| ᠰᠢᠭᠦᠰᠦ ᠡᠪᠳᠡᠬᠦ ᠳᠡᠭᠡᠨ ᠪᠤᠷᠤᠭᠤ ᠲᠠᠯᠠ ᠶᠢᠨ ᠵᠠᠯᠠᠭᠠ ᠲᠠᠢ ᠱᠠᠭᠠᠨᠲᠤ᠂ ᠤᠭᠤᠷᠠᠭ ᠰᠡᠭᠦᠯ᠂ ᠲᠣᠯᠣᠭᠠᠢ ᠲᠠᠢ ᠨᠢ ᠲᠠᠪᠠᠭᠯᠠᠵᠤ ᠪᠤᠷᠬᠠᠨ ᠤ ᠲᠠᠬᠢᠯᠭᠠ | ᠪᠣᠯᠭᠠᠳᠠᠭ᠃ ᠲᠡᠭᠡᠭᠡᠳ ᠤᠭᠤᠴᠠᠨ ᠤ ᠨᠠᠢᠮᠠᠨ ᠰᠦᠪᠡᠷᠭᠡ ᠶᠢ ᠨᠢ ᠬᠤᠶᠠᠷ ᠬᠠᠷᠴᠠᠭᠠ ᠲᠠᠢ ᠨᠤᠭᠤᠯᠵᠤ᠂ ᠤᠭᠤᠴᠠᠨ ᠤ ᠬᠢᠨᠢ ᠳᠣᠣᠭᠤᠷ ᠨᠢ ᠳᠡᠭᠡᠭᠰᠢ | ᠬᠠᠨᠳᠤᠭᠤᠯᠤᠨ ᠳᠠᠷᠤᠵᠤ ᠲᠠᠯᠪᠢᠭᠠᠳ ᠳᠥᠷᠪᠡᠨ ᠮᠥᠴᠢ ᠶᠢ ᠡᠪᠳᠡᠨᠡ᠃ ᠬᠠ ᠭᠤᠶᠠ ᠪᠦᠭᠦᠳᠡ ᠶᠢ ᠡᠪᠳᠡᠵᠦ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠤᠭᠤᠴᠠᠨ ᠤ ᠬᠤᠶᠠᠷ | ᠲᠠᠯᠠ ᠶᠢᠨ ᠮᠢᠬᠠ ᠠᠴᠠ ᠨᠠᠷᠢᠨ ᠰᠢᠭ᠋ ᠭᠤᠷᠪᠠ ᠭᠤᠷᠪᠠ ᠵᠦᠰᠦᠭᠡᠳ ᠤᠭᠤᠴᠠᠨ ᠳᠡᠭᠡᠷᠡ ᠨᠢ ᠬᠥᠨᠳᠡᠯᠡᠨ ᠲᠣᠬᠤᠵᠤ ᠲᠠᠯᠪᠢᠨᠠ᠃ | ᠰᠢᠭᠦᠰᠦ ᠪᠠᠨ ᠡᠪᠳᠡᠵᠦ ᠪᠠᠷᠠᠭᠠᠳ ᠬᠤᠪᠢᠶᠠᠬᠤ ᠦᠶᠡ ᠳᠤ ᠰᠡᠭᠡᠷ ᠳᠠᠯᠤ ᠳᠥᠷᠪᠡᠨ ᠥᠨᠳᠥᠷ ᠢ ᠪᠣᠯ ᠠᠬᠠᠮᠠᠳ ᠲᠣᠮᠣᠭᠠᠲᠠᠳ ᠶᠡᠭᠡ ᠬᠥᠮᠦᠨ ᠳᠤ ᠲᠠᠯᠪᠢᠨᠠ | ᠃ ᠬᠡᠷᠪᠡ ᠬᠤᠷᠢᠮ ᠨᠠᠶᠢᠷ ᠲᠤ ᠪᠣᠯ ᠬᠡᠦᠬᠡᠨ ᠤ ᠨᠠᠭᠠᠴᠤ ᠶᠢᠨ ᠡᠮᠦᠨᠡ ᠵᠠᠪᠠᠯ ᠳᠠᠯᠤ ᠳᠥᠷᠪᠡᠨ ᠥᠨᠳᠥᠷ ᠲᠠᠯᠪᠢᠬᠤ ᠬᠡᠷᠡᠭᠲᠡᠢ᠃ ᠳᠠᠯᠤ ᠳᠥᠷᠪᠡᠨ ᠥᠨᠳᠥᠷ ᠢᠶᠠᠨ | ᠲᠠᠯᠪᠢᠬᠤ ᠦᠶᠡ ᠳᠠᠯᠤᠨ ᠬᠠᠮᠠᠷ ᠢ ᠳᠡᠭᠡᠭᠰᠢ ᠬᠠᠨᠳᠤᠭᠤᠯᠤᠨ ᠮᠥᠭᠡᠷᠰᠦ ᠶᠢ ᠨᠢ ᠬᠢᠲᠤᠭᠠ ᠪᠠᠷ ᠬᠥᠨᠳᠡᠵᠦ ᠬᠠᠪᠢᠷᠭᠠᠨ ᠤ ᠪᠤᠷᠠ ᠪᠠᠷ ᠬᠤᠶᠠᠷ ᠲᠠᠯᠠ ᠶᠢ ᠨᠢ ᠬᠠᠰᠢᠵᠤ | ᠲᠠᠯᠪᠢᠬᠤ ᠶᠣᠰᠣᠲᠠᠢ᠃ ᠪᠤᠰᠤᠳ ᠮᠥᠴᠢ ᠶᠢ ᠳᠠᠷᠠᠭᠠᠯᠠᠭᠤᠯᠤᠨ ᠵᠠᠰᠠᠵᠤ ᠲᠠᠯᠪᠢᠬᠤ ᠳᠠᠭᠠᠨ ᠮᠥᠴᠢ ᠪᠦᠬᠦᠨ ᠤ ᠬᠤᠶᠠᠷ ᠲᠠᠯᠠ ᠶᠢ ᠬᠠᠪᠢᠷᠭᠠ ᠪᠠᠷ ᠬᠠᠰᠢᠭᠰᠠᠨ | ᠪᠠᠶᠢᠬᠤ ᠬᠡᠷᠡᠭᠲᠡᠢ᠃ ᠲᠡᠷᠡᠴᠢᠯᠡᠨ ᠮᠥᠴᠢ ᠪᠦᠬᠦᠨ ᠤ ᠳᠡᠭᠡᠷᠡ ᠨᠢ ᠤᠭᠤᠴᠠᠨ ᠤ ᠬᠠᠶᠠᠳᠠᠰᠤ ᠶᠢ ᠪᠠᠭᠠ ᠪᠠᠭᠠ ᠵᠦᠰᠦᠭᠡᠳ ᠲᠦᠭᠡᠭᠡᠯ ᠪᠣᠯᠭᠠᠨ ᠲᠠᠯᠪᠢᠳᠠᠭ᠃ | ᠡᠭᠦᠨ ᠢ ᠬᠥᠮᠦᠨ ᠪᠦᠬᠦᠨ ᠠᠮᠰᠠᠬᠤ ᠶᠣᠰᠣᠲᠠᠢ᠃ | ᠤᠭᠤᠴᠠ ᠲᠠᠯᠪᠢᠬᠤ ᠦᠶᠡ ᠬᠤᠶᠠᠷ ᠪᠣᠭᠲᠣᠭᠤᠰᠣ ᠶᠢ ᠨᠢ ᠤᠭᠤᠴᠠᠨ ᠤ ᠲᠣᠯᠣᠭᠠᠢ ᠲᠠᠯᠠ ᠳᠤᠨᠢ ᠲᠠᠯᠪᠢᠵᠤ᠂ ᠬᠤᠶᠠᠷ ᠱᠠᠭᠠᠨᠲᠤ ᠶᠢ ᠨᠢ ᠤᠭᠤᠴᠠᠨ ᠤ | ᠰᠡᠭᠦᠯ ᠲᠠᠯᠠ ᠳᠤᠨᠢ ᠵᠠᠰᠠᠨᠠ᠃ ᠳᠡᠭᠡᠷᠡ ᠨᠢ ᠤᠭᠤᠴᠠ ᠪᠠᠨ ᠬᠥᠮᠥᠷᠢᠵᠦ ᠲᠠᠯᠪᠢᠭᠠᠳ ᠤᠭᠤᠴᠠᠨ ᠳᠡᠭᠡᠷᠡ ᠪᠠᠨ ᠰᠡᠭᠡᠷ ᠢᠶᠠᠨ ᠲᠠᠯᠪᠢᠨᠠ᠃ ᠢᠩᠭᠢᠭᠡᠳ ᠭᠤᠣᠯ | ᠵᠣᠴᠢᠨ ᠤ ᠡᠮᠦᠨᠡ ᠲᠠᠯᠪᠢᠨ ᠴᠠᠭᠠᠨ ᠢᠳᠡᠭᠡᠨ ᠪᠤᠶᠤ ᠰᠠᠷᠬᠤᠳ ᠠᠮᠰᠠᠭᠤᠯᠤᠨ ᠤᠭᠤᠴᠠᠨ ᠤ ᠢᠷᠥᠭᠡᠯ ᠬᠡᠯᠡᠨᠡ᠃ ᠤᠭᠤᠴᠠᠨ ᠤ ᠢᠷᠥᠭᠡᠯ ᠪᠤᠶᠤ ᠳᠠᠭᠤᠤ | ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠨᠠᠶᠢᠷ ᠤᠨ ᠳᠠᠭᠠᠭᠠᠮᠠᠯ ᠠᠴᠠ ᠰᠢᠷᠡᠭᠡᠨ ᠤ ᠭᠤᠣᠯ ᠳᠤ ᠰᠠᠭᠤᠭᠰᠠᠨ ᠵᠣᠴᠢᠨ ᠪᠤᠶᠤ ᠠᠬᠠᠮᠠᠳ ᠲᠣᠮᠣᠭᠠᠲᠠᠳ ᠲᠤ ᠬᠢᠲᠤᠭᠠ ᠪᠠᠨ ᠡᠰᠢ ᠪᠠᠷ | ᠭᠠᠷᠳᠠᠭᠤᠯᠬᠤ ᠳᠤ ᠲᠡᠳᠡ ᠲᠣᠰᠴᠤ ᠠᠪᠤᠭᠠᠳ ᠪᠤᠷᠬᠠᠨ ᠲᠡᠭᠷᠢ ᠶᠢᠨ ᠬᠡᠰᠢᠭ ᠬᠡᠮᠡᠨ ᠵᠦᠰᠦᠨ ᠠᠪᠴᠤ ᠪᠠᠭᠪᠤᠷ ᠲᠤ ᠬᠢᠵᠦ ︽ᠲᠡᠭᠷᠢ ᠭᠠᠵᠠᠷ ᠢᠶᠠᠨ ᠲᠠᠬᠢ︕︾ | ᠭᠡᠬᠦ ᠪᠤᠶᠤ ︽ᠭᠠᠯ ᠳᠠᠭᠠᠨ ᠡᠷᠭᠦ︕︾ ᠬᠡᠮᠡᠨ ᠬᠢᠲᠤᠭᠠ ᠶᠢ ᠳᠠᠭᠠᠭᠠᠮᠠᠯ ᠳᠤ ᠪᠤᠴᠠᠭᠠᠨ ᠥᠭᠪᠡᠯ ᠨᠠᠶᠢᠷ ᠤᠨ ᠳᠠᠭᠠᠭᠠᠮᠠᠯ ᠨᠢ ᠪᠤᠷᠤᠭᠤ ᠲᠠᠯᠠ ᠶᠢᠨ ᠱᠠᠭᠠᠨᠲᠤ ᠪᠣᠯᠤᠨ | ᠤᠭᠤᠷᠠᠭ ᠰᠡᠭᠦᠯ ᠢ ᠨᠢ ᠣᠭᠲᠣᠯᠣᠨ ᠠᠪᠴᠤ ᠪᠤᠷᠬᠠᠨ ᠳᠤ ᠲᠠᠬᠢᠭᠰᠠᠨ ᠤ ᠳᠠᠷᠠᠭᠠ ᠰᠢᠭᠦᠰᠦ ᠡᠪᠳᠡᠬᠦ ᠶᠣᠰᠣᠨ ᠢᠶᠠᠷ ᠤᠭᠤᠴᠠ ᠪᠠᠨ ᠡᠪᠳᠡᠭᠡᠳ᠂ ᠤᠭᠤᠴᠠᠨ ᠤ | ᠬᠤᠶᠠᠷ ᠲᠠᠯᠠ ᠶᠢᠨ ᠮᠢᠬᠠ ᠠᠴᠠ ᠵᠦᠰᠦᠵᠦ ᠤᠭᠤᠴᠠᠨ ᠤ ᠬᠠᠶᠠᠳᠠᠰᠤ ᠬᠡᠮᠡᠨ ᠤᠭᠤᠴᠠᠨ ᠳᠤ ᠰᠠᠭᠤᠭᠠ ᠬᠥᠮᠦᠰ ᠲᠤ ᠲᠦᠭᠡᠭᠡᠳᠡᠭ᠃ | ᠳᠠᠯᠤ ᠳᠥᠷᠪᠡᠨ ᠥᠨᠳᠥᠷ᠂ ᠮᠥᠴᠢ ᠪᠠᠷ ᠳᠠᠶᠢᠯᠠᠬᠤ ᠶᠣᠰᠣ ᠨᠢ ᠮᠥᠨ ᠳᠡᠭᠡᠷᠡᠬᠢ ᠶᠣᠰᠣ ᠵᠢᠷᠤᠮ ᠲᠠᠢ ᠠᠳᠠᠯᠢ ᠢᠷᠡᠭᠰᠡᠨ ᠭᠡᠶᠢᠴᠢᠳ ᠵᠣᠴᠢᠳ ᠢᠶᠠᠨ | ᠳᠠᠶᠢᠯᠠᠬᠤ ᠳᠥᠭᠦᠮᠴᠢᠯᠡᠭᠰᠡᠨ ᠠᠷᠭᠠ ᠪᠠᠷᠢᠯ ᠪᠣᠯᠣᠨᠠ᠃ ᠭᠡᠬᠦ ᠳᠡᠭᠡᠨ ᠳᠠᠯᠤ ᠶᠢᠨ ᠮᠢᠬᠠ ᠶᠢ ᠳᠠᠶᠠᠭᠠᠷ ᠲᠤ ᠬᠡᠮᠡᠨ ᠳᠠᠯᠤ ᠶᠢᠨ ᠮᠢᠬᠠ ᠶᠢ ᠬᠥᠮᠦᠰ ᠲᠤ ᠪᠦᠷ | ᠬᠤᠪᠢᠶᠠᠵᠤ ᠥᠭᠳᠡᠭ᠃ ᠲᠡᠭᠡᠬᠦ ᠳᠡᠭᠡᠨ ᠨᠠᠭᠠᠴᠤ ᠶᠢᠨ ᠳᠡᠷᠭᠡᠳᠡ ᠬᠡᠦᠬᠡᠳ ᠳᠠᠯᠤ ᠢᠳᠡᠵᠦ ᠪᠣᠯᠳᠠᠭ ᠦᠭᠡᠢ᠃ ᠳᠠᠯᠤ ᠶᠢ ᠰᠢᠳᠦ ᠪᠠᠷ ᠬᠠᠵᠠᠵᠤ ᠮᠡᠷᠡᠵᠦ ᠴᠠᠭᠠᠯᠠᠬᠤ | ᠪᠢᠰᠢ᠂ ᠬᠠᠷᠢᠨ ᠬᠢᠲᠤᠭᠠ ᠪᠠᠷ ᠴᠠᠭᠠᠯᠠᠵᠤ ᠪᠠᠷᠠᠭᠰᠠᠨ ᠤ ᠳᠠᠷᠠᠭᠠ᠂ ᠥᠨᠳᠥᠷ ᠨᠠᠰᠤᠲᠠᠶᠢᠴᠤᠳ ᠢ ︽ᠳᠠᠯᠤ ᠰᠢᠨᠵᠢᠭᠡᠳ ᠥᠭ︕︾ ᠭᠡᠵᠦ ᠭᠤᠶᠤᠬᠤ ᠳᠤ ᠳᠠᠯᠤ | ᠰᠢᠨᠵᠢᠳᠡᠭ ᠨᠠᠰᠤᠲᠠᠶᠢᠴᠤᠳ ᠳᠠᠯᠤ ᠰᠢᠨᠵᠢᠵᠦ ᠥᠭᠳᠡᠭ ᠪᠥᠭᠡᠳ ᠰᠢᠨᠵᠢᠭᠰᠡᠨ ᠳᠠᠯᠤ ᠪᠠᠨ ᠰᠡᠲᠡᠯᠵᠦ ᠡᠪᠳᠡᠳᠡᠭ᠃ | ᠤᠷᠠᠳ ᠨᠤᠲᠤᠭ ᠲᠤ ᠳᠡᠭᠡᠷᠡ ᠦᠶᠡ ᠠᠴᠠ ᠪᠠᠨ ᠳᠠᠯᠤ ᠶᠢ ᠶᠡᠭᠡ ᠯᠡ ᠰᠢᠨᠵᠢᠳᠡᠭ ᠵᠠᠩᠰᠢᠯ ᠲᠠᠢ ᠪᠥᠭᠡᠳ ᠳᠠᠯᠤ ᠪᠠᠨ ᠪᠠᠰᠠ ᠪᠥᠬᠡ ᠪᠠᠷ ᠰᠢᠨᠵᠢᠭᠦᠯᠳᠡᠭ᠃ | ᠪᠥᠭᠡ ᠨᠠᠷ ᠳᠠᠯᠤ ᠰᠢᠨᠵᠢᠬᠦ ᠦᠶᠡ ᠬᠥᠬᠡ ᠢᠮᠠᠭᠠ ᠠᠯᠠᠵᠤ ᠳᠠᠯᠤ ᠶᠢ ᠨᠢ ᠭᠠᠯ ᠳᠤ ᠰᠢᠷᠠᠵᠤ ᠰᠢᠨᠵᠢᠳᠡᠭ᠃ ᠡᠨᠡ ᠵᠤᠷᠰᠢᠯ 20 ᠳ᠋ᠤᠭᠠᠷ ᠵᠠᠭᠤᠨ ᠤ ᠭᠤᠴᠢᠭᠠᠳ | ᠣᠨ ᠬᠦᠷᠲᠡᠯᠡ ᠤᠷᠠᠳ ᠤᠨ ᠡᠮᠦᠨᠡᠲᠦ ᠬᠤᠰᠢᠭᠤᠨ ᠳᠤ ᠶᠠᠪᠤᠭᠳᠠᠵᠤ ᠪᠠᠶᠢᠭᠰᠠᠨ ᠪᠥᠭᠡᠳ ᠲᠤᠰ ᠬᠤᠰᠢᠭᠤᠨ ᠤ ᠵᠢᠭᠤᠴᠢᠨ ᠰᠤᠮᠤᠨ ᠤ ᠨᠡᠷᠡᠲᠦ ᠪᠥᠭᠡ ᠬᠤᠸᠠᠩᠳᠢ | ᠭᠡᠭᠴᠢ ᠬᠥᠮᠦᠨ ᠬᠡᠷᠡᠭᠵᠢᠭᠦᠯᠵᠦ ᠪᠠᠶᠢᠭᠰᠠᠨ ᠶᠤᠮ᠃ |