| ᠤᠷᠠᠳ ᠮᠣᠩᠭᠤᠯᠴᠤᠳ ᠤᠨ ᠰᠢᠭᠦᠰᠦ ᠵᠠᠰᠠᠬᠤ᠂ ᠰᠢᠭᠦᠰᠦ ᠣᠷᠣᠭᠤᠯᠬᠤ᠂ ᠰᠢᠭᠦᠰᠦ ᠡᠪᠳᠡᠬᠦ ᠶᠣᠰᠣ ᠭᠤᠷᠢᠮ ᠲᠤᠶᠢᠯ ᠤᠨ ᠨᠠᠷᠢᠨ ᠨᠢᠭᠲᠠ ᠪᠠᠶᠢᠳᠠᠭ᠃ | ᠰᠢᠭᠦᠰᠦᠨ ᠤ ᠢᠷᠭᠡ ᠶᠢ ᠨᠢᠲᠤᠯᠬᠤ ᠦᠶᠡ ᠠᠷᠠᠰᠤ ᠶᠢ ᠨᠢ ᠬᠠᠭᠤᠯᠬᠤ ᠳᠠᠭᠠᠨ ᠠᠷᠠᠰᠤᠨ ᠳᠤᠨᠢ ᠬᠠᠯᠢᠮ ᠳᠠᠭᠠᠭᠤᠯᠤᠨ ᠰᠢᠭᠦᠰᠦ ᠪᠠᠨ ᠠᠯᠠᠭ ᠲᠠᠷᠯᠠᠨ | ᠪᠣᠯᠭᠠᠬᠤ ᠶᠢ ᠣᠨᠴᠠᠭᠠᠢ ᠬᠢᠴᠢᠶᠡᠨ᠂ ᠢᠷᠭᠡ ᠶᠢᠨ ᠰᠡᠭᠦᠯ ᠢ ᠤᠷᠠᠵᠤ ᠲᠠᠰᠤᠳᠠᠬᠤ ᠦᠭᠡᠢ ᠪᠠᠶᠢᠬᠤ ᠶᠢ ᠬᠢᠴᠢᠶᠡᠨᠡ᠃ | ᠰᠢᠭᠦᠰᠦ ᠶᠢ ᠡᠪᠳᠡᠬᠦ ᠳᠡᠭᠡᠨ ᠰᠢᠭᠦᠰᠦ ᠪᠠᠨ ᠲᠡᠭᠰᠢ ᠳᠥᠷᠪᠡᠯᠵᠢᠨ ᠪᠣᠯᠭᠠᠬᠤ ᠶᠢᠨ ᠲᠥᠯᠥᠭᠡ ᠬᠤᠶᠠᠷ ᠭᠤᠶᠠᠨ ᠤ ᠬᠢᠨᠢ ᠭᠠᠳᠠᠷ ᠲᠠᠯᠠ ᠶᠢᠨ ᠮᠢᠬᠠ ᠶᠢ | ᠡᠪᠲᠡᠶᠢᠬᠡᠨ ᠮᠠᠯᠲᠠᠵᠤ ᠠᠪᠬᠤ ᠬᠡᠷᠡᠭᠲᠡᠢ᠃ ᠳᠥᠷᠪᠡᠨ ᠮᠥᠴᠢ ᠶᠢ ᠨᠢ ᠰᠠᠯᠭᠠᠬᠤ ᠳᠠᠭᠠᠨ ᠬᠤᠶᠠᠷ ᠪᠣᠷᠪᠢᠨ ᠤ ᠰᠢᠷᠪᠦᠰᠦ᠂ ᠬᠤᠶᠠᠷ ᠪᠤᠯᠴᠢᠩ ᠮᠢᠬᠠ ᠶᠢ ᠰᠡᠲᠡᠯᠵᠦ | ᠪᠣᠯᠬᠤ ᠦᠭᠡᠢ᠃ ᠲᠡᠷᠡᠴᠢᠯᠡᠨ ᠤᠭᠤᠴᠠ ᠨᠢᠷᠤᠭᠤ ᠠᠴᠠ ᠳᠡᠭᠡᠭᠰᠢ ᠲᠣᠭᠠᠯᠠᠵᠤ ᠲᠠᠯᠠ ᠪᠦᠷᠢ ᠳᠤ ᠳᠥᠷᠪᠡᠨ ᠰᠦᠪᠡᠷᠭᠡ ᠦᠯᠡᠳᠡᠭᠡᠨ᠂ ᠬᠠ ᠶᠢᠨ ᠬᠠᠮᠤᠭ ᠤᠨ | ᠪᠣᠭᠤᠨᠢ ᠬᠠᠪᠢᠷᠭᠠ ᠶᠢ ᠨᠢ ᠠᠪᠬᠤ ᠬᠡᠷᠡᠭᠲᠡᠢ᠃ ᠬᠤᠶᠠᠷ ᠬᠠ ᠳᠤᠨᠢ ᠲᠤᠰ ᠪᠦᠷᠢ ᠠᠷᠪᠠᠨ ᠬᠤᠶᠠᠷ ᠬᠠᠪᠢᠷᠭᠠ ᠶᠢ ᠨᠢ ᠦᠯᠡᠳᠡᠭᠡᠨᠡ᠃ ᠬᠠ ᠭᠤᠶᠠ ᠶᠢ ᠨᠢ | ᠰᠠᠯᠭᠠᠵᠤ᠂ ᠪᠣᠭᠲᠣᠭᠤᠰᠣ ᠱᠠᠭᠠᠨᠲᠤ ᠶᠢ ᠨᠤᠭᠤᠯᠬᠤ ᠳᠠᠭᠠᠨ ᠬᠠ ᠭᠤᠶᠠ ᠶᠢᠨ ᠵᠤᠵᠠᠭᠠᠨ ᠮᠢᠬᠠ ᠲᠠᠢ ᠬᠡᠰᠡᠭ ᠤᠨ ᠳᠣᠲᠣᠭᠤᠷ ᠨᠢ ᠬᠢᠲᠤᠭᠠ ᠪᠠᠷ ᠬᠥᠨᠳᠡᠵᠦ | ᠦᠶᠡ ᠶᠢ ᠨᠢ ᠰᠠᠯᠭᠠᠭᠠᠳ ᠨᠤᠭᠤᠯᠤᠨᠠ᠃ ᠢᠩᠭᠢᠪᠡᠯ ᠴᠢᠨᠠᠵᠤ ᠪᠣᠯᠭᠤᠭᠰᠠᠨ ᠤ ᠳᠠᠷᠠᠭᠠ ᠶᠠᠰᠤ ᠨᠢ ᠠᠷᠵᠠᠶᠢᠬᠤ ᠦᠭᠡᠢ᠃ | ᠤᠭᠤᠴᠠ ᠪᠠᠨ ᠲᠣᠭᠤᠭᠠᠨ ᠳᠤ ᠬᠢᠬᠦ ᠳᠡᠭᠡᠨ ᠤᠭᠤᠴᠠᠨ ᠤ ᠠᠰᠠᠭᠤᠬᠤ ᠨᠢᠷᠤᠭᠤᠨ ᠤ ᠲᠡᠩᠨᠡᠭᠦᠷ ᠶᠠᠰᠤ ᠮᠢᠬᠠᠨ ᠤ ᠵᠠᠪᠰᠠᠷ ᠢᠶᠠᠷ ᠬᠢᠲᠤᠭᠠ ᠪᠠᠷ ᠬᠥᠨᠳᠡᠵᠦ | ᠰᠢᠷᠪᠦᠰᠦ ᠶᠢ ᠲᠠᠯᠪᠢᠪᠠᠯ ᠤᠭᠤᠴᠠ ᠰᠠᠶᠢᠬᠠᠨ ᠲᠡᠭᠰᠢᠬᠡᠨ ᠪᠣᠯᠣᠨᠠ᠃ ᠤᠭᠤᠴᠠ ᠪᠠᠨ ᠪᠣᠯᠭᠤᠭᠰᠠᠨ ᠤ ᠳᠠᠷᠠᠭᠠ ᠬᠠᠪᠲᠠᠭᠠᠢ ᠮᠣᠳᠣ ᠪᠤᠶᠤ ᠰᠢᠷᠡᠭᠡᠨ ᠳᠡᠭᠡᠷᠡ | ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠲᠠᠯᠪᠢᠭᠠᠳ ᠳᠡᠭᠡᠷᠡ ᠠᠴᠠ ᠨᠢ ᠬᠠᠪᠲᠠᠭᠠᠢ ᠮᠣᠳᠣ ᠪᠠᠷ ᠳᠠᠷᠤᠵᠤ ᠲᠠᠯᠪᠢᠪᠠᠯ ᠤᠭᠤᠴᠠ ᠨᠢ ᠲᠡᠨᠢᠭᠡᠷ ᠦᠵᠡᠮᠵᠢᠲᠡᠢ ᠪᠣᠯᠳᠠᠭ᠃ ᠲᠣᠭᠤᠨᠴᠠᠭ | ᠨᠢᠷᠤᠭᠤᠨ ᠠᠴᠠ ᠨᠢ ᠳᠣᠷᠣᠭᠰᠢ ᠭᠤᠷᠪᠠᠨ ᠦᠶᠡ ᠲᠣᠭᠠᠯᠠᠭᠠᠳ ᠨᠢᠭᠡ ᠦᠶᠡ ᠶᠢ ᠨᠢ ᠠᠪᠴᠤ ᠬᠠᠶᠠᠪᠠᠯ ᠰᠡᠭᠦᠯ ᠨᠢ ᠮᠢᠳᠠᠶᠢᠨ ᠠᠮᠢᠳᠤ ᠬᠤᠨᠢᠨ ᠤ ᠰᠡᠭᠦᠯ ᠰᠢᠭ | ᠦᠵᠡᠮᠵᠢ ᠲᠠᠢ ᠪᠣᠯᠳᠠᠭ᠃ | ᠰᠢᠭᠦᠰᠦ ᠣᠷᠣᠭᠤᠯᠬᠤ ᠳᠠᠭᠠᠨ ᠬᠠ ᠭᠤᠶᠠ ᠶᠢ ᠨᠢ ᠲᠡᠪᠰᠢ ᠳᠤ ᠬᠡᠪᠲᠡᠭᠡ ᠪᠠᠷ ᠦᠷᠦᠵᠦ ᠲᠠᠯᠪᠢᠭᠠᠳ ᠳᠡᠭᠡᠷᠡ ᠠᠴᠠ ᠨᠢ ᠤᠭᠤᠴᠠ ᠶᠢ ᠨᠢ ᠬᠥᠮᠥᠷᠢᠵᠦ | ᠲᠠᠯᠪᠢᠨᠠ᠃ ᠬᠤᠨᠢᠨ ᠲᠣᠯᠣᠭᠠᠢ ᠳᠤᠨᠢ ᠰᠠᠷᠠ ᠰᠡᠶᠢᠯᠵᠦ ︵ᠡᠷᠡᠦ ᠦᠭᠡᠢ︶ ᠤᠭᠤᠴᠠᠨ ᠤ ᠳᠡᠭᠡᠷᠡ ᠲᠠᠯᠪᠢᠨ᠂ ᠰᠡᠭᠡᠷ ᠤᠨ ᠬᠢᠨ ᠨᠠᠷᠢᠨ ᠦᠵᠦᠭᠦᠷ ᠢ ᠨᠢ ᠰᠡᠭᠦᠯ | ᠵᠦᠭ ᠨᠢ ᠬᠠᠨᠳᠤᠭᠤᠯᠤᠨ ᠤᠭᠤᠴᠠᠨ ᠤ ᠳᠡᠭᠡᠷᠡ ᠵᠥᠪ ᠲᠠᠯᠠ ᠳᠤᠨᠢ ᠬᠦᠵᠦᠭᠦᠦ ᠪᠠᠨ ᠨᠤᠭᠤᠯᠤᠨ ᠬᠡᠪᠲᠡᠵᠦ ᠪᠠᠶᠢᠭᠠ ᠮᠠᠶ᠋ᠢᠭ ᠲᠠᠢ ᠲᠠᠯᠪᠢᠨᠠ᠃ ᠰᠢᠭᠦᠰᠦᠨ ᠳᠤ | ᠡᠪᠴᠢᠭᠦᠦ᠂ ᠬᠦᠵᠦᠭᠦᠦ ᠣᠷᠣᠭᠤᠯᠬᠤ ᠦᠭᠡᠢ᠃ | ᠰᠢᠭᠦᠰᠦ ᠪᠠᠨ ᠡᠪᠳᠡᠬᠦ ᠳᠡᠭᠡᠨ ᠤᠷᠢᠳ ᠢᠶᠠᠷ ᠭᠡᠶᠢᠴᠢᠨ ᠳᠡᠭᠡᠨ ᠴᠠᠭᠠᠨ ᠢᠳᠡᠭᠡᠨ ᠠᠮᠰᠠᠭᠤᠯᠬᠤ ᠪᠤᠶᠤ ᠰᠠᠷᠬᠤᠳ ᠠᠮᠰᠠᠭᠤᠯᠤᠨ ᠬᠢᠲᠤᠭᠠ ᠪᠠᠨ ᠢᠷ | ᠲᠠᠯᠠ ᠠᠴᠠ ᠨᠢ ᠪᠠᠷᠢᠵᠤ᠂ ᠡᠰᠢ ᠲᠠᠯᠠ ᠶᠢ ᠨᠢ ᠰᠢᠷᠡᠭᠡᠨ ᠤ ᠭᠤᠣᠯ ᠳᠤ ᠰᠠᠭᠤᠭᠰᠠᠨ ᠬᠥᠮᠦᠨ ᠳᠤ ᠭᠠᠷᠳᠠᠭᠤᠯᠤᠨᠠ᠃ ᠰᠢᠷᠡᠭᠡᠨ ᠤ ᠭᠤᠣᠯ ᠳᠤ ᠰᠠᠭᠤᠭᠰᠠᠨ | ᠬᠥᠮᠦᠨ ᠬᠢᠲᠤᠭᠠ ᠶᠢ ᠲᠣᠰᠴᠤ ᠠᠪᠤᠨ ᠲᠣᠯᠣᠭᠠᠢ᠂ ᠤᠭᠤᠴᠠ᠂ ᠳᠥᠷᠪᠡᠨ ᠮᠥᠴᠢ᠂ ᠰᠡᠭᠦᠯ ᠠᠴᠠ ᠪᠠᠭᠠ ᠪᠠᠭᠠ ᠣᠭᠲᠣᠯᠵᠤ ᠠᠪᠤᠭᠠᠳ ᠰᠢᠨᠠᠭᠠ ᠪᠤᠶᠤ | ᠪᠠᠭᠪᠤᠷ ᠲᠤ ᠬᠢᠵᠦ ᠳᠡᠭᠡᠷᠡ ᠨᠢ ᠴᠠᠢ᠂ ᠠᠷᠢᠬᠢ ᠳᠤᠰᠤᠭᠠᠨ ᠲᠡᠭᠷᠢ ᠪᠤᠷᠬᠠᠨ ᠳᠤ ᠡᠷᠭᠦᠬᠦ ᠪᠠᠷ ᠥᠭᠴᠦ ᠰᠢᠭᠦᠰᠦ ᠡᠪᠳᠡᠭᠴᠢ ᠳᠤ᠄ ︽ᠰᠢᠭᠦᠰᠦ ᠪᠠᠨ ᠡᠪᠳᠡᠵᠦ | ᠬᠠᠶᠢᠷᠠᠯᠠ︕︾ ᠬᠡᠮᠡᠨ ᠬᠢᠲᠤᠭᠠ ᠪᠠᠨ ᠮᠥᠨ ᠢᠷ ᠲᠠᠯᠠ ᠠᠴᠠ ᠨᠢ ᠪᠠᠷᠢᠵᠤ ᠪᠤᠴᠠᠭᠠᠨ ᠥᠭᠳᠡᠭ᠃ ᠡᠨᠡ ᠦᠶᠡ ᠳᠠᠭᠤᠴᠢᠨ ᠠᠴᠠ ᠨᠠᠶᠢᠷ ᠤᠨ ᠳᠠᠭᠤᠤ ︽ | ᠭᠤᠷᠪᠠᠨ ᠪᠤᠶᠠᠨ︾ ᠢ ᠳᠠᠭᠤᠯᠠᠨᠠ᠃ ᠠᠷᠢᠬᠢ ᠪᠠᠷᠢᠭᠴᠢᠳ ᠮᠥᠩᠭᠦᠨ ᠴᠠᠭᠠᠨ ᠬᠠᠳᠠᠭ ᠢᠶᠠᠨ ᠳᠡᠯᠭᠡᠨ ᠮᠥᠩᠭᠦᠨ ᠴᠥᠭᠦᠴᠡ ᠳᠤ ᠠᠷᠢᠬᠢ ᠬᠡᠮᠨᠡᠵᠦ᠂ ᠰᠢᠷᠡᠭᠡᠨ ᠤ | ᠳᠤᠮᠳᠠ ᠠᠴᠠ ᠡᠬᠢᠯᠡᠨ ᠬᠥᠮᠦᠨ ᠪᠦᠬᠦᠨ ᠳᠤ ᠰᠢᠭᠦᠰᠦᠨ ᠤ ᠵᠣᠷᠢᠭ ᠬᠡᠮᠡᠨ ᠤᠤᠭᠤᠯᠭᠠᠨᠠ᠃ ᠰᠢᠷᠡᠭᠡᠨ ᠤ ᠭᠤᠣᠯ ᠳᠤ ᠰᠠᠭᠤᠭᠰᠠᠨ ᠬᠥᠮᠦᠨ ᠲᠤᠰ ᠠᠷᠢᠬᠢ ᠶᠢ ᠵᠠᠪᠠᠯ | ᠤᠤᠭᠤᠬᠤ ᠬᠡᠷᠡᠭᠲᠡᠢ᠃ ᠪᠤᠰᠤᠳ ᠬᠥᠮᠦᠨ ᠨᠢ ᠪᠦᠭᠦᠳᠡ ᠶᠢ ᠤᠤᠭᠤᠪᠠᠯ ᠪᠦᠷ ᠳᠠᠭᠠᠯᠴᠠᠨ ᠤᠤᠭᠤᠵᠤ ᠳᠠᠭᠤᠰᠬᠠᠨᠠ᠃ |