| ︽ᠬᠤᠷᠢᠮ ᠤᠨ ᠮᠠᠩᠯᠠᠢ ᠬᠤᠨᠢᠨ ᠤ ᠰᠢᠭᠦᠰᠦ᠂ ᠨᠠᠶᠢᠷ ᠤᠨ ᠮᠠᠩᠯᠠᠢ ᠨᠠᠩᠴᠢᠳ ᠰᠠᠷᠬᠤᠳ︾ ᠭᠡᠳᠡᠭᠴᠢᠯᠡᠨ ᠬᠤᠨᠢᠨ ᠤ ᠰᠢᠭᠦᠰᠦ ᠪᠣᠯᠤᠨ ᠠᠷᠢᠬᠢ ᠰᠠᠷᠬᠤᠳ | ᠪᠣᠯ ᠰᠠᠯᠵᠤ ᠪᠣᠯᠤᠰᠢ ᠦᠭᠡᠢ ᠬᠠᠮᠲᠤ ᠪᠠᠷ ᠬᠡᠷᠡᠭᠯᠡᠭᠳᠡᠳᠡᠭ ᠢᠳᠡᠭᠡᠨ ᠤᠮᠳᠠᠭᠠᠨ ᠪᠣᠯᠬᠤ ᠶᠤᠮ᠃ ᠰᠢᠭᠦᠰᠦ ᠪᠠᠨ ᠪᠣᠯᠭᠤᠵᠤ ᠭᠠᠷᠭᠠᠭᠰᠠᠨ ᠤ ᠳᠠᠷᠠᠭᠠ ᠲᠣᠭᠲᠠᠭᠰᠠᠨ | ᠵᠢᠷᠤᠮ ᠶᠣᠰᠣ ᠪᠠᠷ ᠲᠡᠪᠰᠢᠨ ᠳᠡᠭᠡᠨ ᠵᠠᠰᠠᠬᠤ ᠪᠣᠯᠣᠨᠠ᠃ ᠭᠡᠬᠦ ᠳᠡᠭᠡᠨ ᠤᠷᠢᠳ ᠢᠶᠠᠷ ᠬᠠ ᠭᠤᠶᠠ ᠶᠢ ᠨᠢ ᠠᠮᠢᠳᠤ ᠮᠠᠯ ᠤᠨ ᠬᠡᠪᠲᠡᠭᠡ ᠶᠣᠰᠣᠭᠠᠷ ᠥᠷᠥᠵᠦ | ᠳᠡᠭᠡᠷᠡ ᠠᠴᠠ ᠨᠢ ᠤᠭᠤᠴᠠ ᠶᠢ ᠨᠢ ᠬᠥᠮᠥᠷᠢᠵᠦ ᠲᠠᠯᠪᠢᠳᠠᠭ᠃ ᠳᠠᠷᠠᠭᠠ ᠨᠢ ᠲᠣᠯᠣᠭᠠᠢ ᠶᠢ ᠨᠢ ᠡᠷᠡᠦ ᠦᠭᠡᠢ ᠤᠭᠤᠴᠠᠨ ᠳᠡᠭᠡᠷᠡ ᠲᠠᠯᠠ ᠳᠤ ᠤᠷᠤᠭᠰᠢ | ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠭᠠᠳ ᠰᠡᠭᠡᠷ ᠢ ᠨᠢ ᠵᠥᠪ ᠲᠠᠯᠠ ᠳᠤᠨᠢ ᠬᠦᠵᠦᠭᠦᠦ ᠪᠠᠨ ᠨᠤᠭᠤᠯᠵᠤ ᠬᠡᠪᠲᠡᠵᠦ ᠪᠠᠶᠢᠭᠠ ᠮᠠᠶ᠋ᠢᠭ ᠢᠶᠠᠷ ᠲᠠᠯᠪᠢᠳᠠᠭ᠃ ᠰᠡᠭᠡᠷ ᠢ ᠲᠠᠯᠪᠢᠬᠤ ᠳᠠᠭᠠᠨ | ᠨᠠᠷᠢᠨ ᠦᠵᠦᠭᠦᠷ ᠢ ᠨᠢ ᠤᠷᠤᠭᠰᠢ ᠬᠠᠨᠳᠤᠭᠤᠯᠵᠤ᠂ ᠪᠦᠳᠦᠭᠦᠨ ᠦᠵᠦᠭᠦᠷ ᠢ ᠨᠢ ᠰᠡᠭᠦᠯ ᠵᠦᠭ ᠨᠢ ᠬᠠᠨᠳᠤᠭᠤᠯᠤᠨ ᠰᠡᠷᠪᠡᠭᠡ ᠶᠢ ᠨᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ | ᠲᠠᠯᠪᠢᠬᠤ ᠬᠡᠷᠡᠭᠲᠡᠢ᠃ ᠲᠣᠯᠣᠭᠠᠢ ᠶᠢ ᠨᠢ ᠲᠠᠯᠪᠢᠬᠤ ᠠᠴᠠ ᠪᠠᠨ ᠡᠮᠦᠨᠡ ᠮᠠᠩᠨᠠᠢ ᠳᠡᠭᠡᠷᠡ ᠨᠢ ᠬᠢᠲᠤᠭᠠ ᠪᠠᠷ ᠨᠠᠷᠠ ᠰᠠᠷᠠ ᠮᠠᠯᠲᠠᠵᠤ ᠭᠠᠷᠭᠠᠨ ᠲᠡᠷᠡ ᠣᠷᠣᠮ ᠳᠡᠭᠡᠷᠡ | ᠨᠢ ᠬᠤᠷᠤᠳ ᠪᠤᠶᠤ ᠰᠢᠷᠠ ᠲᠣᠰᠣ ᠲᠠᠯᠪᠢᠳᠠᠭ᠃ ᠡᠰᠡᠬᠦᠯᠡ ᠲᠣᠮᠣᠬᠠᠨ ᠮᠥᠰᠥᠨ ᠰᠢᠬᠢᠷ ᠲᠠᠯᠪᠢᠭᠰᠠᠨ ᠴᠤ ᠪᠣᠯᠣᠨᠠ᠃ ᠰᠢᠭᠦᠰᠦᠨ ᠳᠤ ᠡᠪᠴᠢᠭᠦᠦ ᠬᠦᠵᠦᠭᠦᠦ | ᠪᠣᠯ ᠶᠡᠷᠦ ᠠᠴᠠ ᠪᠠᠨ ᠣᠷᠣᠳᠠᠭ ᠦᠭᠡᠢ ᠶᠤᠮ᠃ ᠤᠷᠠᠳ ᠮᠣᠩᠭᠤᠯᠴᠤᠳ ᠤᠨ ᠳᠤᠮᠳᠠ ︽ᠬᠦᠷᠭᠡᠨ ᠬᠥᠮᠦᠨ ᠬᠦᠴᠦ ᠦᠭᠡᠢ᠂ ᠬᠦᠵᠦᠭᠦᠨ ᠤ ᠮᠢᠬᠠ ᠥᠯ ᠦᠭᠡᠢ︾ | ᠭᠡᠰᠡᠨ ᠳᠣᠮᠤᠭ ᠶᠠᠷᠢᠶᠠ ᠪᠠᠶᠢᠳᠠᠭ ᠲᠤᠯᠠ ᠬᠦᠵᠦᠭᠦᠦ ᠪᠠᠷ ᠬᠦᠷᠭᠡᠨ ᠬᠦᠦ ᠶᠢᠨ ᠬᠦᠴᠦ ᠴᠢᠳᠠᠯ ᠢ ᠰᠢᠯᠭᠠᠬᠤ ᠲᠣᠭᠯᠠᠭᠠᠮ ᠪᠣᠯᠭᠠᠳᠠᠭ ᠪᠢᠯᠡ᠃ ᠡᠪᠴᠢᠭᠦᠦ ᠨᠢ ᠭᠠᠯ | ᠪᠤᠷᠬᠠᠨ ᠤ ᠬᠡᠰᠢᠭ ᠪᠣᠯᠬᠤ ᠪᠥᠭᠡᠳ ᠬᠡᠦᠬᠡᠨ ᠢᠶᠠᠨ ᠡᠷᠭᠢᠬᠦ ᠳᠤ ᠬᠡᠷᠡᠭᠯᠡᠳᠡᠭ ᠰᠢᠭᠦᠰᠦ ᠶᠤᠮ᠃ ᠪᠠᠰᠠ ᠡᠪᠴᠢᠭᠦᠦ ᠪᠣᠯ ᠬᠡᠦᠬᠡᠨ ᠬᠥᠮᠦᠨ ᠤ ᠬᠤᠪᠢ᠂ ︽ᠬᠡᠦᠬᠡᠨ | ᠬᠥᠮᠦᠨ ᠳᠤ ᠡᠪᠴᠢᠭᠦᠦ ᠡᠭᠡᠯᠢᠲᠡᠢ᠂ ᠬᠥᠭᠰᠢᠨ ᠬᠥᠮᠦᠨ ᠳᠤ ᠬᠡᠦᠬᠡᠨ ᠡᠨᠡᠷᠢᠯ ᠲᠠᠢ︾ ᠭᠡᠳᠡᠭ ᠤᠯᠠᠮᠵᠢᠯᠠᠯ ᠶᠠᠷᠢᠶᠠ ᠴᠤ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠪᠡᠯᠭᠡ ᠳᠡᠮᠪᠡᠷᠡᠯ ᠢ | ᠡᠷᠬᠢᠮᠯᠡᠨ᠂ ᠨᠠᠭᠠᠳᠤᠮ ᠲᠣᠭᠯᠠᠭᠠᠮ ᠪᠣᠯᠭᠠᠬᠤ ᠠᠴᠠ ᠵᠠᠶᠢᠯᠠᠰᠬᠢᠬᠦ ᠪᠠ ᠭᠠᠯ ᠪᠤᠷᠬᠠᠨ ᠤ ᠬᠡᠰᠢᠭ ᠢ ᠬᠦᠨᠳᠦᠳᠬᠡᠵᠦ ᠴᠡᠭᠡᠷᠯᠡᠬᠦ ᠡᠭᠦᠳᠡᠨ ᠠᠴᠠ ᠬᠦᠵᠦᠭᠦᠦ | ᠡᠪᠴᠢᠭᠦᠦ ᠶᠢ ᠰᠢᠭᠦᠰᠦᠨ ᠳᠤ ᠣᠷᠣᠭᠤᠯᠳᠠᠭ ᠦᠭᠡᠢ ᠭᠡᠵᠦ ᠬᠥᠮᠦᠰ ᠶᠠᠷᠢᠯᠴᠠᠳᠠᠭ ᠰᠠᠨ᠃ |