| ᠮᠣᠩᠭᠤᠯᠴᠤᠳ ᠤᠨ ᠵᠠᠩ ᠵᠠᠩᠰᠢᠯ᠂ ᠴᠡᠭᠡᠷ ᠶᠣᠰᠣᠨ ᠨᠢ ᠶᠡᠬᠡᠩᠬᠢ ᠳᠡᠭᠡᠨ ᠠᠳᠠᠯᠢᠬᠠᠨ ᠬᠡᠷᠡᠭᠯᠡᠭᠳᠡᠵᠦ ᠢᠷᠡᠭᠰᠡᠨ ᠪᠣᠯᠪᠠᠴᠤ ᠭᠠᠵᠠᠷ ᠭᠠᠵᠠᠷ ᠤᠨ ᠭᠠᠯᠠᠭᠤ | ᠰᠢᠪᠠᠭᠤ ᠨᠢ ᠭᠤᠸᠠᠯᠠᠬᠤ ᠨᠢ ᠣᠨᠳᠣᠣ ᠭᠡᠳᠡᠭᠴᠢᠯᠡᠨ ᠲᠤᠰᠪᠦᠷᠢ ᠦᠭᠡ ᠬᠡᠯᠡᠯᠭᠡ᠂ ᠵᠠᠩ ᠳᠠᠳᠬᠠᠯ ᠤᠨ ᠨᠠᠷᠢᠨ ᠢᠯᠭᠠᠭᠠ ᠬᠠᠷᠠᠭᠳᠠᠵᠤ ᠪᠠᠶᠢᠳᠠᠭ ᠶᠤᠮ᠃ ᠶᠡᠷᠦ ᠨᠢ | ᠴᠡᠭᠡᠷᠯᠡᠬᠦ ᠶᠣᠰᠣᠨ ᠳᠤ ᠬᠥᠮᠦᠨ ᠪᠦᠬᠦᠨ ᠶᠠᠮᠠᠷ ᠶᠠᠮᠠᠷ ᠵᠦᠢᠯ ᠢ ᠶᠠᠭᠤᠨ ᠤ ᠤᠴᠢᠷ ᠠᠴᠠ ᠨᠠᠰᠤᠨ ᠡᠭᠦᠷᠢᠳᠡ ᠴᠡᠭᠡᠷᠯᠡᠬᠦ ᠴᠢᠬᠤᠯᠠ ᠲᠠᠢ ᠪᠤᠢ᠂ ᠶᠠᠭᠤ ᠶᠠᠭᠤ ᠶᠢ ᠶᠠᠮᠠᠷ | ᠰᠢᠯᠲᠠᠭᠠᠨ ᠠᠴᠠ ᠣᠬᠤᠷᠬᠠᠨ ᠬᠤᠭᠤᠴᠠᠭᠠᠨ ᠳᠤ ᠠᠩᠬᠠᠷᠴᠤ ᠬᠢᠴᠢᠶᠡᠬᠦ ᠬᠡᠷᠡᠭᠲᠡᠢ ᠪᠤᠢ ᠭᠡᠳᠡᠭ ᠢ ᠲᠡᠭᠦᠨ ᠤ ᠦᠭᠡ ᠬᠡᠯᠡ᠂ ᠶᠣᠰᠣ ᠰᠤᠷᠲᠠᠬᠤᠨ᠂ ᠱᠠᠰᠢᠨ | ᠰᠤᠷᠲᠠᠬᠤᠨ᠂ ᠭᠤᠸᠠ ᠵᠦᠢ᠂ ᠰᠡᠳᠬᠢᠴᠡ ᠵᠦᠢ᠂ ᠡᠷᠡᠭᠦᠯ ᠡᠩᠬᠡ᠂ ᠪᠠᠶᠢᠭᠠᠯᠢ ᠶᠢᠨ ᠬᠠᠤᠯᠢ ᠵᠡᠷᠭᠡ ᠬᠤᠯᠪᠣᠭᠳᠠᠯ ᠲᠠᠢ ᠵᠦᠢᠯ ᠤᠳ ᠠᠴᠠ ᠨᠢ ᠰᠤᠳᠤᠯᠵᠤ᠂ | ᠭᠦᠢᠴᠡᠳ ᠵᠥᠪ ᠲᠠᠨᠢᠬᠤ ᠴᠢᠬᠤᠯᠠᠲᠠᠢ ᠭᠡᠳᠡᠭ ᠢ ᠶᠠᠭᠤᠨ ᠤ ᠤᠷᠢᠳ ᠠᠩᠬᠠᠷᠬᠤ ᠬᠡᠷᠡᠭᠲᠡᠢ ᠶᠤᠮ᠃ ᠡᠶᠢᠮᠦ ᠠᠴᠠ ᠮᠣᠩᠭᠤᠯᠴᠤᠳ ᠡᠷᠲᠡ ᠦᠶᠡ ᠠᠴᠠ ᠠᠭᠤᠵᠢᠮ | ᠪᠠᠭᠲᠠᠭᠠᠮᠵᠢᠲᠠᠢ ᠪᠣᠯᠪᠠᠰᠤᠨ᠂ ᠴᠡᠪᠡᠷ ᠦᠭᠡ ᠶᠠᠷᠢᠶᠠ ᠶᠢ ᠴᠢᠬᠤᠯᠠᠴᠢᠯᠠᠵᠤ᠂ ᠡᠭᠦᠨ ᠢᠶᠠᠷ ᠬᠥᠮᠦᠨ ᠬᠥᠮᠦᠨ ᠤ ᠬᠤᠭᠤᠷᠣᠨᠳᠣᠬᠢ᠂ ᠠᠶᠢᠯ ᠰᠠᠭᠠᠬᠠᠯᠲᠠ ᠶᠢᠨ | ᠬᠤᠭᠤᠷᠣᠨᠳᠣᠬᠢ ᠪᠦᠷ ᠴᠢᠨᠠᠭᠰᠢᠯᠠᠭᠠᠳ ᠪᠦᠬᠦ ᠨᠡᠶᠢᠭᠡᠮ ᠤᠨ ᠡᠪ ᠨᠠᠶᠢᠷ᠂ ᠡᠶᠡ ᠵᠣᠬᠢᠴᠠᠯ ᠢ ᠪᠠᠲᠤᠳᠬᠠᠵᠤ ᠢᠷᠡᠭᠰᠡᠨ ᠨᠢ ᠭᠠᠶᠢᠬᠠᠯᠲᠠᠢ᠃ | ᠮᠣᠩᠭᠤᠯᠴᠤᠳ ᠠᠮᠤᠷ ᠮᠡᠨᠳᠦ ᠠᠰᠠᠭᠤᠯᠴᠠᠬᠤ ᠳᠤ ᠪᠠᠰᠠ ᠴᠡᠭᠡᠷ ᠶᠣᠰᠣᠨ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ ︽ᠰᠠᠶᠢᠨ ᠶᠠᠪᠤᠵᠤ ᠪᠠᠶᠢᠨᠠ ᠤᠤ︖︾ ᠭᠡᠵᠦ | ᠠᠰᠠᠭᠤᠬᠤ ᠶᠢ ᠴᠡᠭᠡᠷᠯᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠵᠣᠴᠢᠨ ᠢ ᠬᠦᠨᠳᠦᠳᠬᠡᠬᠦ ᠡᠭᠦᠳᠡᠨ ᠠᠴᠠ ᠥᠪᠡᠷ ᠤᠨ ᠰᠠᠶᠢᠨ ᠰᠠᠶᠢᠬᠠᠨ ᠰᠠᠨᠠᠭᠠ᠂ ᠴᠠᠭᠠᠪᠤᠷ ᠰᠡᠳᠬᠢᠯ ᠢᠶᠠᠨ | ᠢᠯᠡᠳᠬᠡᠬᠦ ᠶᠢᠨ ᠲᠥᠯᠥᠭᠡ᠂ ᠵᠣᠴᠢᠨ ᠢᠷᠡᠪᠡᠯ ᠭᠠᠳᠠᠨᠠ ᠭᠠᠷᠴᠤ ᠨᠣᠬᠠᠢ ᠬᠤᠷᠢᠵᠤ᠂ ᠭᠡᠷ ᠲᠡᠭᠡᠨ ᠣᠷᠣᠭᠤᠯᠤᠭᠠᠳ᠄ ︽ᠲᠠ ᠰᠠᠶᠢᠨ ᠮᠣᠷᠢᠯᠠᠵᠤ ᠪᠠᠶᠢᠨᠠ ᠤᠤ︖ | ︾ ᠭᠡᠵᠦ ᠳᠣᠲᠣᠨᠣᠴᠢᠯᠠᠨ ᠠᠮᠤᠷ ᠠᠰᠠᠭᠤᠨ᠂ ᠬᠦᠬᠦᠷ ᠰᠣᠯᠢᠯᠴᠠᠨ ᠮᠡᠨᠳᠦᠴᠢᠯᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠮᠥᠨᠴᠦ ᠴᠠᠭᠠᠨ ᠢᠳᠡᠭᠡ ᠲᠠᠪᠠᠭᠯᠠᠨ᠂ ᠰᠦ ᠲᠠᠢ ᠴᠠᠢ | ᠠᠶᠠᠭᠠᠯᠠᠵᠤ ᠵᠠᠰᠠᠳᠠᠭ ᠠᠷᠢᠭᠤᠨ ᠵᠠᠩᠰᠢᠯ ᠲᠠᠢ ᠪᠠᠶᠢᠳᠠᠭ᠃ ᠬᠠᠭᠤᠴᠢᠨ ᠳᠤ ᠮᠣᠩᠭᠤᠯᠴᠤᠳ ︽ᠤᠰᠤ ᠤᠤᠭᠤ︾ ᠭᠡᠵᠦ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ ᠪᠠᠶᠢᠵᠠᠢ᠃ | ᠮᠣᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠲᠤ ᠶᠣᠰᠣᠨ ᠢᠶᠠᠷ ᠪᠤᠷᠬᠠᠨ ᠳᠤ ᠪᠣᠯ ᠲᠠᠬᠢᠯ᠂ ᠲᠡᠭᠷᠢ ᠳᠤ ᠪᠣᠯ ᠰᠠᠴᠤᠯᠢ᠂ ᠬᠥᠮᠦᠨ ᠳᠤ ᠪᠣᠯ ᠤᠮᠳᠠ᠂ ᠮᠠᠯ ᠠᠳᠤᠭᠤᠰᠤ ᠳᠤ ᠪᠣᠯ | ᠰᠠᠶ᠋ᠢ ︽ᠤᠰᠤ︾᠂ ᠴᠢᠳᠬᠦᠷ ᠲᠤ ᠪᠣᠯ ᠴᠢᠰᠤ ᠭᠡᠬᠦ ᠵᠡᠷᠭᠡ ᠤᠳᠬᠠ ᠶᠢᠨ ᠨᠠᠷᠢᠨ ᠢᠯᠭᠠᠭᠠ ᠲᠠᠢ ᠬᠡᠷᠡᠭᠯᠡᠭᠳᠡᠳᠡᠭ ᠪᠠᠶᠢᠭᠰᠠᠨ ᠪᠥᠭᠡᠳ ᠪᠤᠮᠪᠠ ᠳᠤ ᠭᠠᠷ ᠨᠢᠭᠤᠷ | ᠤᠬᠢᠶᠠᠬᠤ ᠶᠢ ᠨᠢ ᠷᠠᠰᠢᠶᠠᠨ᠂ ᠲᠡᠭᠷᠢ ᠠᠴᠠ ᠪᠠᠭᠤᠬᠤ ᠶᠢ ᠨᠢ ᠪᠣᠷᠣᠭᠠᠨ ᠬᠤᠷᠠ᠂ ᠭᠠᠵᠠᠷ ᠠᠴᠠ ᠪᠤᠷᠭᠢᠯᠬᠤ ᠶᠢ ᠨᠢ ᠪᠤᠯᠠᠭ᠂ ᠷᠠᠰᠢᠶᠠᠨ ᠭᠡᠵᠦ ᠠᠳᠠᠯᠢ ᠪᠤᠰᠤ ᠪᠠᠷ | ᠨᠡᠷᠡᠶᠢᠳᠴᠦ ᠢᠷᠡᠭᠰᠡᠨ ᠨᠢ ᠱᠠᠰᠢᠨ ᠰᠢᠲᠦᠯᠭᠡ᠂ ᠶᠣᠰᠣ ᠮᠣᠷᠠᠯ ᠠᠴᠠ ᠡᠭᠦᠰᠦᠯᠲᠡᠢ ᠪᠣᠯᠬᠤ ᠶᠢ ᠵᠠᠪᠠᠯ ᠮᠡᠳᠡᠬᠦ ᠬᠡᠷᠡᠭᠲᠡᠢ ᠶᠤᠮ᠃ ᠮᠣᠩᠭᠤᠯᠴᠤᠳ ︽ᠤᠰᠤ | ᠤᠤᠭᠤᠬᠤ︾ ᠦᠭᠡᠢ ᠪᠢᠰᠢ ᠤᠤᠭᠤᠨᠠ᠃ ᠶᠡᠷᠦᠩᠬᠡᠢ ᠳᠡᠭᠡᠨ ᠪᠠᠷᠤᠭ ᠳᠣᠣᠷᠠᠬᠢ ᠬᠤᠶᠠᠷ ᠵᠦᠢᠯ ᠤᠨ ᠪᠠᠶᠢᠳᠠᠯ ᠳᠣᠣᠷᠠ ᠯᠡ ᠤᠤᠭᠤᠳᠠᠭ ᠪᠠᠶᠢᠨᠠ᠃ ᠮᠠᠰᠢ ᠬᠦᠨᠳᠦ | ᠡᠪᠡᠳᠴᠢᠨ ᠲᠠᠢ ᠬᠥᠮᠦᠨ ᠳᠤ ᠪᠤᠴᠠᠯᠤᠭᠰᠠᠨ ᠤᠰᠤ ᠤᠤᠭᠤᠯᠭᠠᠵᠤ ᠡᠪᠡᠳᠴᠢᠨ ᠤ ᠬᠠᠯᠠᠭᠤᠨ ᠢ ᠬᠠᠳᠠᠩᠰᠢᠭᠤᠯᠤᠨᠠ᠃ ᠮᠥᠨ ᠪᠠᠰᠠ ᠨᠠᠰᠤᠨ ᠡᠴᠦᠰᠯᠡᠬᠦ ᠶᠢᠨ | ᠳᠠᠪᠠᠭᠠᠨ ᠳᠡᠭᠡᠷᠡ ᠬᠤᠭᠤᠯᠠᠢ ᠪᠠᠷ ᠨᠢ ᠬᠤᠭᠤᠯᠠ ᠤᠮᠳᠠ ᠣᠷᠣᠬᠤ ᠦᠭᠡᠢ ᠪᠣᠯ ᠠᠮᠠᠨ ᠳᠤᠨᠢ ᠬᠠᠯᠪᠠᠭᠠ ᠪᠠᠷ ᠪᠦᠯᠢᠶᠡᠨ ᠤᠰᠤ ᠥᠭᠳᠡᠭ᠃ ᠡᠶᠢᠮᠦ ᠠᠴᠠ ᠡᠷᠲᠡᠨ ᠤ | ᠦᠭᠡᠨ ᠳᠤ᠄ ︽ᠠᠮᠢ ᠪᠠᠷᠠᠬᠤ ᠦᠶᠡᠰ ᠠᠮᠠᠨ ᠳᠤ ᠤᠰᠤ ᠬᠢᠬᠦ ᠬᠥᠮᠦᠨ ᠲᠠᠢ︾ ᠭᠡᠳᠡᠭ᠃ ᠡᠶᠢᠮᠦ ᠤᠴᠢᠷ ᠠᠴᠠ ᠡᠷᠲᠡᠨ ᠤ ᠮᠣᠩᠭᠤᠯᠴᠤᠳ ᠤᠰᠤ ᠤᠤᠭᠤ ᠭᠡᠬᠦ ᠶᠢ | ᠴᠡᠭᠡᠷᠯᠡᠳᠡᠭ ᠪᠠᠶᠢᠵᠠᠢ᠃ ᠯᠠᠮᠠ ᠬᠤᠸᠠᠷᠠᠭ ᠬᠥᠮᠦᠰ ᠲᠤ ᠬᠤᠭᠤᠯᠠ ᠤᠮᠳᠠ ᠢᠳᠡ ᠤᠤᠭᠤ ᠭᠡᠵᠦ ᠰᠢᠭᠤᠳ ᠬᠡᠯᠡᠬᠦ ᠠᠴᠠ ᠴᠡᠭᠡᠷᠯᠡᠨ᠂ ᠮᠠᠩᠵᠠ ᠴᠠᠪ ᠪᠠᠷᠢᠵᠤ | ᠬᠠᠶᠢᠷᠠᠯᠠ᠂ ᠵᠣᠭᠤᠭ ᠵᠣᠭᠤᠭᠯᠠ ᠭᠡᠬᠦ ᠮᠡᠲᠦ ᠪᠠᠷ ᠬᠦᠨᠳᠦᠳᠬᠡᠯ ᠤᠨ ᠦᠭᠡ ᠪᠠᠷ ᠶᠠᠷᠢᠳᠠᠭ᠃ ᠮᠠᠯ ᠭᠠᠷᠭᠠᠬᠤ ︵ᠨᠢᠲᠤᠯᠬᠤ︶ ᠳᠠᠭᠠᠨ ᠠᠯᠠᠨᠠ ᠭᠡᠵᠦ ᠬᠡᠯᠡᠬᠦ ᠶᠢ | ᠡᠷᠡᠰ ᠴᠡᠭᠡᠷᠯᠡᠳᠡᠭ᠃ ᠠᠯᠠᠬᠤ ᠶᠢᠨ ᠥᠭᠡᠷᠡ ᠨᠡᠷᠡᠶᠢᠳᠦᠯ ᠨᠢ ︽ᠭᠠᠷᠭᠠᠬᠤ︾᠂ ︽ᠳᠦᠭᠦᠷᠭᠡᠬᠦ︾᠂ ︽ᠱᠥᠯᠥ ᠤᠤᠭᠤᠬᠤ︾᠂ ︽ᠨᠢᠲᠤᠯᠬᠤ︾ ᠭᠡᠵᠦ ᠶᠠᠷᠢᠳᠠᠭ | ᠃ ᠠᠪᠠ ᠶᠢᠨ ᠶᠣᠰᠣᠨ ᠳᠤ ᠪᠣᠯ᠄ ︽ᠠᠪᠠᠯᠠᠬᠤ ︾᠂ ︽ᠭᠥᠷᠥᠭᠡᠯᠡᠬᠦ︾᠂ ︽ᠪᠠᠷᠢᠬᠤ︾ ᠭᠡᠬᠦ ᠮᠡᠲᠦ ᠪᠠᠷ ᠶᠠᠷᠢᠳᠠᠭ᠃ ᠵᠡᠭᠦᠨ ᠣᠷᠣᠨ ᠤ ᠣᠯᠠᠩᠬᠢ | ᠮᠣᠩᠭᠤᠯᠴᠤᠳ᠄ ︽ᠱᠥᠯᠥ ᠤᠤᠭᠤᠬᠤ︾᠂ ︽ᠮᠠᠯ ᠵᠠᠷᠤᠬᠤ︾᠂ ︽ᠭᠠᠷᠭᠠᠬᠤ︾ ᠭᠡᠵᠦ ᠶᠠᠷᠢᠳᠠᠭ᠃ ᠭᠡᠶᠢᠴᠢᠨ ᠵᠣᠴᠢᠨ ᠳᠡᠭᠡᠨ ᠰᠢᠭᠤᠳ ︽ᠮᠢᠬᠠ ᠢᠳᠡ︾ | ᠭᠡᠵᠦ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠳᠡᠭ᠃ ᠬᠠᠷᠢᠨ ︽ᠢᠳᠡᠭᠡ ᠵᠣᠭᠤᠭᠯᠠ︾᠂ ︽ᠱᠥᠯᠥ ᠤᠤᠭᠤ︾ ᠭᠡᠵᠦ ᠬᠡᠯᠡᠳᠡᠭ᠃ | |