| ᠦᠢᠷᠠ ᠳᠤ᠂ ᠤᠷᠠᠳ ᠤᠨ ᠬᠤᠶᠢᠲᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠴᠢᠨᠳᠠᠮᠤᠨᠢ ᠰᠤᠮᠤᠨ ᠤ ᠪᠠᠶᠠᠨᠭᠤᠣᠯ ᠭᠠᠴᠠᠭᠠ ᠪᠠᠶᠠᠯᠢᠭ ᠰᠠᠶᠢᠬᠠᠨ ᠠᠵᠢᠯᠯᠠᠭᠠ ᠥᠷᠨᠢᠭᠦᠯᠵᠦ᠂ | ᠮᠠᠯᠴᠢᠨ ᠲᠦᠮᠡᠨ ᠤ ᠠᠵᠢᠯ ᠤᠨ ᠴᠢᠯᠦᠭᠡᠨ ᠤ ᠰᠣᠶᠣᠯ ᠤᠨ ᠠᠮᠢᠳᠤᠷᠠᠯ ᠢ ᠪᠠᠶᠠᠯᠢᠭᠵᠢᠭᠤᠯᠤᠨ᠂ ᠭᠠᠴᠠᠭᠠᠨ ᠤ ᠡᠯᠡ ᠵᠦᠢᠯ ᠤᠨ ᠠᠵᠢᠯ ᠢ ᠰᠢᠨᠡ ᠨᠢᠭᠡᠨ ᠳᠡᠭᠲᠡᠷ ᠲᠤ | ᠭᠠᠷᠭᠠᠬᠤ ᠶᠢ ᠠᠬᠢᠭᠤᠯᠪᠠ᠃ | ᠲᠣᠰ ᠤᠳᠠᠭᠠᠨ ᠤ ᠠᠵᠢᠯᠯᠠᠭᠠ ᠳᠤ᠂ ᠡᠩ ᠲᠡᠷᠢᠭᠦᠨ ᠳᠤ ᠭᠠᠴᠠᠭᠠᠨ ᠤ ᠭᠡᠰᠢᠭᠦᠳ ᠤᠨ ᠶᠡᠭᠡ ᠬᠤᠷᠠᠯ ᠢ ᠬᠤᠷᠠᠯᠳᠤᠭᠤᠯᠵᠤ᠂ ᠤᠷᠠᠳ ᠤᠨ ᠬᠤᠶᠢᠲᠤ | ᠬᠤᠰᠢᠭᠤᠨ ᠤ ᠨᠡᠶᠢᠭᠡᠮ ᠤᠨ ᠪᠠᠲᠤᠯᠠᠭᠠ ᠶᠢᠨ ᠲᠣᠪᠴᠢᠶᠠ ᠪᠣᠯᠣᠨ ᠡᠮ ᠡᠮᠨᠡᠯᠭᠡ ᠶᠢᠨ ᠳᠠᠭᠠᠳᠬᠠᠯ ᠤᠨ ᠲᠣᠪᠴᠢᠶᠠ ᠶᠢᠨ ᠬᠠᠮᠢᠶᠠ ᠪᠦᠬᠦᠢ ᠬᠠᠷᠢᠭᠤᠴᠠᠯᠭᠠᠲᠠᠨ | ᠲᠤᠬᠠᠢ ᠶᠢᠨ ᠲᠠᠯᠠᠪᠠᠶ ᠳᠤ ᠢᠷᠡᠵᠦ ᠮᠠᠯᠴᠢᠳ ᠲᠤ ᠬᠠᠮᠢᠶᠠ ᠪᠦᠬᠦᠢ ᠲᠥᠷᠥ ᠶᠢᠨ ᠪᠣᠳᠣᠯᠭᠠ ᠶᠢ ᠲᠠᠶᠢᠯᠪᠤᠷᠢᠯᠠᠨ ᠥᠭᠴᠦ᠂ ᠪᠠᠰᠠ ᠪᠠᠶᠠᠵᠢᠯ ᠤᠨ ᠳᠠᠭᠠᠭᠤᠯᠤᠭᠴᠢ᠂ | ᠰᠢᠯᠢᠳᠡᠭ ᠵᠠᠯᠠᠭᠤᠴᠤᠳ᠂ ᠰᠢᠯᠢᠳᠡᠭ ᠨᠠᠰᠤᠲᠠᠨ᠂ ᠰᠢᠯᠢᠳᠡᠭ ᠨᠠᠮ ᠤᠨ ᠭᠡᠰᠢᠭᠦᠨ ᠵᠡᠷᠬᠡ ᠰᠠᠶᠢᠴᠣᠦᠯ ᠢᠶᠠᠨ ᠬᠥᠬᠢᠭᠦᠯᠦᠨ ᠱᠠᠩᠨᠠᠵᠤ᠂ ᠥᠷᠭᠡᠨ ᠤᠯᠠᠨ ᠮᠠᠯᠴᠢᠳ | ᠲᠡᠳᠡᠨ ᠢᠶᠠᠷ ᠦᠯᠢᠭᠡᠷ ᠳᠠᠭᠤᠷᠢᠶᠠᠯ ᠪᠣᠯᠭᠠᠵᠤ᠂ ᠲᠡᠳᠡᠨ ᠤ ᠢᠲᠡᠭᠡᠯ ᠵᠣᠷᠢᠭ ᠡᠷᠡᠰ ᠪᠠᠲᠤ᠂ ᠨᠠᠮ ᠳᠠᠭᠠᠨ ᠦᠨᠡᠨᠴᠢ ᠰᠢᠳᠤᠷᠭᠤ ᠪᠠᠶᠢᠬᠤ ᠤᠯᠤᠰ ᠲᠦᠷᠦ ᠶᠢᠨ ᠬᠡᠪ | ᠰᠤᠷᠲᠠᠯ᠂ ᠨᠢᠭᠡ ᠰᠡᠳᠬᠢᠯ ᠢᠶᠠᠷ ᠠᠷᠠᠳ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠬᠦ᠂ ᠤᠯᠠᠨ ᠲᠦᠮᠡᠨ ᠳᠤ ᠦᠢᠯᠡᠴᠢᠯᠡᠬᠦ ᠪᠠ ᠬᠠᠷᠢᠭᠤᠴᠠᠯᠭᠠ ᠡᠭᠦᠷᠭᠡᠯᠡᠨ ᠠᠵᠢᠯ ᠬᠢᠵᠦ᠂ ᠦᠨᠡᠨ ᠢ | ᠪᠠᠷᠢᠮᠲᠠᠯᠠᠨ ᠪᠣᠳᠠᠲᠠᠢ ᠶᠢ ᠡᠷᠬᠢᠮᠯᠡᠬᠦ ᠠᠵᠢᠯ ᠤᠨ ᠰᠤᠷᠲᠠᠯ ᠢ ᠰᠤᠷᠤᠯᠴᠠᠬᠤ ᠶᠢ ᠬᠦᠰᠡᠪᠡ᠃ ᠲᠠᠷᠠᠭᠠ ᠪᠠᠷ ᠨᠢ ᠪᠠᠰᠠ ᠨᠠᠮ ᠤᠨ ᠭᠡᠰᠢᠭᠦᠳ ᠤᠨ ᠬᠤᠷᠠᠯ ᠪᠠ | ᠡᠮᠡᠭᠲᠡᠶᠢᠴᠦᠳ ᠤᠨ ᠬᠤᠷᠠᠯ ᠢ ᠬᠤᠷᠠᠯᠳᠤᠭᠤᠯᠪᠠ᠃ ᠬᠤᠷᠠᠯ ᠤᠨ ᠳᠠᠷᠠᠭᠠ ᠬᠦᠵᠦᠷ ᠳᠣᠭᠯᠠᠬᠤ᠂ ᠱᠠᠭᠠ ᠣᠷᠬᠢᠬᠤ᠂ ᠪᠦᠮᠪᠦᠭᠡ ᠳᠠᠮᠵᠢᠭᠤᠯᠬᠤ᠂ ᠦᠰᠦᠭ ᠳᠠᠭᠠᠬᠤ᠂ | ᠳᠡᠬᠡᠰᠦ ᠳᠠᠳᠠᠬᠤ᠂ ᠬᠤᠷᠣᠬᠠᠢ ᠶᠢᠨ ᠣᠷᠣᠯᠳᠣᠭᠠᠨ᠂ ᠭᠠᠷ ᠤᠨ ᠣᠷᠣᠮ ᠬᠦᠯ ᠤᠨ ᠮᠦᠷ ᠢᠶᠠᠨ ᠳᠠᠭᠠᠷᠠᠭᠤᠯᠬᠤ ᠨᠠᠭᠠᠳᠣᠮ ᠵᠡᠷᠬᠡ ᠮᠠᠯᠴᠢᠳ ᠤᠨ ᠰᠣᠨᠢᠷᠬᠠᠯᠳᠣ | ᠨᠠᠭᠠᠳᠣᠮ ᠤᠨ ᠲᠦᠷᠦᠯ ᠤᠨ ᠣᠷᠣᠯᠳᠣᠭᠠᠨ ᠵᠠᠯᠭᠠᠭᠠ ᠪᠠᠷ ᠡᠬᠢᠯᠡᠵᠦ᠂ ᠮᠠᠯᠴᠢᠨ ᠲᠦᠮᠡᠨ ᠤ ᠪᠠᠨ ᠰᠣᠶᠣᠯ ᠤᠨ ᠠᠮᠢᠳᠣᠷᠠᠯ ᠢ ᠪᠠᠶᠠᠯᠢᠭᠵᠢᠭᠤᠯᠵᠣ᠂ ᠪᠦᠯᠬᠦᠮᠳᠡᠯ | ᠨᠢᠭᠳᠠᠷᠠᠯ ᠢ ᠴᠢᠩᠭᠠᠷᠠᠭᠤᠯᠪᠠ᠃ | ︽ᠮᠣᠷᠢᠳᠠᠢ ᠠᠶᠠᠯᠠᠯ︾ ᠳᠤ᠂ 60 ᠭᠠᠷᠤᠢ ᠮᠣᠷᠢᠳᠠᠨ ᠨᠡᠷᠡ ᠪᠦᠷᠢᠳᠬᠡᠬᠦᠯᠦᠨ ᠤᠷᠤᠯᠴᠠᠵᠤ᠂ ᠲᠡᠳᠡ ᠠᠭᠳᠠ ᠬᠦᠯᠦᠭ ᠲᠤ ᠪᠠᠨ ᠮᠣᠷᠳᠠᠵᠣ᠂ ᠪᠠᠶᠠᠠᠭᠤᠣᠯ | ᠨᠣᠲᠤᠭ ᠤᠨ ᠪᠠᠶᠢᠭᠠᠯᠢ ᠶᠢᠨ ᠰᠠᠶᠢᠬᠠᠨ ᠢ ᠮᠡᠳᠡᠷᠡᠵᠦ᠂ ᠬᠦᠳᠡᠬᠡᠨ ᠤ ᠴᠠᠪᠡᠷ ᠠᠭᠠᠷ ᠢ ᠠᠮᠢᠰᠬᠤᠯᠯᠠᠨ᠂ ᠪᠠᠶᠠ ᠰᠡᠳᠬᠢᠯ ᠤᠨ ᠶᠠᠳᠠᠷᠠᠯ ᠢᠶᠠᠨ ᠳᠠᠶᠢᠯᠣᠨ᠂ ᠪᠣᠴᠠᠬᠤ | ᠵᠠᠮ ᠳᠤ ᠪᠠᠨ ᠬᠦᠯᠦᠭ ᠮᠣᠷᠢᠳ ᠢᠶᠠᠨ ᠣᠷᠣᠯᠳᠣᠭᠤᠯᠣᠭᠰᠠᠨ ᠢᠶᠠᠷ ᠣᠷᠠᠳ ᠤᠨ ᠳᠣᠮᠳᠠᠳᠣ ᠬᠤᠰᠢᠭᠤᠨ ᠤ ᠳᠡᠯᠡᠬᠡᠢ ᠶᠢᠨ ᠪᠣᠷᠣ ᠮᠣᠷᠢ ᠲᠡᠷᠢᠬᠦᠯᠡᠵᠦ᠂ ᠣᠷᠠᠳ ᠤᠨ | ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠴᠣᠭᠳᠣᠪᠠᠶᠠᠷ ᠤᠨ ᠰᠠᠭᠠᠷᠠᠯ ᠮᠣᠷᠢ ᠠᠮᠠᠨ ᠬᠦᠵᠦᠬᠦᠳᠡᠵᠦ᠂ ᠣᠷᠠᠳ ᠤᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠬᠦᠰᠡᠯᠳᠦ᠋ᠬᠦᠷᠡᠩ ᠤᠨ ᠬᠦᠷᠡᠩ ᠮᠣᠷᠢ | ᠠᠶᠢᠷᠠᠭ ᠤᠨ ᠭᠤᠷᠪᠠ ᠳᠤ᠂ ᠣᠳᠣᠨᠴᠡᠴᠡᠭ ᠤᠨ ᠬᠠᠷᠠ ᠮᠣᠷᠢ ᠠᠶᠢᠷᠠᠭ ᠤᠨ ᠲᠦᠷᠪᠡ᠂ ᠴᠡᠷᠡᠩᠪᠠᠯᠵᠣᠷ ᠤᠨ ᠬᠦᠷᠡᠩ ᠮᠣᠷᠢ ᠠᠶᠢᠷᠠᠭ ᠤᠨ ᠳᠠᠪᠤ ᠳᠤ ᠳᠣᠰ ᠳᠣᠰ | ᠳᠣᠳᠣᠷᠠᠯᠠ᠃ | ᠵᠢᠷᠤᠭᠠ ᠮᠣᠷᠢᠨ ᠤ ᠤᠷᠤᠯᠳᠤᠭᠠᠨ ᠳᠤ ᠭᠠᠵᠠᠷ ᠭᠠᠵᠠᠷ ᠤᠨ ᠬᠤᠷᠳᠣᠨ ᠮᠣᠷᠢᠳ ᠴᠣᠭᠯᠠᠷᠠᠵᠣ᠂ ᠬᠤᠷᠴᠠ ᠰᠢᠷᠦᠬᠦᠨ ᠦᠷᠢᠰᠦᠯᠳᠦᠬᠡᠨ ᠢᠶᠠᠷ ᠳᠠᠮᠵᠢᠨ | ᠣᠷᠠᠳ ᠤᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠬᠠᠮᠠᠷᠠ ᠶᠢᠨ ᠪᠣᠷᠣ ᠮᠣᠷᠢ ᠲᠡᠷᠢᠬᠦᠯᠡᠵᠦ᠂ ᠣᠷᠠᠳ ᠤᠨ ᠳᠣᠮᠳᠠᠳᠣ ᠬᠤᠰᠢᠭᠤᠨ ᠤ ᠬᠢᠴᠢᠶᠡᠯᠳᠦ ᠶᠢᠨ ᠬᠠᠷᠠ ᠮᠣᠷᠢ ᠠᠮᠠᠨ | ᠬᠦᠵᠦᠬᠦᠳᠡᠪᠡ᠃ ᠡᠬᠦᠨ ᠤ ᠳᠠᠷᠠᠭᠠ ᠪᠠᠷ ᠶᠠᠪᠣᠭᠳᠠᠭᠰᠠᠨ ᠲᠦᠮᠡᠨ ᠮᠧᠳ᠋ᠷ ᠤᠨ ᠬᠤᠷᠳᠣᠨ ᠮᠣᠷᠢᠨ ᠤ ᠴᠠᠭᠠᠷᠢᠭ ᠣᠷᠣᠯᠳᠣᠭᠠᠨ ᠳᠤ ᠠᠷᠪᠠᠨ ᠬᠡᠳᠦᠨ ᠰᠢᠭᠰᠢᠮᠡᠯ | ᠰᠠᠶᠢᠨ ᠮᠣᠷᠢᠳ ᠪᠦᠷᠢᠳᠬᠡᠬᠦᠯᠦᠨ ᠣᠷᠣᠯᠳᠣᠵᠣ᠂ ᠣᠷᠠᠳ ᠤᠨ ᠳᠣᠮᠳᠠᠳᠣ ᠬᠤᠰᠢᠭᠤᠨ ᠤ ᠬᠤᠸᠠᠩ ᠬᠦᠢ ᠯᠢᠨ ᠤ ᠪᠣᠷᠣ ᠮᠣᠷᠢ ᠮᠠᠩᠨᠠᠢ ᠳᠤ ᠪᠠᠨ ᠳᠣᠭᠤᠰᠣ ᠦᠬᠡᠢ | ᠳᠠᠷᠢᠬᠦᠯᠡᠵᠦ᠂ ᠣᠷᠠᠳ ᠤᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠣᠳᠬᠠᠠᠪᠠᠭᠠᠳᠣᠷ ᠤᠨ ᠬᠡᠬᠡᠷ ᠮᠣᠷᠢ ᠠᠮᠠᠨ ᠬᠦᠵᠦᠬᠦᠳᠡᠪᠡ᠃ ᠠᠳᠠᠨ ᠳᠡᠮᠡᠬᠡᠨ ᠤ ᠬᠤᠯᠠ ᠶᠢᠨ | ᠣᠷᠣᠯᠳᠣᠭᠠᠨᠨ ᠳᠤ ᠠᠷᠪᠠᠭᠠᠳ ᠳᠡᠮᠡᠭᠡ ᠪᠦᠷᠢᠳᠬᠡᠬᠦᠯᠵᠦ᠂ ᠣᠷᠠᠳ ᠤᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠠᠯᠳᠠᠷᠳᠣ ᠣᠶᠠᠭᠠᠴᠢ ᠳᠣᠭᠳᠠᠪᠠᠢ ᠶᠢᠨ ᠳᠡᠮᠡᠭᠡ ᠳᠠᠷᠢᠬᠦᠯᠡᠵᠦ᠂ | ᠦᠵᠡᠭᠴᠢ ᠲᠦᠮᠡᠨ ᠢᠶᠠᠨ ᠪᠠᠶᠠᠰᠬᠠᠯᠠ᠃ | ᠦᠳᠡᠰᠢ ᠶᠢᠨ ᠪᠦᠷᠦᠢ ᠪᠣᠯᠬᠤ ᠳᠤ᠂ ᠮᠠᠯᠴᠢᠳ ᠨᠢᠭᠡ ᠡᠳᠦᠷ ᠤᠨ ᠤᠷᠤᠯᠳᠤᠭᠠᠨ ᠢᠶᠠᠨ ᠲᠡᠭᠦᠰᠬᠡᠵᠦ᠂ ᠮᠠᠯᠴᠢᠳ ᠤᠨ ᠣᠷᠠᠨ ᠰᠠᠶᠢᠬᠠᠨ ᠤ ᠦᠳᠡᠰᠢᠯᠡᠭᠡ ᠪᠠ | ᠳᠠᠭᠤᠣ ᠶᠢᠨ ᠤᠷᠤᠯᠳᠤᠭᠠᠨ ᠢ ᠰᠣᠨᠢᠷᠬᠠᠵᠣ᠂ ᠣᠳᠣᠳ ᠲᠦᠬᠡᠭᠰᠡᠨ ᠣᠭᠲᠠᠷᠭᠤᠢ ᠶᠢᠨ ᠳᠣᠣᠷᠠ᠂ ᠣᠯᠠᠨ ᠢᠶᠠᠷ ᠢᠶᠠᠨ ᠢᠷᠠᠭᠤ ᠰᠠᠶᠢᠬᠠᠨ ᠤᠷᠠᠳ ᠠᠷᠠᠳ ᠤᠨ | ᠳᠠᠭᠤᠣ ᠪᠠᠨ ᠳᠠᠭᠤᠯᠠᠨ᠂ ᠠᠶᠠᠯᠭᠤᠳᠣ ᠬᠦᠭᠵᠢᠮ ᠤᠨ ᠠᠶᠢᠵᠠᠮ ᠴᠣᠬᠢᠯᠭᠠ ᠶᠢ ᠳᠠᠭᠠᠵᠤ᠂ ︽ᠨᠠᠮ ᠤᠨ ᠠᠴᠢ ᠶᠢ ᠮᠡᠳᠡᠷᠡᠵᠦ᠂ ᠨᠠᠮ ᠤᠨ ᠦᠭᠡ ᠶᠢ ᠰᠣᠨᠣᠰᠴᠤ᠂ | ᠨᠠᠮ ᠢᠶᠠᠨ ᠳᠠᠭᠠᠬᠤ︾ ᠢᠲᠡᠭᠡᠯ ᠵᠣᠷᠢᠭ ᠢᠶᠠᠨ ᠬᠦᠪᠴᠢᠯᠠᠵᠡᠢ᠃ | ᠨᠠᠭᠠᠳᠤᠮ ᠤᠨ ᠴᠤᠬᠯᠠᠭᠠᠨ ᠤ ᠭᠤᠷᠪᠡᠳᠡᠬᠢ ᠡᠳᠤᠷ ᠲᠤ᠂ ᠵᠢᠯ ᠪᠦᠷᠢ ᠶᠢᠨ ᠪᠢᠯᠢᠭ ᠤᠨ ᠤᠯᠠᠷᠢᠯ ᠤᠨ ᠲᠠᠪᠤᠨ ᠰᠠᠷᠠ ᠶᠢᠨ ᠬᠤᠷᠢᠨ ᠲᠠᠪᠤᠨ ᠳᠤ ᠣᠯᠠᠮᠵᠢᠯᠠᠯ | ᠪᠣᠯᠭᠠᠨ ᠳᠠᠬᠢᠳᠠᠭ ᠪᠠᠶᠠᠨᠭᠤᠣᠯ ᠣᠪᠣᠭᠠ ᠶᠢᠨ ᠳᠠᠬᠢᠯᠭᠠ ᠪᠣᠯᠵᠣ᠂ ᠮᠠᠯᠴᠢᠨ ᠲᠦᠮᠡᠨ ᠠᠷᠢᠭᠤᠨ ᠰᠢᠳᠦᠬᠡᠨᠳᠦ ᠣᠪᠣᠭᠠᠨ ᠳᠤ ᠪᠠᠨ ᠢᠷᠡᠵᠦ᠂ ᠲᠠᠯᠠ ᠨᠤᠲᠤᠭ ᠤᠨ | ᠬᠤᠷᠠ ᠪᠣᠷᠣᠭᠠᠨ ᠲᠡᠭᠰᠢ᠂ ᠲᠦᠷᠦ ᠲᠦᠪᠰᠢᠨ ᠲᠦᠮᠡᠨ ᠠᠮᠣᠭᠤᠯᠠᠩ ᠪᠠᠶᠢᠬᠤ ᠪᠠᠨ ᠪᠡᠯᠭᠡᠳᠡᠬᠦ ᠶᠢᠨ ᠬᠠᠮᠲᠤ ᠢᠷᠡᠭᠡᠳᠦᠢ ᠶᠢᠨ ᠠᠮᠢᠳᠤᠷᠠᠯ ᠤᠨ ᠰᠠᠶᠢᠨ | ᠰᠠᠶᠢᠬᠠᠨ ᠢ ᠪᠠᠨ ᠬᠦᠰᠡᠨ ᠳᠠᠭᠠᠳᠬᠠᠭᠰᠠᠨ ᠪᠠᠶᠢᠨᠠ᠃ | ᠪᠠᠶᠠᠠᠭᠤᠣᠯ ᠣᠪᠣᠭᠠ ᠶᠢᠨ ᠳᠠᠬᠢᠯᠭᠠ ᠳᠤ ᠵᠣᠷᠢᠭᠤᠯᠣᠭᠰᠠᠨ ᠡᠷᠡ ᠶᠢᠨ ᠭᠤᠷᠪᠠᠨ ᠨᠠᠭᠠᠳᠣᠮ ᠡᠬᠢᠯᠡᠯᠡ᠃ ᠬᠤᠷᠳᠣᠨ ᠬᠤᠷᠴᠠ ᠬᠦᠯᠦᠭ ᠮᠣᠷᠢᠳ ᠤᠨ | ᠣᠷᠣᠯᠳᠣᠭᠠᠨ ᠳᠤ ᠨᠣᠲᠤᠭ ᠨᠣᠲᠤᠭ ᠤᠨ ᠰᠢᠯᠢᠳᠡᠭ ᠰᠠᠶᠢᠨ ᠮᠣᠷᠢᠳ ᠴᠣᠭᠯᠠᠵᠣ᠂ ᠭᠠᠩ ᠲᠦᠷᠪᠡᠨ ᠳᠣᠭᠤᠷᠠᠢ ᠪᠠᠷ ᠢᠶᠠᠨ ᠭᠠᠵᠠᠷ ᠪᠦᠮᠪᠦᠷᠢᠳᠦᠨ᠂ ᠪᠠᠶᠠᠠᠭᠤᠣᠯ | ᠨᠣᠲᠤᠭ ᠤᠨ ᠲᠡᠭᠷᠢ ᠳᠣᠣᠷᠠ ᠳᠣᠭᠤᠰᠣ ᠪᠠᠨ ᠡᠷᠬᠦᠵᠦ᠂ ᠣᠷᠠᠳ ᠤᠨ ᠳᠣᠮᠳᠠᠳᠣ ᠬᠤᠰᠢᠭᠤᠨ ᠤ ᠬᠦᠳᠡᠷ ᠤᠨ ᠪᠣᠷᠣ ᠮᠣᠷᠢ ᠲᠡᠷᠢᠬᠦᠯᠡᠵᠦ ᠳᠣᠳᠣ ᠮᠠᠩᠨᠠᠢ ᠳᠣᠷᠭᠠᠨ | ᠵᠢᠯᠣᠭᠤ ᠡᠷᠬᠦᠬᠦᠯᠦᠯᠡ᠃ ᠪᠥᠬᠡ ᠶᠢᠨ ᠪᠠᠷᠢᠯᠳᠣᠭᠠᠨ ᠳᠤ ᠣᠰᠣ ᠨᠣᠲᠤᠭ ᠤᠨ ᠰᠢᠯᠢᠳᠡᠭ ᠰᠠᠶᠢᠨ ᠪᠦᠬᠡᠴᠦᠦᠯ ᠪᠣᠯᠣᠨ ᠬᠦᠷᠰᠢ ᠵᠡᠷᠬᠡᠳᠡᠯᠡᠭᠡ ᠬᠤᠰᠢᠭᠤ ᠨᠣᠲᠤᠭ ᠤᠨ | ᠪᠦᠬᠡᠴᠦᠦᠯ ᠢᠷᠡᠵᠦ᠂ ᠬᠦᠴᠦᠳᠦ 32 ᠪᠦᠬᠡ ᠶᠢᠨ ᠪᠠᠷᠢᠯᠳᠣᠭᠠᠨ ᠪᠣᠯᠵᠣ᠂ ᠮᠣᠩᠭᠤᠯ ᠪᠦᠬᠡ ᠶᠢᠨ ᠣᠷᠠᠨ ᠮᠡᠭᠡ᠂ ᠠᠪᠬᠠᠭᠠᠯᠵᠢ ᠰᠠᠮᠪᠠᠭᠠ ᠶᠢ ᠬᠠᠷᠠᠭᠤᠯᠵᠣ᠂ | ᠣᠷᠠᠳ ᠤᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠮᠠᠨᠳᠣᠯᠠ ᠳᠠᠷᠢᠬᠦᠯᠡᠵᠦ᠂ ᠴᠡᠩᠬᠡᠯᠳᠦ ᠦᠵᠦᠬᠦᠷᠯᠡᠪᠡ᠃ ᠰᠡᠴᠡ ᠰᠣᠷᠢᠵᠣ ᠣᠣᠬᠠᠢ ᠬᠠᠳᠠᠭᠠᠭᠰᠠᠨ ᠡᠷᠡᠬᠡᠢ ᠮᠡᠷᠬᠡᠨ | ᠬᠠᠷᠪᠣᠭᠠᠴᠢᠳ ᠤᠨ ᠣᠷᠣᠯᠳᠣᠭᠠᠨ ᠳᠤ ᠤᠷᠠᠳ ᠤᠨ ᠳᠤᠮᠳᠠᠳᠤ ᠬᠤᠰᠢᠭᠤ ᠪᠣᠯᠣᠨ ᠤᠷᠠᠳ ᠤᠨ ᠬᠤᠶᠢᠲᠤ ᠬᠤᠰᠢᠭᠤᠨ ᠤ 40 ᠭᠠᠷᠣᠢ ᠬᠠᠷᠪᠣᠭᠠᠴᠢᠳ | ᠤᠷᠤᠯᠳᠤᠭᠠᠨ ᠳᠤ ᠣᠷᠣᠯᠴᠠᠪᠠ᠃ ᠬᠠᠷᠪᠣᠭᠠᠴᠢᠳ ᠠᠮᠢᠰᠬᠤᠭᠠ ᠪᠠᠨ ᠳᠠᠷᠤᠨ ᠠᠩᠬᠠᠷᠤᠯ ᠢᠶᠠᠨ ᠲᠥᠪᠯᠡᠷᠡᠭᠦᠯᠵᠦ᠂ ᠡᠪᠡᠷ ᠨᠣᠮᠣ ᠪᠠᠨ ᠡᠪᠰᠢᠶᠡᠯᠬᠡᠨ᠂ ᠢᠰᠬᠡᠷᠬᠦ | ᠰᠣᠮᠣ ᠪᠠᠨ ᠳᠠᠯᠪᠢᠵᠣ᠂ ᠡᠷᠡᠬᠡᠢ ᠮᠡᠷᠬᠡᠨ ᠢᠶᠠᠨ ᠰᠣᠷᠢᠭᠰᠠᠨ ᠢᠶᠠᠷ ᠣᠷᠠᠳ ᠤᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠵᠠᠯᠠᠭᠤ ᠬᠠᠷᠪᠣᠭᠠᠴᠢ ᠳᠠᠪᠢᠨᠳᠣᠯᠤᠭᠠ ᠳᠠᠷᠢᠬᠦᠯᠡᠯᠡ᠃ | ᠡᠨᠡ ᠤᠳᠠᠭᠠ᠂ ᠪᠠᠶᠠᠨᠭᠤᠣᠯ ᠭᠠᠴᠠᠭᠠ ᠪᠠᠶᠠᠯᠢᠭ ᠰᠠᠶᠢᠬᠠᠨ ᠠᠵᠢᠯᠯᠠᠭᠠ ᠪᠠᠷ ᠳᠠᠮᠵᠢᠭᠤᠯᠣᠨ ᠰᠢᠨᠡ ᠴᠠᠭ ᠦᠶᠠ ᠶᠢᠨ ᠥᠷᠭᠡᠨ ᠤᠯᠠᠨ ᠮᠠᠯᠴᠢᠳ ᠲᠤ ᠪᠠᠨ | ᠵᠣᠯ ᠵᠢᠷᠭᠠᠯᠳᠣ ᠠᠮᠢᠳᠣᠷᠠᠯ ᠢᠶᠠᠨ ᠳᠡᠯᠭᠡᠨ ᠦᠵᠡᠭᠦᠯᠬᠦ ᠲᠠᠪᠴᠠᠩ ᠬᠠᠩᠭᠠᠵᠤ᠂ ᠤᠯᠠᠨ ᠲᠦᠮᠡᠨ ᠤ ᠰᠣᠶᠣᠯ ᠤᠨ ᠠᠮᠢᠳᠤᠷᠠᠯ ᠢ ᠪᠠᠶᠠᠯᠢᠭᠵᠢᠭᠤᠯᠬᠤ ᠶᠢᠨ ᠬᠠᠮᠲᠤ | ᠥᠷᠭᠡᠨ ᠤᠯᠠᠨ ᠮᠠᠯᠴᠢᠳ ᠢ ᠬᠥᠲᠥᠯᠥᠨ ᠳᠠᠭᠠᠭᠤᠯᠵᠤ ᠦᠨᠳᠦᠰᠦᠲᠡᠨ ᠤ ᠬᠠᠮᠳᠣ ᠶᠢᠨ ᠴᠣᠭᠴᠠ ᠶᠢᠨ ᠣᠬᠠᠮᠰᠠᠷ ᠢ ᠲᠡᠬᠡᠭᠰᠢᠯᠠᠬᠦᠯᠵᠤ᠂ ᠰᠢᠨᠡ ᠴᠠᠭ ᠦᠶᠡ ᠶᠢᠨ | ᠳᠠᠭᠠᠭᠤᠯᠭᠠ ᠳᠣᠣᠷᠠ᠂ ᠨᠠᠮ ᠤᠨ ᠠᠴᠢ ᠶᠢ ᠮᠡᠳᠡᠷᠡᠵᠦ᠂ ᠨᠠᠮ ᠤᠨ ᠦᠭᠡ ᠶᠢ ᠰᠣᠨᠣᠰᠴᠤ᠂ ᠨᠠᠮ ᠢᠶᠠᠨ ᠲᠠᠭᠠᠵᠦ ᠶᠠᠪᠤᠬᠤ ᠨᠢ ᠪᠠᠶᠠᠨᠭᠤᠣᠯ ᠭᠠᠴᠠᠭᠠ ᠶᠢᠨ | ᠦᠨᠳᠦᠰᠦᠲᠡᠨ ᠨᠦᠭᠦᠳ ᠤᠨ ᠤᠯᠠᠨ ᠲᠦᠮᠡᠨ ᠤ ᠬᠠᠮᠲᠤ ᠶᠢᠨ ᠢᠲᠡᠭᠡᠯ ᠪᠢᠰᠢᠷᠡᠯ ᠪᠣᠯᠵᠤ᠂ ᠨᠠᠮ ᠤᠨ ᠭᠡᠷᠡᠯ ᠰᠠᠴᠤᠷᠠᠩᠭᠤᠢ ᠲᠤᠶᠠᠭᠠᠯᠠᠯ ᠳᠣᠣᠷᠠ᠂ ᠤᠭ | ᠰᠠᠨᠠᠭᠠ ᠪᠠᠨ ᠦᠯᠦ ᠮᠠᠷᠲᠠᠬᠤ᠂ ᠡᠭᠦᠷᠭᠡ ᠬᠠᠷᠢᠭᠤᠴᠠᠯᠭᠠ ᠪᠠᠨ ᠪᠠᠲᠤ ᠴᠡᠭᠡᠵᠢᠯᠡᠬᠦ ᠴᠠᠭ ᠦᠶᠡ ᠶᠢᠨ ᠮᠠᠭᠲᠠᠭᠠᠯ ᠳᠠᠭᠤᠤ ᠶᠢ ᠪᠢᠴᠢᠭᠯᠡᠭᠰᠡᠨ ᠪᠠᠶᠢᠨᠠ᠃ | | | |