| ᠤᠷᠠᠳ ᠮᠣᠩᠭᠤᠯᠴᠤᠳ ᠤᠨ ᠵᠠᠩᠰᠢᠯ ᠢᠶᠠᠷ ᠪᠣᠯ ᠨᠠᠶᠢᠷ ᠬᠤᠷᠢᠮ ᠤᠨ ᠰᠡᠭᠦᠯᠴᠢ ᠶᠢᠨ ᠦᠶᠡᠰ ᠲᠤ ᠰᠢᠭᠦᠰᠦ ᠣᠷᠣᠭᠤᠯᠳᠠᠭ᠃ ᠰᠢᠭᠦᠰᠦ ᠣᠷᠣᠭᠤᠯᠬᠤ | ᠦᠶᠡ ᠳᠤ ᠨᠠᠶᠢᠷ ᠬᠤᠷᠢᠮ ᠨᠢ ᠬᠥᠭᠵᠢᠭᠡᠳ ᠨᠢᠭᠡᠨᠲᠡ ᠣᠷᠭᠢᠯ ᠳᠠᠭᠠᠨ ᠲᠤᠯᠤᠭᠰᠠᠨ ᠪᠠᠶᠢᠳᠠᠭ᠃ | ᠰᠢᠭᠦᠰᠦ ᠣᠷᠣᠭᠤᠯᠬᠤ ᠠᠴᠠ ᠡᠮᠦᠨᠡ ᠨᠠᠶᠢᠷ ᠤᠨ ᠳᠠᠭᠠᠭᠠᠮᠠᠯ ᠨᠢ ᠵᠣᠴᠢᠳ ᠢ ᠪᠦᠭᠦᠳᠡ ᠶᠢ ᠨᠠᠶᠢᠷ ᠤᠨ ᠭᠡᠷ ᠲᠤ ᠵᠠᠯᠠᠵᠤ ᠰᠠᠭᠤᠳᠠᠯ ᠳᠤ ᠰᠠᠭᠤᠯᠭᠠᠬᠤ ᠳᠤ | ᠠᠷᠢᠬᠢ ᠪᠠᠷᠢᠭᠴᠢ ᠠᠴᠠ ᠬᠥᠮᠦᠨ ᠪᠦᠬᠦᠨ ᠤ ᠬᠤᠨᠳᠠᠭᠠ ᠶᠢ ᠰᠡᠷᠭᠦᠭᠡᠵᠦ ᠪᠦᠭᠦᠳᠡᠭᠡᠷ ᠲᠤ ᠠᠷᠢᠬᠢ ᠪᠠᠷᠢᠨᠠ᠃ ᠡᠨᠡ ᠦᠶᠡ ᠳᠤ ᠨᠠᠶᠢᠷ ᠲᠤ ᠠᠬᠠᠮᠠᠳ ᠲᠣᠮᠣᠭᠠᠲᠠᠨ ᠤ | ᠬᠤᠪᠢ ᠪᠠᠷ ᠭᠤᠣᠯᠯᠠᠵᠤ ᠰᠠᠭᠤᠵᠤ ᠪᠠᠶᠢᠭᠠ ᠭᠤᠣᠯ ᠵᠣᠴᠢᠨ ᠤ ᠵᠦᠭ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠭᠠᠳ ᠣᠯᠠᠨ ᠤ ᠡᠮᠦᠨᠡ ᠲᠡᠪᠰᠢ ᠲᠠᠢ ᠰᠢᠭᠦᠰᠦ ᠪᠠᠨ ᠨᠠᠷᠠ ᠵᠥᠪ | ᠡᠷᠭᠢᠭᠦᠯᠳᠡᠭ᠃ ᠡᠭᠦᠨ ᠤ ᠳᠠᠷᠠᠭᠠ ᠨᠢ ᠢᠷᠥᠭᠡᠯᠴᠢ ᠠᠴᠠ ᠠᠯᠳᠠ ᠴᠠᠭᠠᠨ ᠬᠠᠳᠠᠭ ᠢᠶᠠᠨ ᠳᠡᠯᠭᠡᠨ ᠮᠥᠩᠭᠦᠨ ᠴᠥᠭᠦᠴᠡᠨ ᠳᠡᠭᠡᠨ ᠴᠠᠭᠠᠨ ᠢᠳᠡᠭᠡ ᠪᠢᠯᠬᠠᠭᠤᠯᠵᠤ᠂ | ᠰᠢᠭᠦᠰᠦᠨ ᠤ ᠢᠷᠥᠭᠡᠯ ᠢᠶᠠᠨ ᠤᠩᠰᠢᠵᠤ ᠰᠢᠭᠦᠰᠦᠨ ᠤ ᠭᠤᠣᠯ ᠳᠤ ᠰᠠᠭᠤᠭᠰᠠᠨ ᠵᠣᠴᠢᠨ ᠳᠤ ᠴᠠᠭᠠᠨ ᠢᠳᠡᠭᠡ ᠪᠠᠷᠢᠬᠤ ᠳᠤ ᠵᠣᠴᠢᠨ ᠠᠮᠰᠠᠭᠠᠳ ᠳᠣᠷᠣᠭᠰᠢ | ᠳᠠᠮᠵᠢᠭᠤᠯᠬᠤ ᠳᠤ ᠵᠣᠴᠢᠳ ᠪᠦᠭᠦᠳᠡᠭᠡᠷ ᠢᠶᠠᠨ ᠠᠮᠰᠠᠵᠠᠭᠠᠳᠠᠭ᠃ ᠴᠠᠭᠠᠨ ᠢᠳᠡᠭᠡ ᠠᠮᠰᠠᠵᠤ ᠪᠠᠶᠢᠭᠠ ᠵᠠᠪᠰᠠᠷ ᠲᠤ ᠰᠢᠭᠦᠰᠦ ᠡᠪᠳᠡᠭᠴᠢ ᠨᠢ ᠬᠢᠲᠤᠭᠠᠨ ᠤ ᠢᠷ | ᠲᠠᠯᠠ ᠠᠴᠠ ᠨᠢ ᠪᠠᠷᠢᠭᠠᠳ ᠡᠰᠢ ᠲᠠᠯᠠ ᠪᠠᠷ ᠰᠢᠭᠦᠰᠦᠨ ᠤ ᠭᠤᠣᠯ ᠳᠤ ᠰᠠᠭᠤᠭᠰᠠᠨ ᠬᠥᠮᠦᠨ ᠳᠤ ᠭᠠᠷᠳᠠᠭᠤᠯᠤᠨᠠ᠃ ᠡᠨᠡ ᠦᠶᠡ ᠳᠤ ᠲᠡᠭᠷᠢ ᠪᠤᠷᠬᠠᠨ ᠳᠤ ᠡᠷᠭᠦᠬᠦ | ᠬᠡᠰᠢᠭ ᠢ ᠬᠦᠯᠢᠶᠡᠨ ᠠᠪᠬᠤ ᠰᠢᠨᠠᠭᠠ ᠪᠠᠷᠢᠭᠰᠠᠨ ᠬᠥᠮᠦᠨ ᠨᠢ ᠰᠢᠭᠦᠰᠦᠨ ᠤ ᠬᠠᠵᠠᠭᠤ ᠳᠤ ᠵᠠᠪᠳᠤᠵᠤ ᠢᠷᠡᠭᠰᠡᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠰᠢᠭᠦᠰᠦᠨ ᠤ ᠭᠤᠣᠯ ᠳᠤ | ᠰᠠᠭᠤᠭᠰᠠᠨ ᠬᠥᠮᠦᠨ ᠨᠢ ᠬᠢᠲᠤᠭᠠ ᠶᠢ ᠨᠢ ᠲᠣᠰᠴᠤ ᠠᠪᠤᠩᠭᠤᠲᠠ ᠲᠣᠯᠣᠭᠠᠢ᠂ ᠤᠭᠤᠴᠠ᠂ ᠳᠥᠷᠪᠡᠨ ᠮᠥᠴᠢ᠂ ᠰᠡᠭᠦᠯ ᠵᠡᠷᠭᠡ ᠠᠴᠠ ᠨᠢ ᠪᠠᠭᠠ ᠪᠠᠭᠠ ᠬᠠᠯᠢᠨ | ᠠᠪᠴᠤ ᠰᠢᠨᠠᠭᠠᠨ ᠳᠤᠨᠢ ᠬᠢᠭᠡᠳ ᠳᠡᠭᠡᠷᠡ ᠠᠴᠠ ᠨᠢ ᠴᠠᠢ᠂ ᠠᠷᠢᠬᠢ ᠨᠡᠮᠡᠵᠦ ᠲᠡᠭᠷᠢ ᠪᠤᠷᠬᠠᠨ ᠳᠤ ᠡᠷᠭᠦᠭᠦᠯᠬᠦ ᠶᠢᠨ ᠬᠠᠮᠲᠤ ᠬᠢᠲᠤᠭᠠ ᠪᠠᠨ ᠮᠥᠨ ᠢᠷ ᠲᠠᠯᠠ ᠠᠴᠠ | ᠨᠢ ᠪᠠᠷᠢᠭᠠᠳ ᠡᠰᠢ ᠲᠠᠯᠠ ᠪᠠᠷ ᠨᠢ ᠰᠢᠭᠦᠰᠦ ᠡᠪᠳᠡᠭᠴᠢ ᠳᠤ ︽ᠰᠢᠭᠦᠰᠦ ᠪᠠᠨ ᠡᠪᠳᠡᠵᠦ ᠬᠠᠶᠢᠷᠠᠯᠠ︕︾ ᠭᠡᠵᠦ ᠪᠤᠴᠠᠭᠠᠵᠤ ᠥᠭᠳᠡᠭ᠃ ᠡᠨᠡ ᠦᠶᠡ ᠳᠤ | ᠳᠠᠭᠤᠴᠢᠳ ᠠᠴᠠ ᠰᠢᠭᠦᠰᠦᠨ ᠤ ᠳᠠᠭᠤᠤ ᠳᠠᠭᠤᠯᠠᠨᠠ᠃ ᠠᠷᠢᠬᠢ ᠪᠠᠷᠢᠭᠴᠢ ᠨᠢ ᠠᠯᠳᠠ ᠴᠠᠭᠠᠨ ᠬᠠᠳᠠᠭ ᠢᠶᠠᠨ ᠳᠡᠯᠭᠡᠨ ᠮᠥᠩᠭᠦᠨ ᠴᠥᠭᠦᠴᠡ ᠪᠤᠶᠤ ᠲᠣᠮᠣᠬᠠᠨ | ᠬᠤᠨᠳᠠᠭᠠ ᠪᠠᠷ ᠰᠢᠭᠦᠰᠦᠨ ᠤ ᠭᠤᠣᠯ ᠳᠤ ᠰᠠᠭᠤᠭᠰᠠᠨ ᠬᠥᠮᠦᠨ ᠠᠴᠠ ᠡᠬᠢᠯᠡᠨ ᠬᠥᠮᠦᠨ ᠪᠦᠬᠦᠨ ᠳᠤ ᠰᠢᠭᠦᠰᠦᠨ ᠤ ᠵᠣᠷᠢᠭ ᠢ ᠨᠢᠭᠡ ᠨᠢᠭᠡ ᠤᠤᠭᠤᠯᠭᠠᠬᠤ ᠪᠠᠷ | ᠰᠢᠬᠠᠳᠠᠭ᠃ ᠰᠢᠭᠦᠰᠦᠨ ᠤ ᠭᠤᠣᠯ ᠳᠤ ᠰᠠᠭᠤᠭᠰᠠᠨ ᠬᠥᠮᠦᠨ ᠪᠣᠯ ᠡᠨᠡ ᠠᠷᠢᠬᠢ ᠶᠢ ᠡᠷᠬᠡᠪᠰᠢ ᠤᠤᠭᠤᠬᠤ ᠬᠡᠷᠡᠭᠲᠡᠢ᠃ ᠰᠢᠭᠦᠰᠦᠨ ᠤ ᠳᠠᠭᠤᠤ ᠡᠬᠢᠯᠡᠮᠡᠭᠴᠡ | ᠰᠢᠭᠦᠰᠦ ᠪᠠᠨ ᠡᠪᠳᠡᠵᠦ ᠶᠠᠭᠠᠷᠠᠯᠳᠤᠨᠠ᠃ ᠡᠪᠳᠡᠬᠦ ᠳᠡᠰ ᠳᠠᠷᠠᠭᠠᠯᠠᠯ ᠨᠢ ᠪᠣᠯ ᠪᠤᠷᠤᠭᠤ ᠲᠠᠯᠠ ᠶᠢᠨ ᠵᠠᠯᠠᠭᠠ ᠲᠠᠢ ᠱᠠᠭᠠᠨᠲᠤ᠂ ᠤᠭᠤᠷᠠᠭ ᠰᠡᠭᠦᠯ᠂ ᠲᠣᠯᠣᠭᠠᠢ ᠲᠠᠢ | ᠨᠢ ᠲᠠᠪᠠᠭᠯᠠᠵᠤ ᠠᠪᠤᠭᠠᠳ ᠪᠤᠷᠬᠠᠨ ᠤ ᠲᠠᠬᠢᠯᠭᠠ ᠪᠣᠯᠭᠠᠨ ᠲᠠᠬᠢᠳᠠᠭ᠃ ᠡᠭᠦᠨ ᠤ ᠳᠠᠷᠠᠭᠠ ᠨᠢ ᠤᠭᠤᠴᠠᠨ ᠤ ᠨᠠᠢᠮᠠᠨ ᠰᠦᠪᠡᠷᠭᠡ ᠶᠢ ᠬᠤᠶᠠᠷ ᠬᠠᠷᠴᠠᠭᠠ ᠲᠠᠢ ᠨᠢ | ᠨᠤᠭᠤᠯᠵᠤ ᠠᠪᠤᠭᠠᠳ ᠤᠭᠤᠴᠠᠨ ᠤ ᠬᠢᠨᠢ ᠳᠣᠣᠭᠤᠷ ᠨᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠳᠠᠷᠤᠵᠤ ᠲᠠᠯᠪᠢᠭᠠᠳ ᠳᠥᠷᠪᠡᠨ ᠮᠥᠴᠢ ᠠᠴᠠ ᠡᠬᠢᠯᠡᠨ ᠡᠪᠳᠡᠳᠡᠭ᠃ ᠬᠠ | ᠭᠤᠶᠠ ᠶᠢ ᠨᠢ ᠪᠦᠭᠦᠳᠡ ᠶᠢ ᠡᠪᠳᠡᠵᠦ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠤᠭᠤᠴᠠᠨ ᠤ ᠪᠠᠨ ᠬᠤᠶᠠᠷ ᠲᠠᠯᠠ ᠶᠢᠨ ᠮᠢᠬᠠ ᠠᠴᠠ ᠨᠠᠷᠢᠪᠲᠤᠷ ᠰᠢᠭ᠋ ᠭᠤᠷᠪᠠ ᠭᠤᠷᠪᠠ ᠵᠦᠰᠦᠭᠡᠳ | ᠤᠭᠤᠴᠠᠨ ᠳᠡᠭᠡᠷᠡ ᠨᠢ ᠬᠥᠨᠳᠡᠯᠡᠨ ᠲᠣᠬᠤᠵᠤ ᠲᠠᠯᠪᠢᠳᠠᠭ᠃ ᠢᠩᠭᠢᠪᠡᠯ ᠳᠠᠷᠤᠢ ᠰᠢᠭᠦᠰᠦ ᠡᠪᠳᠡᠬᠦ ᠶᠠᠪᠤᠳᠠᠯ ᠪᠦᠷᠢᠨ ᠲᠡᠭᠦᠰᠬᠦ ᠲᠤᠯᠠ᠂ ᠰᠢᠭᠦᠰᠦᠨ ᠤ ᠭᠤᠣᠯ ᠳᠤ | ᠰᠠᠭᠤᠭᠰᠠᠨ ᠬᠥᠮᠦᠨ ᠨᠢ ᠰᠢᠭᠦᠰᠦ ᠡᠪᠳᠡᠭᠴᠢ ᠳᠤ ᠨᠢᠭᠡ ᠬᠤᠳᠠᠭᠠ ᠠᠷᠢᠬᠢ ᠪᠠᠷᠢᠵᠤ ᠲᠠᠯᠠᠷᠬᠠᠭᠠᠳ᠂ ︽ᠰᠢᠭᠦᠰᠦ ᠪᠠᠨ ᠲᠦᠭᠡᠭᠡᠵᠦ ᠬᠠᠶᠢᠷᠠᠯᠠ︕︾ ᠭᠡᠵᠦ | ᠬᠡᠯᠡᠭᠡᠳ ᠪᠤᠰᠤᠳ ᠰᠢᠷᠡᠭᠡ ᠨᠦᠭᠦᠳ ᠲᠤ ᠬᠤᠪᠢᠶᠠᠵᠤ ᠲᠠᠯᠪᠢᠭᠤᠯᠳᠠᠭ᠃ ᠰᠢᠭᠦᠰᠦ ᠶᠢ ᠲᠦᠷᠭᠡᠨ ᠡᠪᠳᠡᠳᠡᠭ ᠬᠥᠮᠦᠨ ᠪᠣᠯ ᠰᠢᠭᠦᠰᠦᠨ ᠤ ᠳᠠᠭᠤᠤ ᠳᠠᠭᠤᠯᠠᠵᠤ | ᠪᠠᠷᠠᠬᠤ ᠠᠴᠠ ᠡᠮᠦᠨᠡ ᠡᠪᠳᠡᠭᠡᠳ ᠲᠡᠭᠦᠰᠦᠭᠰᠡᠨ ᠪᠠᠶᠢᠳᠠᠭ᠃ ᠮᠥᠴᠢ ᠶᠢ ᠰᠠᠯᠭᠠᠵᠤ ᠲᠦᠭᠡᠭᠡᠬᠦ ᠳᠤ ᠴᠤ ᠪᠠᠰᠠ ᠳᠡᠰ ᠳᠠᠷᠠᠭᠠᠯᠠᠯ ᠲᠠᠢ ᠪᠥᠭᠡᠳ ᠶᠣᠰᠣ ᠵᠢᠷᠤᠮ ᠲᠠᠢ | ᠪᠠᠶᠢᠳᠠᠭ᠃ ᠮᠥᠴᠢ ᠶᠢᠨ ᠲᠣᠯᠣᠭᠠᠢ ᠲᠠᠯᠠ ᠶᠢ ᠵᠣᠭᠤᠭᠯᠠᠬᠤ ᠬᠥᠮᠦᠨ ᠤ ᠪᠠᠨ ᠵᠦᠭ ᠬᠠᠨᠳᠤᠭᠤᠯᠵᠤ ᠲᠠᠯᠪᠢᠬᠤ ᠬᠡᠷᠡᠭᠲᠡᠢ᠃ ᠬᠥᠨᠳᠡᠯᠡᠨ ᠭᠤᠯᠳᠤ ᠬᠠᠮᠢᠶᠠ ᠨᠠᠮᠢᠶᠠ | ᠦᠭᠡᠢ ᠲᠠᠯᠪᠢᠵᠤ ᠪᠣᠯᠬᠤ ᠦᠭᠡᠢ᠃ | ᠰᠢᠭᠦᠰᠦ ᠡᠪᠳᠡᠬᠦ ᠶᠠᠪᠤᠴᠠ ᠳᠤᠮᠳᠠ ᠶᠠᠮᠠᠷ ᠨᠢᠭᠡᠨ ᠮᠥᠴᠢ ᠶᠢ ᠠᠨᠳᠠᠭᠤ ᠪᠤᠷᠤᠭᠤ ᠰᠠᠯᠭᠠᠭᠰᠠᠨ ᠪᠤᠶᠤ ᠪᠤᠷᠤᠭᠤ ᠲᠠᠯᠪᠢᠭᠰᠠᠨ ᠪᠣᠯ ᠵᠣᠴᠢᠳ ᠮᠠᠰᠢ ᠳᠤᠷᠠ | ᠦᠭᠡᠶᠢᠴᠡᠵᠦ᠂ ᠵᠠᠷᠢᠮ ᠨᠢ ᠬᠥᠳᠡᠯᠭᠡᠬᠦ ᠴᠤ ᠦᠭᠡᠢ ᠭᠠᠷ ᠳᠤᠭᠲᠤᠶᠢᠯᠠᠨ ᠰᠠᠭᠤᠬᠤ ᠪᠤᠶᠤ ᠭᠠᠷᠴᠤ ᠶᠠᠪᠤᠳᠠᠭ ᠴᠤ ᠪᠤᠢ᠃ ᠨᠡᠩ ᠴᠢᠨᠠᠭᠰᠢᠯᠠᠪᠠᠯ ᠵᠠᠷᠢᠮ ᠨᠢ | ᠠᠷᠢᠬᠢᠨ ᠤ ᠬᠠᠯᠠᠭᠤᠨ ᠢᠶᠠᠷ ᠲᠡᠪᠰᠢ ᠲᠠᠢ ᠰᠢᠭᠦᠰᠦ ᠶᠢ ᠨᠢ ᠬᠥᠷᠪᠡᠲᠡᠯᠡ ᠢᠰᠬᠦᠯᠳᠡᠭ ᠤᠴᠢᠷ ᠴᠤ ᠭᠠᠷᠳᠠᠭ᠃ ᠡᠭᠦᠨ ᠢ ᠠᠷᠢᠬᠢᠨ ᠰᠣᠭᠲᠣᠭᠤ ᠪᠠᠷ ᠢᠶᠠᠨ ᠬᠡᠷᠡᠭ | ᠲᠠᠲᠠᠵᠤ ᠪᠠᠶᠢᠨᠠ ᠭᠡᠵᠦ ᠦᠵᠡᠵᠦ ᠶᠠᠭᠠᠬᠢᠭᠰᠠᠨ ᠴᠤ ᠪᠣᠯᠬᠤ ᠦᠭᠡᠢ᠃ ᠤᠴᠢᠷ ᠨᠢ ᠮᠣᠩᠭᠤᠯᠴᠤᠳ ᠬᠤᠨᠢᠨ ᠰᠢᠭᠦᠰᠦ ᠶᠢ ᠬᠠᠮᠤᠭ ᠤᠨ ᠬᠦᠨᠳᠦᠲᠦ ᠢᠳᠡᠭᠡᠨ ᠢᠶᠠᠷ | ᠦᠵᠡᠳᠡᠭ ᠲᠤᠯᠠ᠂ ᠲᠡᠭᠦᠨ ᠢ ᠦᠯᠦ ᠬᠦᠨᠳᠦᠳᠬᠡᠬᠦ ᠣᠪᠣᠷ ᠢᠶᠠᠷ ᠬᠠᠨᠳᠤᠭᠰᠠᠨ ᠢ ᠶᠡᠷᠦ ᠠᠴᠠ ᠪᠠᠨ ᠥᠷᠥᠰᠢᠶᠡᠬᠦ ᠶᠣᠰᠣᠨ ᠦᠭᠡᠢ᠂ ᠰᠢᠭᠦᠰᠦ ᠶᠢ ᠬᠦᠨᠳᠦᠳᠬᠡᠬᠦ | ᠦᠭᠡᠢ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠣᠯ ᠡᠪᠦᠭᠡ ᠳᠡᠭᠡᠳᠦᠰ ᠠᠴᠠ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠦᠨᠳᠦᠰᠦᠲᠡᠨ ᠤ ᠪᠠᠨ ᠵᠠᠩ ᠳᠠᠳᠬᠠᠯ᠂ ᠶᠣᠰᠣᠨ ᠰᠤᠷᠲᠠᠬᠤᠨ ᠢᠶᠠᠨ | ᠬᠦᠨᠳᠦᠳᠬᠡᠬᠦ ᠦᠭᠡᠢ ᠪᠠᠶᠢᠬᠤ ᠶᠠᠪᠤᠳᠠᠯ ᠭᠡᠵᠦ ᠦᠵᠡᠳᠡᠭ ᠪᠣᠯᠬᠤᠷ ᠬᠠᠶᠢᠷᠠ ᠨᠠᠶᠢᠷ ᠦᠭᠡᠢ ᠬᠠᠨᠳᠤᠳᠠᠭ ᠤᠨ ᠦᠨᠳᠦᠰᠦᠨ ᠰᠢᠯᠲᠠᠭᠠᠨ ᠨᠢ ᠡᠭᠦᠨ ᠳᠤ ᠪᠠᠶᠢᠬᠤ ᠶᠤᠮ᠃ | ᠲᠡᠶᠢᠮᠦ ᠠᠴᠠ ᠪᠤᠷᠤᠭᠤᠳᠠᠭᠰᠠᠨ ᠪᠣᠯ ᠪᠤᠷᠤᠭᠤ ᠪᠠᠨ ᠮᠡᠳᠡᠷᠡᠵᠦ ᠣᠰᠣᠯ ᠢᠶᠠᠨ ᠬᠦᠯᠢᠶᠡᠨ᠂ ᠰᠢᠭᠦᠰᠦ ᠪᠠᠨ ᠵᠠᠰᠠᠵᠤ ᠲᠠᠯᠪᠢᠬᠤ ᠪᠤᠶᠤ ᠰᠣᠯᠢᠵᠤ ᠲᠠᠯᠪᠢᠬᠤ ᠠᠴᠠ ᠪᠢᠰᠢ | ᠂ ᠪᠤᠷᠤᠭᠤ ᠪᠠᠨ ᠮᠡᠳᠡᠷᠡᠬᠦ ᠦᠭᠡᠢ ᠵᠥᠷᠢᠭᠦᠳ ᠢᠶᠠᠷ ᠠᠭᠠᠰᠢᠯᠠᠵᠤ ᠣᠭᠲᠣ ᠪᠣᠯᠬᠤ ᠦᠭᠡᠢ᠃ | ᠰᠡᠭᠡᠷ᠂ ᠳᠠᠯᠤ ᠳᠥᠷᠪᠡᠨ ᠥᠨᠳᠥᠷ ᠪᠣᠯ ᠶᠡᠷᠦᠩᠬᠡᠢ ᠳᠡᠭᠡᠨ ᠠᠬᠠᠮᠠᠳ ᠲᠣᠮᠣᠭᠠᠲᠠᠨ᠂ ᠬᠦᠨᠳᠦᠲᠦ ᠬᠥᠮᠦᠰ ᠲᠤ ᠲᠠᠯᠪᠢᠳᠠᠭ ᠤᠭᠤᠴᠠᠨ ᠤ ᠳᠠᠷᠠᠭᠠᠬᠢ | ᠬᠦᠨᠳᠦᠲᠦ ᠢᠳᠡᠭᠡᠨ ᠪᠣᠯᠬᠤ ᠶᠤᠮ ᠃ ᠬᠤᠷᠢᠮ ᠨᠠᠶᠢᠷ ᠳᠡᠭᠡᠷᠡ ᠬᠦᠷᠭᠡᠨ ᠬᠡᠦᠬᠡᠨ ᠤ ᠨᠠᠭᠠᠴᠤ ᠳᠤ ᠵᠠᠪᠠᠯ ᠳᠠᠯᠤ ᠳᠥᠷᠪᠡᠨ ᠥᠨᠳᠥᠷ ᠲᠠᠯᠪᠢᠬᠤ ᠶᠣᠰᠣ ᠲᠠᠢ | ᠪᠠᠶᠢᠳᠠᠭ᠃ ᠳᠠᠯᠤ ᠳᠥᠷᠪᠡᠨ ᠥᠨᠳᠥᠷ ᠢ ᠲᠠᠯᠪᠢᠬᠤ ᠳᠠᠭᠠᠨ ᠳᠠᠯᠤᠨ ᠤ ᠬᠠᠮᠠᠷ ᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠵᠤ ᠮᠥᠭᠡᠷᠰᠦ ᠶᠢ ᠨᠢ ᠬᠢᠲᠤᠭᠠ ᠪᠠᠷ ᠬᠥᠨᠳᠡᠵᠦ ᠬᠠᠪᠢᠷᠭᠠᠨ ᠤ | ᠪᠤᠷᠠ ᠪᠠᠷ ᠬᠤᠶᠠᠷ ᠲᠠᠯᠠ ᠶᠢ ᠨᠢ ᠬᠠᠰᠢᠵᠤ ᠲᠠᠯᠪᠢᠬᠤ ᠶᠣᠰᠣᠲᠠᠢ ᠪᠢᠯᠡ᠃ ᠪᠤᠰᠤᠳ ᠮᠥᠴᠢ ᠶᠢ ᠪᠣᠯ ᠳᠠᠷᠠᠭᠠᠯᠠᠭᠤᠯᠤᠨ ᠵᠠᠰᠠᠵᠤ ᠲᠠᠯᠪᠢᠳᠠᠭ᠃ ᠭᠡᠬᠦ ᠳᠡᠭᠡᠨ ᠮᠥᠴᠢ | ᠪᠦᠬᠦᠨ ᠤ ᠬᠤᠶᠠᠷ ᠲᠠᠯᠠ ᠶᠢ ᠬᠠᠪᠢᠷᠭᠠ ᠪᠠᠷ ᠬᠠᠰᠢᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠮᠥᠴᠢ ᠪᠦᠬᠦᠨ ᠤ ᠳᠡᠭᠡᠷᠡ ᠨᠢ ᠤᠭᠤᠴᠠᠨ ᠤ ᠬᠠᠶᠠᠳᠠᠰᠤ ᠶᠢ ᠪᠠᠭᠠ ᠪᠠᠭᠠ | ᠵᠦᠰᠦᠭᠡᠳ ᠲᠦᠭᠡᠭᠡᠯ ᠪᠣᠯᠭᠠᠨ ᠲᠠᠯᠪᠢᠳᠠᠭ ᠪᠥᠭᠡᠳ ᠡᠭᠦᠨ ᠢ ᠬᠥᠮᠦᠨ ᠪᠦᠬᠦᠨ ᠠᠮᠰᠠᠬᠤ ᠶᠣᠰᠣᠲᠠᠢ ᠪᠢᠯᠡ᠃ ᠡᠨᠡ ᠨᠢ ᠳᠠᠷᠤᠢ ᠣᠯᠠᠨ ᠳᠠᠶᠠᠭᠠᠷ ᠢᠶᠠᠨ | ᠤᠭᠤᠴᠠᠨ ᠳᠤ ᠰᠠᠭᠤᠭᠰᠠᠨ ᠲᠠᠢ ᠠᠳᠠᠯᠢ ᠬᠡᠮᠡᠨ ᠪᠣᠳᠣᠵᠤ ᠤᠭᠤᠴᠠᠨ ᠮᠢᠬᠠ ᠶᠢ ᠬᠦᠷᠲᠡᠵᠦ ᠪᠠᠶᠢᠭᠠ ᠶᠠᠪᠤᠳᠠᠯ ᠪᠣᠯᠬᠤ ᠶᠤᠮ᠃ ᠰᠢᠭᠦᠰᠦ ᠡᠪᠳᠡᠭᠴᠢ ᠨᠢ | ᠮᠥᠴᠢ ᠪᠠᠨ ᠪᠦᠭᠦᠳᠡ ᠶᠢ ᠲᠦᠭᠡᠭᠡᠵᠦ ᠲᠠᠯᠪᠢᠭᠰᠠᠨ ᠤ ᠳᠠᠷᠠᠭᠠ᠄ ︽ᠳᠠᠶᠠᠭᠠᠷ ᠰᠢᠭᠦᠰᠦ ᠵᠣᠭᠤᠭᠯᠠᠭᠠᠷᠠᠢ︕︾ ᠭᠡᠳ ᠣᠯᠠᠨ ᠳᠠᠶᠠᠭᠠᠷ ᠲᠤ ᠨᠢᠭᠡ ᠰᠥᠬᠦᠷᠡᠪᠡᠯ | ᠪᠦᠭᠦᠳᠡᠭᠡᠷ ᠢᠶᠠᠨ ᠭᠠᠷ ᠬᠥᠳᠡᠯᠦᠨ ᠰᠢᠭᠦᠰᠦ ᠵᠣᠭᠤᠭᠯᠠᠵᠠᠭᠠᠳᠠᠭ᠃ ᠰᠢᠭᠦᠰᠦᠨ ᠤ ᠳᠠᠷᠠᠭᠠ ᠨᠢ ᠰᠢᠭᠦᠰᠦ ᠴᠢᠨᠠᠭᠰᠠᠨ ᠱᠥᠯᠥᠨ ᠳᠤᠨᠢ ᠲᠠᠲᠠᠰᠢ ᠭᠡᠵᠦ ᠰᠢᠩᠭᠡᠨ | ᠪᠤᠳᠠᠭᠠ ᠴᠢᠨᠠᠭᠠᠳ ᠠᠶᠢᠷᠠᠭ ᠰᠠᠮᠤᠷᠴᠤ ᠠᠶᠠᠭᠠᠯᠠᠳᠠᠭ᠃ |