| ᠡᠷᠳᠡᠨᠢᠪᠠᠲᠤ | | ᠨᠠᠮᠬᠠᠨ ᠰᠠᠯᠬᠢ ᠴᠡᠭᠡᠵᠢ ᠶᠢ ᠣᠩᠭᠤᠶᠢᠲᠠᠯᠠ ᠰᠡᠷᠴᠢᠭᠢᠨᠡᠭᠡᠳ | ᠨᠠᠪᠴᠢᠰ ᠱᠠᠷᠴᠢᠭᠢᠨᠠᠬᠤ ᠨᠢ ᠵᠠᠭᠤᠨ ᠵᠢᠯ ᠤᠨ ᠭᠠᠩᠰᠠᠷᠠᠯ ᠮᠡᠲᠦ | ᠪᠣᠳᠣᠯ ᠰᠡᠳᠬᠢᠯ ᠬᠥᠬᠡ ᠲᠡᠭᠷᠢ ᠰᠢᠭ ᠶᠣᠯᠣᠶᠢᠭᠰᠠᠨ | ᠪᠣᠯᠵᠣᠮᠣᠷ ᠵᠢᠷᠭᠢᠬᠦ ᠨᠢ ᠮᠢᠩᠭᠠᠨ ᠭᠠᠵᠠᠷ ᠤᠨ ᠲᠡᠷᠲᠡᠭᠡ ᠬᠡᠮᠡᠷ | | ᠳᠣᠮᠤᠭ ᠤᠨ ᠥᠩᠭᠡᠲᠦ ᠰᠠᠷᠠᠨ ᠤ ᠭᠡᠷᠡᠯ ᠢ ᠬᠠᠴᠢᠷᠬᠠᠬᠤᠯᠠᠷ | ᠲᠤᠤᠯᠢᠰ ᠤᠨ ᠬᠢ ᠰᠢᠭ᠋ ᠴᠠᠭ ᠬᠤᠭᠤᠴᠠᠭᠠ ᠵᠢᠩᠭᠢᠷ ᠵᠢᠩᠭᠢᠷ | ᠡᠭᠦᠯᠡᠨ ᠴᠢᠮᠡᠭᠲᠦ ᠥᠨᠳᠦᠷᠯᠢᠭ ᠤᠨ ᠳᠡᠭᠡᠭᠦᠷ ᠰᠢᠷᠲᠡᠬᠦᠯᠡᠷ | ᠦᠯᠢᠭᠡᠷ ᠤᠨ ᠬᠢ ᠰᠢᠭ ᠡᠷᠭᠢᠬᠦ ᠬᠤᠷᠸᠠ ᠵᠢᠷᠦᠪ ᠵᠠᠷᠤᠪ | | ᠬᠡᠮᠵᠢᠶᠡ ᠬᠢᠵᠠᠭᠠᠷ ᠦᠭᠡᠢ ᠭᠦᠨ ᠣᠭᠲᠠᠷᠭᠤᠢ ᠭᠡᠲᠡᠯᠡ | ᠬᠡᠳᠦᠢ ᠤᠳᠠᠲᠠᠯᠠ ᠰᠢᠪᠠᠭᠤᠳ ᠢᠶᠠᠨ ᠵᠢᠷᠭᠢᠭᠦᠯᠦᠨ ᠠᠷᠭᠠᠳᠠᠨᠠ | ᠳᠤᠯᠠᠭᠠᠬᠠᠨ ᠰᠢᠷᠭᠠᠯ ᠡᠩᠬᠦᠷᠡᠢ ᠤᠯᠠᠷᠢᠯ ᠤᠨ ᠭᠠᠳᠠᠨᠠ | ᠲᠣᠪ ᠳᠤᠭᠤᠢ ᠰᠡᠳᠬᠢᠯ ᠤᠨ ᠥᠩᠭᠡ ᠪᠠᠨ ᠳᠢᠭᠯᠡᠨᠡ | | ᠴᠠᠭ ᠤᠨ ᠭᠦᠶᠦᠳᠡᠯ ᠢ ᠬᠡᠨ ᠬᠤᠷᠢᠵᠤ ᠰᠠᠭᠠᠲᠠᠭᠠᠬᠤ ᠪᠤᠢ | ᠴᠠᠭᠠᠲᠤ ᠠᠭᠤᠯᠠᠨ ᠳᠤ ᠴᠠᠰᠤᠨ ᠰᠢᠮᠠᠷᠭᠠ ᠪᠣᠰᠤᠨᠠ | ᠭᠠᠯᠪᠠ ᠶᠢᠨ ᠵᠢᠮᠡ ᠠᠴᠠ ᠭᠠᠯᠠᠭᠤᠳ ᠬᠡᠷᠬᠢᠨ ᠵᠥᠷᠢᠬᠦ ᠪᠤᠢ | ᠭᠠᠩᠭᠠᠷ ᠭᠤᠩᠭᠤᠷ ᠠᠷᠠᠯ ᠬᠤᠶᠢᠭ ᠲᠠᠭᠠᠨ ᠬᠤᠷᠭᠤᠳᠠᠨᠠ | |