| 55. ᠮᠣᠩᠭᠤᠯᠴᠤᠳ ᠣᠢ ᠮᠣᠳᠣᠨ ᠳᠤ ᠬᠠᠶᠢᠷᠠᠲᠠᠢ᠂ ᠬᠦᠨᠳᠦᠳᠬᠡᠨ ᠰᠢᠲᠦᠬᠦ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ ᠠᠴᠠ ᠣᠢ ᠮᠣᠳᠣ ᠶᠢ ᠰᠦᠢᠳᠬᠡᠬᠦ ᠶᠢ ᠲᠤᠩ | ᠴᠡᠭᠡᠷᠯᠡᠨᠡ᠃ | 56. ᠮᠣᠳᠣ ᠲᠠᠷᠢᠬᠤ ᠪᠤᠶᠤ ᠪᠤᠷᠭᠠᠰᠤ ᠪᠠᠷ ᠬᠠᠰᠢᠶᠠ ᠬᠤᠷᠢᠶᠠ ᠪᠠᠷᠢᠬᠤ ᠳᠤ ᠭᠤᠣᠯ ᠲᠣᠯᠣᠭᠠᠢ ᠮᠥᠴᠢᠷ ᠢ ᠨᠢ ᠣᠭᠲᠣᠯᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 57. ᠰᠢᠪᠡᠭᠡ ᠮᠣᠳᠣ ᠠᠪᠬᠤ ᠳᠠᠭᠠᠨ ᠤᠷᠭᠤᠵᠤ ᠭᠦᠢᠴᠡᠭᠰᠡᠨ ᠢ ᠨᠢ ᠠᠯᠠᠭᠯᠠᠵᠤ ᠣᠭᠲᠣᠯᠳᠠᠭ ᠠᠴᠠ ᠪᠢᠰᠢ ᠨᠢᠯᠬᠠ ᠨᠢᠯᠵᠠᠷᠠᠢ ᠶᠢ ᠨᠢ ᠬᠥᠨᠳᠡᠬᠦ ᠶᠢ | ᠴᠡᠭᠡᠷᠯᠡᠳᠡᠭ ᠪᠥᠭᠡᠳ ᠨᠡᠩ ᠴᠤ ᠬᠤᠪᠣᠷ ᠰᠣᠨᠢᠨ ᠤᠷᠭᠤᠮᠠᠯ ᠪᠤᠶᠤ ᠥᠨᠥᠴᠢᠨ ᠭᠠᠭᠴᠠ ᠮᠣᠳᠣ ᠶᠢ ᠬᠥᠳᠡᠯᠭᠡᠬᠦ ᠶᠢ ᠲᠠᠰᠤ ᠴᠡᠭᠡᠷᠯᠡᠨᠡ᠃ | 58. ᠰᠣᠨᠳᠣᠭᠤᠢ ᠤᠷᠭᠤᠭᠰᠠᠨ ᠥᠨᠥᠴᠢᠨ ᠭᠠᠭᠴᠠ ᠮᠣᠳᠣ᠂ ᠣᠨᠴᠠᠭᠠᠶᠢᠷᠠᠵᠤ ᠤᠷᠭᠤᠭᠰᠠᠨ ᠬᠡᠰᠡᠭ ᠪᠥᠭᠡᠮ ᠮᠣᠳᠣ᠂ ᠪᠤᠯᠠᠭ ᠤᠰᠤᠨ ᠤ ᠡᠬᠢᠨ ᠳᠤ | ᠤᠷᠭᠤᠭᠰᠠᠨ ᠮᠣᠳᠣ᠂ ᠣᠨᠴᠠᠭᠠᠢ ᠲᠤᠩᠭᠠᠯᠠᠭ ᠤᠰᠤ ᠲᠠᠢ ᠭᠤᠷᠤᠬᠠ ᠪᠤᠶᠤ ᠪᠦᠷ ᠡᠷᠲᠡᠨ ᠠᠴᠠ ᠨᠠᠭᠠᠰᠢ ᠲᠠᠬᠢᠯᠭᠠ ᠲᠠᠢ ᠪᠠᠶᠢᠭᠰᠠᠨ ᠠᠭᠤᠯᠠ ᠤᠰᠤ ᠪᠤᠶᠤ | ᠭᠠᠵᠠᠷ ᠤᠨ ᠣᠩᠭᠤᠨ ᠮᠣᠳᠣᠨ ᠳᠤ ᠭᠠᠷ ᠬᠦᠷᠴᠦ ᠬᠥᠨᠳᠡᠬᠦ ᠶᠢ ᠬᠠᠲᠠᠭᠤ ᠴᠡᠭᠡᠷᠯᠡᠨᠡ᠃ | 59. ᠰᠣᠨᠳᠣᠭᠤᠢ ᠤᠷᠭᠤᠭᠰᠠᠨ ᠭᠠᠭᠴᠠ ᠮᠣᠳᠣᠨ ᠳᠤ ᠮᠠᠭᠤ ᠶᠠᠭᠤᠮᠠ ᠣᠷᠣᠩᠨᠠᠵᠤ ᠪᠠᠶᠢᠳᠠᠭ ᠭᠡᠵᠦ ᠦᠵᠡᠳᠡᠭ ᠠᠴᠠ ᠲᠡᠭᠦᠨ ᠤ ᠰᠡᠭᠦᠳᠡᠷ ᠲᠤ ᠰᠠᠭᠤᠬᠤ | ᠪᠤᠶᠤ ᠲᠡᠭᠦᠨ ᠤ ᠣᠶᠢᠷᠠᠬᠠᠨ ᠢᠶᠠᠷ ᠥᠩᠭᠡᠷᠡᠬᠦ ᠠᠴᠠ ᠴᠡᠭᠡᠷᠯᠡᠨᠡ᠃ | 60. ᠲᠦᠯᠡᠭᠡ ᠲᠦᠯᠡᠰᠢ ᠲᠡᠭᠦᠬᠦ ᠳᠡᠭᠡᠨ ᠬᠠᠲᠠᠵᠤ ᠬᠤᠭᠤᠷᠠᠭᠰᠠᠨ ᠢ ᠨᠢ ᠠᠪᠬᠤ ᠠᠴᠠ ᠪᠢᠰᠢ᠂ ᠤᠷᠭᠤᠭᠠ ᠮᠣᠳᠣᠨ ᠤ ᠰᠠᠯᠠᠭᠠ ᠮᠥᠴᠢᠷ ᠢ ᠬᠤᠭᠤᠯᠵᠤ | ᠲᠠᠰᠤᠳᠠᠨ ᠠᠪᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 61. ᠳᠠᠪᠬᠤᠷ ᠬᠠᠰᠢᠶᠠ ᠬᠤᠷᠢᠶᠠᠨ ᠤ ᠬᠤᠶᠠᠷ ᠡᠭᠦᠳᠡ ᠶᠢ ᠰᠢᠭᠤᠳ ᠠᠰᠯᠠᠭᠤᠯᠵᠤ ᠪᠠᠷᠢᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠮᠠᠯ ᠨᠢ ᠭᠠᠷᠤᠵᠠ ᠲᠠᠢ ᠪᠣᠯᠣᠨᠠ ᠭᠡᠳᠡᠭ᠃ | 62. ᠳᠣᠭᠰᠢᠨ ᠭᠠᠵᠠᠷ ᠠᠴᠠ ᠠᠮᠢᠲᠠᠨ ᠠᠯᠠᠬᠤ᠂ ᠬᠥᠷᠥᠰᠥ ᠰᠢᠷᠣᠢ ᠰᠡᠨᠳᠡᠯᠬᠦ᠂ ᠡᠪᠡᠰᠦ ᠤᠷᠭᠤᠮᠠᠯ ᠮᠠᠯᠲᠠᠬᠤ ᠵᠡᠷᠭᠡ ᠶᠢ ᠶᠡᠬᠡᠳᠡ ᠴᠡᠭᠡᠷᠯᠡᠨᠡ᠃ | 63. ᠳᠣᠭᠰᠢᠨ ᠭᠠᠵᠠᠷ ᠠᠴᠠ ᠮᠣᠳᠣ ᠣᠭᠲᠣᠯᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 64. ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠬᠤᠳᠳᠤᠭ ᠳᠡᠭᠡᠷᠡ ᠪᠠᠨ ᠬᠤᠭᠤᠰᠣᠨ ᠬᠦᠷᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠵᠠᠪᠠᠯ ᠴᠢᠪᠠᠭᠠ ᠰᠢᠬᠢᠷ ᠴᠠᠭᠠᠨ | ᠢᠳᠡᠭᠡᠨ ᠵᠡᠷᠭᠡ ᠶᠢ ᠠᠪᠴᠤ ᠤᠳᠬᠤᠭᠤᠷ ︵ᠬᠤᠪᠣᠭᠤ︶ ᠲᠠᠭᠠᠨ ᠬᠢᠵᠦ ᠬᠤᠳᠳᠤᠭ ᠲᠠᠢ ᠪᠠᠨ ᠰᠢᠨᠡᠯᠡᠨᠡ᠃ | 65. ᠷᠠᠰᠢᠶᠠᠨ ᠤᠰᠤ ᠶᠢ ᠵᠣᠷᠢᠭ ᠢᠶᠠᠷ ᠢᠶᠠᠨ ᠤᠳᠬᠤᠬᠤ ᠪᠤᠶᠤ ᠤᠳᠬᠤᠵᠤ ᠨᠠᠭᠠᠳᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 66. ᠷᠠᠰᠢᠶᠠᠨ ᠤ ᠤᠰᠤ ᠪᠠᠷ ᠮᠠᠯ ᠰᠦᠷᠦᠭ ᠢᠶᠠᠨ ᠤᠰᠤᠯᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 67. ᠷᠠᠰᠢᠶᠠᠨ ᠤᠰᠤᠨ ᠤ ᠳᠡᠷᠭᠡᠳᠡ ᠶᠠᠭᠤᠮᠠ ᠤᠬᠢᠶᠠᠬᠤ᠂ ᠤᠬᠢᠶᠠᠳᠠᠰᠤ ᠠᠰᠬᠠᠬᠤ᠂ ᠪᠡᠶᠡ ᠵᠠᠰᠠᠬᠤ ᠶᠢ ᠴᠢᠩᠭᠠ ᠴᠡᠭᠡᠷᠯᠡᠨᠡ᠃ ᠵᠥᠷᠢᠴᠡᠪᠡᠯ ᠠᠷᠢᠭᠤᠨ | ᠳᠠᠷᠬᠠᠨ ᠭᠠᠵᠠᠷ ᠤᠨ ᠤᠰᠤ ᠪᠤᠵᠠᠷᠲᠤᠨᠠ᠂ ᠯᠤᠤᠰ ᠬᠢᠯᠢᠩᠨᠡᠨᠡ ᠭᠡᠳᠡᠭ᠃ | 68. ᠷᠠᠰᠢᠶᠠᠨ ᠪᠤᠯᠠᠭ ᠤᠨ ᠤᠰᠤᠨ ᠳᠤ ᠪᠤᠵᠠᠷ ᠶᠠᠭᠤᠮᠠ ᠣᠷᠣᠭᠤᠯᠬᠤ᠂ ᠰᠦ ᠴᠡᠭᠡ ᠲᠤᠰᠤᠭᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ | 69. ᠷᠠᠰᠢᠶᠠᠨ ᠪᠤᠯᠠᠭ ᠤᠨ ᠳᠡᠭᠡᠳᠦ ᠲᠠᠯᠠ ᠳᠤ ᠭᠡᠷ ᠮᠠᠶᠢᠬᠠᠨ ᠪᠣᠰᠬᠠᠬᠤ ᠶᠢ ᠴᠡᠭᠡᠷᠯᠡᠨᠡ᠃ ᠷᠠᠰᠢᠶᠠᠨ ᠪᠤᠯᠠᠭ ᠢ ᠬᠠᠶᠢᠷᠠᠯᠠᠨ ᠬᠠᠮᠠᠭᠠᠯᠠᠨᠠ ᠭᠡᠵᠦ ᠵᠠᠶᠢᠲᠠᠢ | ᠪᠠᠭᠤᠨᠠ᠃ | 70. ᠷᠠᠰᠢᠶᠠᠨ ᠤᠰᠤᠨ ᠳᠤ ᠪᠠᠶᠢᠬᠤ ᠵᠢᠭᠠᠰᠤ ᠵᠢᠷᠠᠭᠠᠬᠠᠢ᠂ ᠬᠤᠷᠣᠬᠠᠢ ᠰᠢᠪᠠᠵᠢ ᠶᠢ ᠠᠯᠠᠵᠤ ᠬᠥᠨᠥᠭᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠷᠠᠰᠢᠶᠠᠨ ᠤ ᠰᠢᠮᠡ ᠶᠢ | ᠲᠡᠳᠬᠦᠭᠴᠢ ᠪᠠᠶᠢᠵᠤ ᠮᠡᠳᠡᠨᠡ ᠭᠡᠬᠦ ᠤᠴᠢᠷ ᠥᠯᠥ ᠬᠥᠨᠥᠭᠡᠨᠡ᠃ | 71. ᠷᠠᠰᠢᠶᠠᠨ ᠤᠰᠤᠨ ᠤ ᠳᠡᠭᠡᠷᠡᠬᠢ ᠮᠣᠳᠣ᠂ ᠪᠤᠷᠭᠠᠰᠤ ᠶᠢ ᠣᠭᠲᠣᠯᠬᠤ᠂ ᠬᠠᠳᠠ ᠴᠢᠯᠠᠭᠤ ᠶᠢ ᠬᠥᠨᠳᠡᠵᠦ ᠬᠥᠳᠡᠯᠭᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ ᠥᠯᠥ | ᠬᠡᠷᠡᠭᠰᠡᠪᠡᠰᠦ ᠷᠠᠰᠢᠶᠠᠨ ᠰᠢᠷᠭᠢᠨᠡ᠂ ᠭᠠᠵᠠᠷ ᠳᠣᠣᠭᠤᠷ ᠰᠢᠷᠭᠤᠨᠠ ᠭᠡᠳᠡᠭ᠃ |