| ᠮᠣᠩᠭᠤᠯᠴᠤᠳ ᠡᠷᠲᠡ ᠦᠶᠡ ᠳᠤ ᠠᠪᠤ ᠡᠵᠢ ᠦᠭᠡᠢ ᠪᠣᠯᠣᠭᠰᠠᠨ ᠪᠣᠯ ᠬᠦᠨᠳᠦᠳᠬᠡᠯ ᠦᠭᠡ ᠪᠠᠷ ︽ ᠪᠤᠷᠬᠠᠨ︾ ᠪᠣᠯᠪᠠ ᠭᠡᠳᠡᠭ᠃ ᠬᠠᠭᠠᠳ ᠨᠣᠶᠠᠳ | ᠦᠭᠡᠢ ᠪᠣᠯᠣᠭᠰᠠᠨ ᠪᠣᠯ ᠬᠦᠨᠳᠦᠳᠬᠡᠯ ᠦᠭᠡ ᠪᠠᠷ ᠲᠠᠭᠠᠯᠠᠯ ᠲᠡᠭᠦᠰᠪᠡ ᠭᠡᠳᠡᠭ᠃ ᠭᠡᠭᠡᠨ ᠬᠤᠪᠢᠯᠭᠠᠨ ᠨᠠᠰᠤ ᠪᠠᠷᠠᠭᠰᠠᠨ ᠪᠣᠯ ᠬᠦᠨᠳᠦᠳᠬᠡᠯ ᠦᠭᠡ ᠪᠠᠷ ᠨᠢᠷᠸᠠᠨ | ᠳᠥᠷᠢ ᠦᠵᠡᠭᠦᠯᠪᠡ ᠭᠡᠳᠡᠭ ᠪᠠᠶᠢᠵᠠᠢ᠃ ᠬᠠᠷᠢᠨ ︽ᠦᠬᠦᠪᠡ︾ ᠭᠡᠵᠦ ᠬᠡᠯᠡᠬᠦ ᠶᠢ ᠡᠷᠡᠰ ᠴᠡᠭᠡᠷᠯᠡᠭᠰᠡᠭᠡᠷ ᠢᠷᠡᠵᠡᠢ᠃ | ᠮᠣᠩᠭᠤᠯᠴᠤᠳ ᠨᠠᠰᠤᠲᠠᠨ ᠪᠤᠭᠤᠷᠤᠯᠴᠤᠳ ᠢ ︽ᠥᠨᠳᠥᠷ ᠨᠠᠰᠤ ᠵᠣᠭᠤᠭᠯᠠᠪᠠ︾᠂ ︽ᠥᠨᠳᠥᠷ ᠨᠠᠰᠤᠨ ᠪᠤᠶᠠᠨ ᠬᠦᠷᠲᠡᠯᠡ︾ ᠭᠡᠳᠡᠭ᠃ ᠬᠠᠷᠢᠨ ᠥᠨᠳᠥᠷ | ᠨᠠᠰᠤᠯᠠᠪᠠ ᠭᠡᠵᠦ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠵᠦ ᠪᠠᠶᠢᠵᠠᠢ᠃ ᠥᠨᠳᠥᠷ ᠨᠠᠰᠤᠯᠠᠭᠰᠠᠨ ᠬᠥᠮᠦᠨ ᠢ ︽ᠥᠨᠳᠥᠷ ᠨᠠᠰᠤ ᠬᠦᠷᠲᠡᠯᠡ︾ ᠭᠡᠳᠡᠭ ᠨᠢ ︽ᠨᠠᠰᠤᠯᠠᠪᠠ︾ ᠭᠡᠵᠦ | ᠬᠡᠯᠡᠬᠦ ᠠᠴᠠ ᠵᠠᠶᠢᠯᠠᠰᠬᠢᠭ᠍ᠰᠡᠨ ᠤᠴᠢᠷ ᠪᠣᠯᠬᠤ ᠶᠤᠮ᠃ ᠵᠠᠷᠢᠮ ᠨᠤᠲᠤᠭ ᠲᠤ ᠥᠨᠳᠥᠷ ᠨᠠᠰᠤᠲᠠᠨ ᠬᠥᠮᠦᠰ ᠦᠨᠡᠨ ᠨᠠᠰᠤ ᠪᠠᠨ ᠶᠡᠷᠦ ᠠᠴᠠ ᠬᠡᠯᠡᠳᠡᠭ ᠦᠭᠡᠢ | ᠵᠠᠩᠰᠢᠯ ᠲᠠᠢ᠂ ᠵᠠᠷᠢᠮ ᠨᠤᠲᠤᠭ ᠲᠤ ᠨᠠᠰᠤᠲᠠᠨ ᠬᠥᠮᠦᠰ ᠢ ︽ᠥᠲᠡᠯᠦᠯᠡ︾ ᠭᠡᠵᠦ ᠬᠡᠯᠡᠪᠡᠯ ᠶᠡᠬᠡᠯᠡ ᠡᠪ ᠦᠭᠡᠶᠢᠷᠡᠵᠦ ᠳᠤᠷᠠ ᠦᠭᠡᠶᠢᠴᠡᠳᠡᠭ ᠶᠤᠮ᠃ ᠬᠠᠷᠢᠨ | ᠢᠳᠡᠷ ᠨᠠᠰᠤᠨ ᠳᠠᠭᠠᠨ ᠶᠠᠪᠤᠵᠤ ᠪᠠᠶᠢᠨᠠ ᠭᠡᠪᠡᠯ ᠶᠡᠬᠡᠯᠡ ᠪᠠᠶᠠᠷᠯᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠮᠥᠨᠴᠦ ᠤᠨᠲᠠᠬᠤ ᠬᠡᠪᠲᠡᠬᠦ ᠶᠢ ᠤᠭ ᠦᠭᠡ ᠪᠠᠷ ᠨᠢ ᠬᠡᠯᠡᠬᠦ ᠦᠭᠡᠢ | ᠵᠠᠩᠰᠢᠯ ᠲᠠᠢ᠃ ᠬᠠᠷᠢᠨ ︽ᠨᠣᠶᠢᠷᠰᠣᠬᠤ︾᠂ ︽ᠠᠮᠠᠷᠠᠬᠤ︾᠂ ︽ᠵᠢᠷᠭᠠᠬᠤ︾᠂ ︽ᠬᠠᠵᠠᠭᠤᠯᠠᠬᠤ︾ ᠭᠡᠵᠦ ᠬᠦᠨᠳᠦᠳᠬᠡᠯ ᠲᠠᠢ ᠶᠠᠷᠢᠳᠠᠭ᠃ ᠴᠠᠢ ᠤᠤᠭᠤ᠂ | ᠬᠤᠭᠤᠯᠠ ᠢᠳᠡ ᠭᠡᠵᠦ ᠣᠯᠠᠩᠬᠢ ᠳᠠᠭᠠᠨ ᠬᠡᠯᠡᠳᠡᠭ ᠦᠭᠡᠢ᠃ ᠬᠠᠷᠢᠨ ︽ᠴᠠᠢ ᠬᠤᠭᠤᠯᠠ ᠵᠣᠭᠤᠭᠯᠠ︾ ᠭᠡᠵᠦ ᠶᠠᠷᠢᠳᠠᠭ᠃ ᠢᠳᠡᠯᠡ ᠰᠢᠦ᠂ ᠤᠤᠭᠤᠯᠠ ᠰᠢᠦ ᠭᠡᠬᠦ | ᠦᠭᠡ ᠶᠢ ︽ᠬᠦᠷᠲᠡᠪᠡ᠂ ᠬᠦᠷᠲᠡᠴᠢᠬᠡᠯᠡ︾᠂ ︽ᠵᠣᠭᠤᠭᠯᠠᠯᠠ︾ ᠭᠡᠵᠦ ᠬᠦᠨᠳᠦᠳᠬᠡᠨ ᠬᠡᠯᠡᠳᠡᠭ ᠶᠣᠰᠣ ᠲᠠᠢ᠃ ᠨᠠᠰᠤ ᠪᠠᠷᠠᠭᠰᠠᠨ ᠬᠥᠮᠦᠨ ᠤ ᠬᠡᠭᠦᠷ ᠢ ᠲᠦᠯᠡᠬᠦ | ᠰᠢᠲᠠᠭᠠᠬᠤ ᠭᠡᠵᠦ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠵᠦ ᠣᠯᠠᠩᠬᠢ ᠳᠠᠭᠠᠨ ︽ᠬᠠᠶᠢᠯᠭᠠᠬᠤ︾᠂ ︽ᠳᠡᠭᠳᠡᠭᠡᠬᠦ︾ ᠭᠡᠵᠦ ᠬᠦᠨᠳᠦᠳᠬᠡᠨ ᠶᠠᠷᠢᠳᠠᠭ᠃ ᠬᠠᠮᠲᠤ ᠶᠠᠪᠤᠬᠤ᠂ ᠬᠠᠮᠲᠤ | ᠪᠠᠶᠢᠬᠤ᠂ ᠳᠠᠭᠠᠵᠤ ᠶᠠᠪᠤᠬᠤ ᠶᠢ ᠬᠦᠨᠳᠦᠳᠬᠡᠨ ︽ᠪᠠᠷᠠ ᠪᠣᠯᠬᠤ︾ ᠭᠡᠵᠦ ᠶᠠᠷᠢᠳᠠᠭ᠃ ᠮᠠᠮᠠ ᠨᠠᠷ ᠲᠤ ᠬᠤᠭᠤᠯᠠ ᠤᠮᠳᠠ ᠪᠠᠷᠢᠬᠤ ᠳᠠᠭᠠᠨ ︽ᠮᠠᠩᠵᠠ᠂ ᠴᠠᠪ︾ | ᠭᠡᠵᠦ ᠬᠦᠨᠳᠦᠳᠬᠡᠨ ᠶᠠᠷᠢᠳᠠᠭ᠃ ᠤᠴᠠᠷᠠᠨ ᠵᠣᠯᠭᠠᠵᠤ ᠰᠠᠯᠤᠯᠴᠠᠬᠤ ᠦᠶᠡᠰ ︽ᠬᠠᠮᠤᠭ ᠰᠡᠭᠦᠯ ᠤᠨ ᠤᠳᠠᠭᠠ ᠨᠢᠭᠤᠷ ᠤᠴᠠᠷᠠᠯᠠ︾᠂ ︽ᠡᠴᠦᠰ ᠤᠨ ᠤᠳᠠᠭᠠ | ᠵᠣᠯᠭᠠᠯᠠ︾ ᠭᠡᠬᠦ ᠦᠭᠡᠰ ᠢ ᠴᠡᠭᠡᠷᠯᠡᠳᠡᠭ᠃ ᠶᠠᠷᠢᠶᠠ ᠢᠯᠡᠳᠬᠡᠯ ᠬᠢᠭᠰᠡᠨ ᠴᠤ ︽ᠬᠠᠮᠤᠭ ᠰᠡᠭᠦᠯ ᠳᠤᠨᠢ︾᠂ ︽ᠡᠴᠦᠰ ᠲᠤᠨᠢ︾ ᠭᠡᠵᠦ ᠶᠠᠷᠢᠬᠤ ᠶᠢ ᠴᠡᠭᠡᠷᠯᠡᠳᠡᠭ᠃ | ᠮᠣᠩᠭᠤᠯ ᠬᠥᠮᠦᠨ ︽ᠦᠬᠦᠬᠦ︾ ᠪᠠ ︽ᠦᠭᠡᠢ︾ ᠶᠢ ᠴᠡᠭᠡᠷᠯᠡᠳᠡᠭ᠃ ᠡᠷᠲᠡᠨ ᠤ ᠦᠭᠡᠨ ᠳᠤ ︽ᠡᠳᠦᠷ ᠤᠨ ᠭᠤᠷᠪᠠ ᠦᠬᠦᠬᠦ ᠶᠢ ᠬᠡᠯᠡᠳᠡᠭ ᠦᠭᠡᠢ᠃ ᠡᠳᠦᠷ ᠤᠨ | ᠭᠤᠷᠪᠠ ᠦᠭᠡᠢ ᠶᠢ ᠶᠠᠷᠢᠳᠠᠭ ᠦᠭᠡᠢ︾ ᠭᠡᠳᠡᠭ ᠵᠦᠢᠷ ᠦᠭᠡ ᠪᠠᠶᠢᠳᠠᠭ᠃ ᠠᠷᠢᠬᠢ ᠶᠢ ᠰᠢᠭᠤᠳ ᠨᠡᠷᠡ ᠶᠢ ᠨᠢ ᠬᠡᠯᠡᠬᠦ ᠶᠢ ᠴᠡᠭᠡᠷᠯᠡᠵᠦ ︽ᠰᠠᠷᠬᠤᠳ︾ ᠭᠡᠵᠦ | ᠬᠦᠨᠳᠦᠳᠬᠡᠨ ᠶᠠᠷᠢᠳᠠᠭ᠃ | ᠮᠣᠩᠭᠤᠯᠴᠤᠳ ᠤᠨ ᠡᠳᠦᠷ ᠲᠤᠲᠤᠮ ᠤᠨ ᠦᠭᠡ ᠶᠠᠷᠢᠶᠠ᠂ ᠦᠢᠯᠡ ᠬᠥᠳᠡᠯᠭᠡᠭᠡᠨ ᠤ ᠳᠤᠮᠳᠠ ᠬᠡᠯᠡᠵᠦ ᠬᠡᠷᠡᠭᠯᠡᠵᠦ ᠪᠠᠶᠢᠳᠠᠭ ᠪᠣᠯᠪᠠᠴᠤ ᠣᠳᠣᠬᠠᠨ ᠳᠤ | ᠵᠢᠷᠤᠮᠯᠠᠳᠠᠭ᠂ ᠬᠡᠷᠡᠭᠯᠡᠳᠡᠭ ᠬᠥᠮᠦᠰ ᠬᠤᠪᠣᠷᠳᠠᠭᠠᠳ᠂ ᠰᠡᠳᠬᠢᠬᠦᠢ ᠡᠭᠡᠳᠡᠷᠡᠵᠦ᠂ ᠬᠡᠯᠡ ᠶᠠᠳᠠᠭᠤᠷᠠᠵᠤ᠂ ᠬᠤᠯᠢᠮᠠᠭ ᠬᠡᠯᠡ ᠣᠯᠠᠰᠢᠷᠠᠵᠤ᠂ ᠮᠣᠩᠭᠤᠯ ᠵᠠᠩ ᠳᠠᠳᠬᠠᠯ | ᠢᠪᠴᠤᠷᠠᠵᠤ ᠪᠠᠶᠢᠭᠠ ᠨᠢ ᠲᠤᠶᠢᠯ ᠤᠨ ᠬᠠᠷᠠᠮᠰᠠᠯᠲᠠᠢ ᠰᠠᠨᠠᠭᠳᠠᠨᠠ᠃ |