᠭᠰᠠᠨ ᠪᠠᠶᠢᠪᠠᠯ ᠥᠪᠡᠷ ᠤᠨ ᠪᠡᠶᠡ ᠪᠠᠷ ᠨᠢ ᠴᠡᠪᠡᠷᠯᠡᠭᠦᠯᠳᠡᠭ ᠪᠥᠭᠡᠳ ᠬᠤᠲᠠ ᠬᠠᠰᠢᠶᠠ ᠪᠠᠨ ᠠᠷᠢᠭᠤᠳᠬᠠᠳᠠᠭ᠃ ᠤᠴᠢᠷ ᠨᠢ ᠮᠣᠩᠭᠤᠯ | ᠦᠨᠳᠦᠰᠦᠲᠡᠨ ᠥᠪᠡᠷ ᠤᠨ ᠮᠠᠯᠯᠠᠭᠰᠠᠨ ᠲᠠᠪᠤᠨ ᠬᠤᠰᠢᠭᠤ ᠮᠠᠯ ᠢᠶᠠᠨ ᠲᠤᠶᠢᠯ ᠤᠨ ᠠᠷᠢᠭᠤᠨ ᠴᠡᠪᠡᠷ ᠠᠮᠢᠲᠠᠨ ᠭᠡᠵᠦ ᠦᠵᠡᠳᠡᠭ ᠪᠣᠯᠬᠤᠷ ᠮᠠᠯ ᠤᠨ ᠬᠤᠲᠠ | ᠬᠠᠰᠢᠶᠠᠨ ᠳᠤ ᠰᠢᠭᠡᠬᠦ ᠶᠢ ᠮᠠᠯ ᠰᠦᠷᠦᠭ ᠲᠤ ᠪᠤᠵᠠᠷ ᠪᠣᠯᠣᠨᠠ ᠭᠡᠵᠦ ᠴᠡᠭᠡᠷᠯᠡᠳᠡᠭ᠃ | 3. ᠠᠶᠢᠯ ᠤᠨ ᠮᠠᠯ ᠤᠨ ᠬᠤᠷᠢᠶᠠ ᠬᠠᠰᠢᠶᠠᠨ ᠤ ᠳᠣᠲᠣᠭᠤᠷ ᠪᠤᠶᠤ ᠳᠡᠷᠭᠡᠳᠡᠭᠦᠷ ᠶᠠᠪᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠵᠠᠪᠠᠯ ᠴᠠᠭᠠᠭᠤᠷ ᠨᠢ ᠶᠠᠪᠤᠬᠤ ᠬᠡᠷᠡᠭᠲᠡᠢ᠃ | 4. ᠠᠯᠢᠪᠠ ᠮᠠᠯ ᠤᠨ ᠪᠡᠯᠴᠢᠭᠡᠷ ᠲᠤ ᠮᠠᠯ ᠦᠬᠦᠳᠡᠯ᠂ ᠡᠰᠡᠬᠦᠯᠡ ᠬᠥᠮᠦᠨ ᠤ ᠬᠡᠭᠦᠷ ᠢ ᠡᠷᠦᠢ ᠬᠤᠷᠤᠢ ᠦᠭᠡᠢ ᠬᠠᠶᠠᠬᠤ᠂ ᠪᠡᠯᠴᠢᠭᠡᠷ ᠤᠰᠤᠨ ᠤ ᠳᠡᠷᠭᠡᠳᠡ | ᠡᠯᠳᠡᠪ ᠮᠠᠭᠤᠬᠠᠢ ᠤᠷᠠᠩᠬᠠᠢ ᠪᠠ ᠭᠬᠢᠷ ᠴᠢᠰᠤ ᠲᠠᠢ ᠬᠤᠪᠴᠠᠰᠤ ᠬᠤᠨᠠᠷ ᠬᠠᠶᠠᠬᠤ᠂ ᠡᠪᠡᠰᠦ ᠪᠡᠯᠴᠢᠭᠡᠷ ᠲᠤ ᠮᠠᠭᠤ ᠰᠠᠶᠢᠨ ᠪᠦᠰ ᠠᠷᠠᠰᠤ ᠶᠢᠨ ᠥᠭᠡᠳᠡᠰᠦ ᠶᠢ | ᠬᠠᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠣᠯᠵᠤ ᠦᠵᠡᠪᠡᠯ ᠳᠠᠯᠳᠠ ᠭᠠᠵᠠᠷ ᠪᠤᠶᠤ ᠡᠷᠭᠢ ᠭᠠᠩᠭᠠ ᠳᠤ ᠪᠤᠯᠠᠵᠤ ᠣᠷᠬᠢᠳᠠᠭ᠃ ᠨᠤᠲᠤᠭ ᠪᠡᠯᠴᠢᠭᠡᠷ ᠴᠡᠪᠡᠷ ᠰᠠᠶᠢᠬᠠᠨ ᠦᠵᠡᠮᠵᠢᠲᠡᠢ | ᠪᠠᠶᠢᠪᠠᠯ ᠠᠭᠤᠯᠠ ᠤᠰᠤᠨ ᠤ ᠡᠵᠡᠳ ᠰᠠᠬᠢᠭᠤᠰᠤ ᠪᠠᠶᠠᠰᠤᠨ ᠡᠪᠡᠰᠦ ᠪᠡᠯᠴᠢᠭᠡᠷ ᠥᠩ ᠰᠢᠮᠡᠯᠢᠭ ᠪᠣᠯᠣᠨᠠ᠃ ᠨᠤᠲᠤᠭ ᠤᠰᠤ ᠶᠢ ᠪᠤᠵᠠᠷᠯᠠᠪᠠᠯ ᠬᠥᠮᠦᠨ ᠮᠠᠯ ᠳᠤ | ᠬᠢᠵᠢᠭ ᠡᠪᠡᠳᠴᠢᠨ ᠳᠡᠯᠭᠡᠷᠡᠵᠦ᠂ ᠭᠠᠢ ᠪᠠᠷᠴᠢᠳ ᠢᠷᠡᠨᠡ ᠭᠡᠳᠡᠭ᠃ | 5. ᠠᠷᠴᠠ ᠽᠠᠨᠳᠠᠨ ᠢ ᠪᠤᠵᠠᠷᠯᠠᠬᠤ ᠶᠢ ᠴᠢᠩᠭᠠ ᠴᠡᠭᠡᠷᠯᠡᠨᠡ᠃ ᠠᠷᠴᠠ ᠽᠠᠨᠳᠠᠨ ᠢ ᠪᠤᠵᠠᠷ ᠮᠠᠭᠤᠬᠠᠢ ᠶᠢ ᠠᠷᠢᠯᠭᠠᠬᠤ᠂ ᠴᠢᠳᠬᠦᠷ ᠰᠢᠮᠨᠤᠰ ᠢ ᠳᠠᠷᠤᠬᠤ ᠷᠢᠳᠢ | ᠰᠢᠳᠢ ᠲᠠᠢ ᠠᠷᠢᠭᠤᠨ ᠤᠷᠭᠤᠮᠠᠯ ᠭᠡᠵᠦ ᠠᠯᠢᠪᠠ ᠶᠠᠭᠤᠮᠠᠰ ᠢ ᠠᠷᠢᠭᠤᠳᠬᠠᠬᠤ ᠳᠤ ᠬᠡᠷᠡᠭᠯᠡᠳᠡᠭ ᠤᠨ ᠤᠴᠢᠷ ᠪᠢᠯᠡ᠃ | 6. ᠡᠪᠡᠰᠦ ᠨᠣᠭᠤᠭᠠ᠂ ᠴᠡᠴᠡᠭ ᠬᠤᠸᠠᠷ ᠢ ᠰᠠᠨᠠᠭᠠᠨ ᠲᠠᠪᠠ ᠪᠠᠷ ᠥᠭᠲᠡᠭᠡᠨ ᠵᠤᠯᠭᠠᠭᠠᠬᠤ᠂ ᠬᠠᠭᠤᠷᠠᠢ ᠬᠠᠭᠳᠠ ᠶᠢ ᠬᠠᠮᠤᠨ ᠠᠪᠬᠤ᠂ ᠲᠦᠯᠡᠰᠢ | ᠰᠢᠲᠠᠭᠠᠯᠭᠠ ᠬᠢᠬᠦ ᠵᠡᠷᠭᠡ ᠶᠢ ᠴᠡᠭᠡᠷᠯᠡᠨᠡ᠃ | 7. ᠡᠪᠡᠰᠦ ᠪᠡᠯᠴᠢᠭᠡᠷ ᠢ ᠨᠦᠬᠡᠯᠡᠵᠦ ᠡᠪᠳᠡᠬᠦ᠂ ᠭᠠᠯ ᠠᠯᠳᠠᠵᠤ᠂ ᠪᠡᠯᠴᠢᠭᠡᠷ ᠲᠦᠢᠮᠡᠷᠳᠡᠬᠦ ᠶᠢ ᠲᠠᠰᠤ ᠴᠡᠭᠡᠷᠯᠡᠨᠡ᠃ | 8. ᠡᠮᠡᠭᠲᠡᠢ ᠬᠥᠮᠦᠨ ᠬᠤᠳᠳᠤᠭ ᠤᠨ ᠠᠮᠠᠨ ᠳᠡᠭᠡᠷᠡ ᠠᠯᠴᠠᠶᠢᠵᠤ ᠵᠣᠭᠰᠣᠬᠤ ᠶᠢ ᠴᠡᠭᠡᠷᠯᠡᠨᠡ᠂ ᠬᠤᠳᠳᠤᠭ ᠪᠤᠵᠠᠷᠲᠤᠨᠠ ᠭᠡᠨᠡ᠃ | 9. ᠡᠷᠲᠡᠨ ᠤ ᠮᠣᠩᠭᠤᠯᠴᠤᠳ ᠨᠢᠭᠡ ᠭᠠᠵᠠᠷ ᠣᠯᠠᠨ ᠬᠤᠳᠳᠤᠭ ᠮᠠᠯᠲᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 10. ᠡᠷᠲᠡᠨ ᠤ ᠮᠣᠩᠭᠤᠯᠴᠤᠳ ᠬᠤᠳᠳᠤᠭ ᠤᠰᠤ ᠶᠢ ᠲᠦᠭᠵᠢᠷᠡᠭᠦᠯᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠬᠠᠷᠢᠨ ︽ᠨᠢᠭᠡ ᠬᠥᠮᠦᠨ ᠬᠤᠳᠳᠤᠭ ᠮᠠᠯᠲᠠᠵᠤ᠂ ᠮᠢᠩᠭᠠᠨ | ᠬᠥᠮᠦᠨ ᠤᠤᠭᠤᠳᠠᠭ︾ ᠭᠡᠵᠦ ᠰᠤᠷᠭᠠᠳᠠᠭ᠃ | 11. ᠤᠰᠤᠨ ᠤ ᠡᠬᠢ ᠪᠣᠯᠤᠨ ᠣᠶᠢᠷᠠ ᠬᠠᠪᠢ ᠶᠢᠨ ᠮᠣᠳᠣ ᠶᠢ ᠣᠭᠲᠣᠯᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 12. ᠪᠤᠯᠠᠭ ᠤᠨ ᠤᠰᠤᠨ ᠳᠤ ᠭᠠᠷ ᠬᠥᠯ ᠢᠶᠠᠨ ᠣᠷᠣᠭᠤᠯᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠠᠭᠤ ᠢᠷᠸᠠ ᠭᠡᠵᠦ ᠦᠵᠡᠳᠡᠭ᠃ | 13. ᠤᠷᠤᠰᠬᠠᠯ ᠤᠰᠤ᠂ ᠨᠠᠭᠤᠷ ᠴᠥᠭᠦᠷᠥᠮ ᠤᠷᠤᠭᠤ ᠰᠢᠭᠡᠵᠦ ᠭᠠᠳᠠᠭᠠᠯᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 14. ᠤᠷᠤᠰᠬᠠᠯ ᠤᠰᠤᠨ ᠳᠤ ᠰᠢᠭᠤᠳ ᠶᠠᠭᠤᠮᠠ ᠤᠬᠢᠶᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠬᠡᠷᠪᠡ ᠤᠷᠤᠰᠬᠠᠯ ᠤᠰᠤ ᠪᠠᠷ ᠶᠠᠭᠤᠮᠠ ᠤᠬᠢᠶᠠᠬᠤ ᠳᠤ ᠬᠦᠷᠪᠡᠯ | ᠰᠠᠪᠠᠨ ᠳᠤ ᠬᠢᠵᠦ ᠬᠤᠯᠠ ᠣᠴᠢᠵᠤ ᠤᠬᠢᠶᠠᠨᠠ᠂ ᠲᠡᠶᠢᠮᠦ ᠪᠢᠰᠢ ᠪᠣᠯ ᠯᠤᠤᠰ ᠢ ᠪᠤᠵᠠᠷᠯᠠᠨᠠ ᠭᠡᠨᠡ᠃ | 15. ᠤᠷᠤᠰᠬᠠᠯ ᠤᠰᠤ᠂ ᠠᠮᠢᠳᠤ ᠪᠤᠯᠠᠭ ᠲᠤ ᠣᠷᠣᠵᠤ ᠪᠡᠶᠡ ᠴᠣᠭᠴᠠ ᠪᠠᠨ ᠤᠬᠢᠶᠠᠵᠤ᠂ ᠴᠡᠪᠡᠷ ᠲᠤᠩᠭᠠᠯᠠᠭ ᠪᠠᠶᠢᠭᠠᠯᠢ ᠶᠢᠨ ᠤᠰᠤᠨ ᠤ ᠡᠬᠢ | ᠰᠤᠷᠪᠤᠯᠵᠢ ᠶᠢ ᠪᠤᠵᠠᠷᠯᠠᠬᠤ ᠶᠢ ᠶᠡᠬᠡᠳᠡ ᠴᠡᠭᠡᠷᠯᠡᠨᠡ᠃ | 16. ᠤᠷᠭᠤᠮᠠᠯ ᠡᠪᠡᠰᠦ ᠶᠢ ᠬᠠᠳᠤᠬᠤ ᠠᠴᠠ ᠪᠢᠰᠢ ᠬᠠᠮᠤᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 17. ᠥᠨᠥᠴᠢᠨ ᠭᠠᠭᠴᠠ ᠮᠣᠳᠣ ᠶᠢ ᠴᠠᠪᠴᠢᠵᠤ ᠣᠭᠲᠣᠯᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 18. ᠦᠷᠢᠯ᠂ ᠮᠣᠶᠢᠯ᠂ ᠦᠵᠦᠮ᠂ ᠭᠦᠢᠯᠡᠰᠦ ᠵᠡᠷᠭᠡ ᠮᠣᠳᠣ ᠶᠢᠨ ᠵᠡᠷᠯᠢᠭ ᠵᠢᠮᠢᠰ ᠢ ᠲᠡᠭᠦᠬᠦ ᠳᠤ ᠴᠤ ᠪᠣᠯᠪᠠᠰᠤᠷᠠᠭᠰᠠᠨ ᠢ ᠨᠢ ᠲᠡᠭᠦᠳᠡᠭ ᠠᠴᠠ ᠪᠢᠰᠢ | ᠰᠠᠯᠠᠭᠠ ᠨᠠᠮᠠᠭᠠ ᠶᠢ ᠨᠢ ᠲᠠᠰᠤᠳᠠᠵᠤ ᠬᠤᠭᠤᠯᠬᠤ ᠠᠴᠠ ᠴᠡᠭᠡᠷᠯᠡᠨᠡ᠃ |