| ᠤᠷᠠᠳ ᠤᠨ ᠵᠠᠰᠠᠯ ᠵᠢᠮᠰᠡᠭ ᠵᠡᠭᠦᠰᠭᠡᠯ ᠢ ᠶᠡᠷᠦᠩᠬᠡᠢ ᠳᠤᠨᠢ ᠳᠥᠭᠦᠮᠴᠢᠯᠡᠭᠡᠳ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ ︔ ᠰᠣᠨᠳᠣᠷ᠂ ᠪᠠᠭᠤᠤ᠂ ᠪᠥᠭᠡᠵᠢ︔ | ᠪᠡᠶᠡ ᠳᠡᠭᠡᠨ ᠵᠡᠭᠦᠬᠦ ᠬᠡᠲᠡ ᠬᠢᠲᠤᠭᠠ᠂ ᠳᠠᠯᠢᠩ ᠪᠣᠯᠤᠨ ᠭᠠᠩᠰᠠ᠂ ᠪᠠᠯ ᠭᠡᠵᠦ ᠭᠤᠷᠪᠠᠨ ᠲᠥᠷᠥᠯ ᠬᠤᠪᠢᠶᠠᠳᠠᠭ᠃ | ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ | ᠤᠷᠠᠳ ᠲᠤ ᠵᠥᠪᠬᠡᠨ ᠡᠮᠡᠭᠲᠡᠶᠢᠴᠦᠳ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ ᠵᠡᠭᠦᠳᠡᠭ ᠠᠴᠠ ᠪᠢᠰᠢ ᠡᠷᠡᠭᠲᠡᠶᠢᠴᠦᠳ ᠵᠡᠭᠦᠳᠡᠭ ᠦᠭᠡᠢ᠃ ᠤᠷᠠᠳ ᠤᠨ ᠥᠬᠢᠨ | ᠲᠠᠪᠤ ᠵᠢᠷᠭᠤᠭᠠᠨ ᠨᠠᠰᠤᠨ ᠳᠠᠭᠠᠨ ᠴᠢᠬᠢ ᠪᠠᠨ ᠴᠣᠭᠤᠯᠤᠭᠤᠯᠵᠤ ᠂ ᠳᠣᠯᠤᠭᠠ ᠠᠴᠠ ᠨᠠᠢᠮᠠᠨ ᠨᠠᠰᠤ ᠬᠦᠷᠪᠡᠯ ᠡᠭᠡᠮᠦᠭ ᠵᠡᠭᠦᠳᠡᠭ᠃ ᠤᠷᠠᠳ ᠡᠭᠡᠮᠦᠭ ᠤᠨ ᠲᠥᠷᠥᠯ | ᠵᠦᠢᠯ ᠳᠤ᠄ ᠵᠡᠰ᠂ ᠭᠠᠤᠯᠢ᠂ ᠮᠥᠩᠭᠦ᠂ ᠠᠯᠲᠠ ᠪᠠᠷ ᠤᠷᠠᠯᠠᠨ ᠦᠢᠯᠡᠳᠦᠭᠰᠡᠨ ᠭᠠᠷᠠᠬᠠ᠂ ᠲᠣᠪᠣᠷᠤᠤ᠂ ᠰᠢᠭᠢᠳᠬᠡᠭᠡᠷᠢ ᠲᠠᠢ᠂ ᠰᠢᠭᠢᠳᠬᠡᠭᠡᠷᠢ ᠦᠭᠡᠢ ᠵᠡᠷᠭᠡ ᠣᠯᠠᠨ | ᠵᠦᠢᠯ ᠤᠨ ᠡᠭᠡᠮᠦᠭ ᠪᠠᠶᠢᠵᠠᠢ᠃ ᠪᠠᠰᠠ ᠱᠢᠷᠦ ᠰᠤᠪᠤᠳ ᠤᠨ ᠤᠨᠵᠢᠯᠭᠠ ᠲᠠᠢ ᠡᠭᠡᠮᠦᠭ ᠭᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠤᠨᠵᠢᠯᠭᠠ ᠲᠠᠢ ᠡᠭᠡᠮᠦᠭ ᠢ ᠨᠡᠯᠢᠶᠡᠳ ᠶᠡᠭᠡ | ᠪᠣᠯᠣᠭᠰᠠᠨ ᠥᠬᠢᠳ ᠪᠤᠶᠤ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠶᠢᠯ ᠤᠨ ᠥᠬᠢᠳ ᠵᠡᠭᠦᠵᠦ ᠪᠠᠶᠢᠵᠠᠢ᠃ ᠥᠬᠢᠨ ᠬᠥᠮᠦᠨ ᠠᠷᠪᠠᠨ ᠭᠤᠷᠪᠠᠨ ᠨᠠᠰᠤ ᠭᠦᠢᠴᠡᠪᠡᠯ ᠠᠷᠤ ᠤᠷᠤᠭᠤ ᠪᠠᠨ | ᠤᠨᠵᠢᠭᠤᠯᠤᠭᠰᠠᠨ᠂ ᠭᠠᠭᠴᠠ ᠭᠦᠷᠦᠭᠰᠡᠨ ᠪᠢᠲᠡᠭᠦᠦ ᠭᠡᠵᠢᠭᠡ ᠲᠠᠯᠪᠢᠵᠤ᠂ ᠭᠡᠵᠢᠭᠡᠨ ᠠᠴᠠ ᠪᠠᠨ ᠠᠮᠢᠲᠠᠢ ᠭᠡᠰᠡᠨ ᠵᠠᠰᠠᠯ ᠵᠢᠮᠰᠡᠭ ᠤᠨ ᠡᠳ᠋ ᠵᠡᠭᠦᠵᠦ ᠪᠠᠶᠢᠵᠠᠢ᠃ | ᠠᠷᠪᠠᠨ ᠲᠠᠪᠤ᠂ ᠵᠢᠷᠭᠤᠭᠠ ᠬᠦᠷᠪᠡᠯ ᠡᠮᠦᠰᠴᠦ ᠵᠡᠭᠦᠬᠦ ᠪᠠᠨ ᠠᠩᠬᠠᠷᠤᠨ ᠥᠭᠡᠷᠡᠴᠢᠯᠡᠵᠦ᠂ ᠲᠣᠯᠣᠭᠠᠢ ᠪᠠᠨ ᠶᠠᠭᠠᠨ ᠨᠣᠭᠤᠭᠠᠨ ᠬᠤᠷᠴᠠ ᠭᠤᠶᠣᠮᠰᠤᠭ ᠥᠩᠭᠡ ᠶᠢᠨ | ᠳᠤᠷᠳᠤᠩ ᠠᠯᠴᠢᠭᠤᠷ ᠢᠶᠠᠷ ᠳᠤᠭᠤᠶᠢᠯᠠᠨ ᠣᠷᠢᠶᠠᠵᠤ᠂ ᠪᠡᠶᠡ ᠳᠡᠭᠡᠨ ᠶᠠᠭᠠᠨ ᠨᠣᠭᠤᠭᠠᠨ ᠥᠩᠭᠡ ᠲᠠᠢ ᠲᠣᠷᠭᠠᠨ ᠲᠡᠷᠯᠢᠭ ᠡᠮᠦᠰᠴᠦ ᠮᠣᠷᠢ ᠤᠨᠤᠭᠠ ᠪᠠᠷ ᠭᠠᠳᠠᠭᠰᠢ | ᠶᠠᠪᠤᠪᠠᠯ ᠳᠤᠷᠳᠤᠩ ᠪᠦᠰᠡ ᠪᠦᠰᠡᠯᠡᠳᠡᠭ ᠪᠠᠶᠢᠭᠰᠠᠨ ᠶᠤᠮ᠃ ᠭᠡᠬᠦ ᠳᠡᠭᠡᠨ ᠳᠡᠪᠡᠯ᠂ ᠲᠡᠷᠯᠢᠭ ᠡᠮᠦᠰᠬᠦ ᠳᠡᠭᠡᠨ ᠵᠠᠪᠠᠯ ᠭᠤᠲᠤᠯ ᠡᠮᠦᠰᠬᠦ ᠶᠢ ᠡᠷᠬᠢᠮᠯᠡᠨ | ᠴᠢᠬᠤᠯᠠᠴᠢᠯᠠᠳᠠᠭ᠃ ᠬᠠᠷᠢᠨ ᠱᠠᠬᠠᠢ ᠲᠠᠢ ᠳᠡᠪᠡᠯ᠂ ᠲᠡᠷᠯᠢᠭ ᠡᠮᠦᠰᠬᠦ ᠶᠢ ᠢᠴᠢᠭᠦᠷᠢ ᠪᠠᠷ ᠦᠵᠡᠳᠡᠭ ᠵᠠᠩᠰᠢᠯ ᠲᠠᠢ᠃ ᠥᠬᠢᠨ ᠬᠥᠮᠦᠨ ᠠᠷᠪᠠᠨ ᠲᠠᠪᠤ ᠵᠢᠷᠭᠤᠭᠠ | ᠬᠦᠷᠦᠮᠡᠭᠴᠡ ᠤᠷᠲᠤ ᠭᠦᠷᠦᠮᠡᠯ ᠪᠢᠲᠡᠭᠦᠦ ᠭᠡᠵᠢᠭᠡᠨ ᠳᠡᠭᠡᠷᠡ ᠪᠠᠨ ᠣᠭ᠍ᠶᠤ ᠱᠢᠷᠦ ᠰᠤᠪᠤᠳ ᠬᠡᠯᠬᠢᠭᠰᠡᠨ ᠮᠠᠩᠨᠠᠢ ᠶᠢᠨ ᠲᠣᠣᠷ ᠵᠡᠭᠦᠵᠦ᠂ ᠵᠢᠩᠰᠡ ᠲᠠᠢ ᠳᠤᠭᠤᠢ | ᠮᠠᠯᠠᠭᠠᠢ ᠡᠮᠦᠰᠳᠡᠭ ᠶᠣᠰᠣ ᠲᠠᠢ᠃ ᠤᠷᠠᠳ ᠤᠨ ᠥᠬᠢᠳ ᠠᠷᠪᠠᠨ ᠳᠣᠯᠤᠭᠠ ᠪᠤᠶᠤ ᠠᠷᠪᠠ ᠶᠢᠰᠦᠨ ᠨᠠᠰᠤᠨ ᠳᠤ ᠬᠠᠷᠢ ᠳᠤ ᠮᠣᠷᠳᠠᠵᠤ ᠠᠶᠢᠯ ᠤᠨ ᠪᠡᠷᠢ ᠪᠣᠯᠳᠠᠭ | ᠵᠠᠩᠰᠢᠯ ᠵᠢᠷᠤᠮ ᠲᠠᠢ ᠪᠠᠶᠢᠭᠰᠠᠨ ᠶᠤᠮ᠃ | ᠬᠠᠷᠢ ᠳᠤ ᠮᠣᠷᠳᠠᠵᠤ ᠪᠦᠰᠡᠭᠦᠢ ᠪᠣᠯᠣᠭᠰᠠᠨ ᠡᠮᠡᠭᠲᠡᠢ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ ᠵᠡᠭᠦᠵᠦ᠂ ᠪᠦᠰᠡ ᠪᠦᠰᠡᠯᠡᠬᠦ ᠦᠭᠡᠢ ᠲᠣᠲᠣᠭᠤ ᠡᠮᠦᠰᠳᠡᠭ ᠶᠣᠰᠣ ᠲᠠᠢ | ᠶᠤᠮ᠃ ᠡᠶᠢᠮᠦ ᠠᠴᠠ ᠬᠠᠷᠢ ᠳᠤ ᠮᠣᠷᠳᠠᠭᠰᠠᠨ ᠡᠮᠡᠭᠲᠡᠶᠢᠴᠦᠳ ᠢ ᠰᠠᠶ᠋ᠢ ᠪᠦᠰᠡᠭᠦᠢ ᠭᠡᠵᠦ ᠨᠡᠷᠡᠯᠡᠳᠡᠭ᠃ ᠲᠡᠷᠡ ᠨᠢ ᠬᠠᠷᠢ ᠳᠤ ᠮᠣᠷᠳᠠᠭᠠᠳ ᠪᠦᠰᠡ ᠪᠦᠰᠡᠯᠡᠬᠦ ᠪᠠᠨ | ᠪᠠᠶᠢᠯᠠ ᠭᠡᠰᠡᠨ ᠤᠳᠬᠠ ᠲᠠᠢ ᠦᠭᠡ ᠶᠤᠮ᠃ | ᠤᠷᠠᠳᠴᠤᠳ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠢ ᠪᠠᠰᠠ ᠲᠣᠯᠣᠭᠠᠢ ᠶᠢᠨ ᠵᠢᠮᠰᠡᠭ ᠭᠡᠳᠡᠭ᠃ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠡᠭᠦᠬᠦ ᠳᠤ ᠤᠷᠢᠳ ᠢᠶᠠᠷ ᠲᠠᠲᠠᠭᠤᠷ ᠵᠡᠭᠦᠳᠡᠭ᠃ | ᠲᠠᠲᠠᠭᠤᠷ ᠨᠢ ᠪᠤᠰᠤᠳ ᠵᠠᠰᠠᠯ ᠵᠡᠭᠦᠬᠦ ᠶᠢᠨ ᠰᠠᠭᠤᠷᠢ ᠪᠣᠯᠳᠠᠭ ᠶᠤᠮ᠃ ᠲᠡᠷᠡ ᠨᠢ ᠴᠠᠷᠳᠠᠵᠤ ᠣᠶᠣᠭᠰᠠᠨ ᠬᠠᠷᠠ ᠥᠩᠭᠡ ᠶᠢᠨ ᠪᠦᠰ ᠲᠣᠷᠭᠠᠨ ᠳᠡᠭᠡᠷᠡ ᠲᠣᠮᠣ | ᠲᠣᠮᠣ ᠲᠠᠯᠠ ᠱᠢᠷᠦ ᠶᠢᠨ ᠰᠢᠭᠢᠳᠬᠡᠭᠡᠷᠢ ᠲᠠᠢ ᠳᠦᠭᠦᠷᠡᠩ ᠬᠡᠯᠪᠡᠷᠢ ᠲᠠᠢ ᠠᠷᠪᠠᠨ ᠨᠠᠢᠮᠠᠨ ᠮᠥᠩᠭᠦᠨ ᠬᠠᠳᠠᠯᠭᠠ ᠲᠠᠢ ᠪᠠᠶᠢᠳᠠᠭ᠃ ᠲᠡᠭᠦᠨ ᠢ ᠪᠢᠲᠡᠭᠦᠦ ᠴᠠᠭᠠᠷᠢᠭ | ᠬᠡᠯᠪᠡᠷᠢ ᠲᠠᠢ ᠤᠷᠠᠯᠠᠵᠤ ᠦᠢᠯᠡᠳᠦᠭᠰᠡᠨ ᠲᠤᠯᠠ ᠲᠣᠯᠣᠭᠠᠢ ᠶᠢᠨ ᠣᠷᠣᠢ ᠳᠡᠭᠡᠷᠡ ᠤᠭᠯᠠᠵᠤ ᠲᠠᠯᠪᠢᠪᠠᠯ ᠶᠠᠭ ᠰᠠᠶᠢᠬᠠᠨ ᠵᠤᠯᠠᠢ ᠳᠤᠬᠤᠨ ᠳᠡᠭᠡᠷᠡ ᠴᠠᠭᠠᠷᠢᠭᠯᠠᠵᠤ | ᠲᠣᠭᠲᠠᠳᠠᠭ ᠶᠤᠮ᠃ ᠲᠡᠭᠦᠨ ᠤ ᠡᠮᠦᠨᠡ ᠲᠠᠯᠠ ᠳᠤ ᠱᠢᠷᠦ᠂ ᠰᠤᠪᠤᠳ᠂ ᠣᠭ᠍ᠶᠤ᠂ ᠨᠣᠮᠢᠨ ᠢ ᠤᠷᠠᠯᠠᠨ ᠬᠡᠯᠬᠢᠵᠦ ᠤᠨᠵᠢᠭᠤᠯᠤᠨ ᠲᠠᠯᠪᠢᠳᠠᠭ ᠬᠤᠷᠢᠨ ᠨᠢᠭᠡᠨ | ᠵᠤᠷᠪᠤᠰ ᠮᠠᠩᠨᠠᠢ ᠶᠢᠨ ᠲᠣᠣᠷ ᠪᠠᠶᠢᠳᠠᠭ ᠶᠤᠮ᠃ ᠲᠡᠷᠡ ᠨᠢ ᠶᠠᠭ ᠬᠥᠮᠦᠨ ᠤ ᠭᠡᠷᠡᠯ ᠮᠠᠩᠨᠠᠢ ᠳᠡᠭᠡᠷᠡ᠂ ᠬᠤᠶᠠᠷ ᠬᠥᠮᠥᠰᠬᠡᠨ ᠤ ᠳᠤᠮᠳᠠ ᠠᠴᠠ ᠬᠤᠶᠠᠷ ᠲᠡᠶᠢᠰᠢ | ᠬᠥᠮᠥᠰᠬᠡᠨ ᠳᠡᠭᠡᠭᠦᠷ ᠲᠡᠭᠰᠢ ᠬᠡᠮ ᠲᠠᠢ ᠤᠨᠵᠢᠢᠵᠤ ᠪᠠᠶᠢᠳᠠᠭ ᠶᠤᠮ᠃ ᠲᠠᠲᠠᠭᠤᠷ ᠤᠨ ᠬᠤᠶᠠᠷ ᠲᠠᠯᠠ ᠳᠤ ᠴᠢᠮᠠᠷᠬᠠᠢ ᠶᠢᠨ ᠳᠡᠭᠡᠷᠡ ᠨᠢᠵᠡᠭᠡᠳ ᠳᠥᠷᠪᠡᠯᠵᠢᠨ | ᠬᠡᠯᠪᠡᠷᠢ ᠲᠠᠢ ᠣᠭ᠍ᠶᠤ ᠱᠢᠷᠦᠨ ᠰᠣᠭᠰᠣᠷᠭᠠ ᠪᠠᠶᠢᠳᠠᠭ᠃ ᠲᠡᠭᠦᠨ ᠠᠴᠠ ᠲᠤᠰ ᠲᠤᠰ ᠡᠪᠴᠢᠭᠦᠦ ᠲᠤᠯᠤᠮᠠ ᠤᠷᠲᠤ ᠱᠢᠷᠦ ᠰᠤᠪᠤᠳ ᠢ ᠪᠠᠬᠢᠯᠢᠭ᠌ ᠶᠣᠩᠬᠤᠷ | ᠤᠲᠠᠰᠤ ᠪᠠᠷ ᠠᠯᠠᠭᠯᠠᠭᠤᠯᠤᠨ ᠬᠡᠯᠬᠢᠭᠰᠡᠨ ᠲᠠᠪᠤᠨ ᠵᠤᠷᠪᠤᠰ ᠰᠠᠭᠠᠯᠳᠤᠷᠭᠠ ᠪᠠᠶᠢᠳᠠᠭ᠃ ᠰᠠᠭᠠᠯᠳᠤᠷᠭᠠ ᠶᠢᠨ ᠠᠷᠤ ᠳᠤ ᠮᠥᠨ ᠲᠠᠲᠠᠭᠤᠷ ᠠᠴᠠ ᠡᠯᠭᠦᠭᠰᠡᠨ ᠲᠣᠮᠣ | ᠵᠢᠵᠢᠭ ᠱᠢᠷ ᠪᠠ ᠮᠥᠩᠭᠦ ᠪᠠᠷ ᠦᠢᠯᠡᠳᠦᠭᠰᠡᠨ ᠬᠤᠶᠠᠷ ᠴᠢᠬᠢᠨ ᠤ ᠳᠡᠭᠡᠭᠦᠷ ᠡᠪᠴᠢᠭᠦᠦ ᠲᠤᠯᠲᠠᠯᠠ ᠤᠨᠵᠢᠭᠤᠯᠤᠭᠰᠠᠨ ᠭᠤᠷᠪᠠᠨ ᠵᠤᠷᠪᠤᠰ ᠬᠡᠯᠬᠢᠶᠡ ᠬᠤᠯᠪᠣᠭᠠ ᠲᠠᠢ | ᠰᠦᠢᠬᠡ ᠪᠠᠶᠢᠳᠠᠭ᠃ ᠤᠷᠠᠳ ᠤᠨ ᠰᠦᠢᠬᠡ ᠪᠣᠯ ᠮᠥᠩᠭᠦᠨ ᠬᠠᠪᠲᠠᠰᠤ ᠲᠠᠢ ᠲᠣᠮᠣ ᠵᠢᠵᠢᠭ ᠱᠢᠷᠦ ᠮᠥᠩᠭᠦᠨ ᠬᠤᠯᠪᠣᠭᠠ ᠪᠦᠬᠦᠢ ᠭᠤᠶᠣ ᠨᠠᠷᠢᠯᠢᠭ ᠬᠢᠴᠡᠲᠡᠢ ᠤᠷᠲᠤ | ᠲᠣᠮᠣ ᠰᠦᠢᠬᠡ ᠪᠠᠶᠢᠳᠠᠭ ᠶᠤᠮ᠃ ᠲᠠᠲᠠᠭᠤᠷ ᠤᠨ ᠠᠷᠤ ᠳᠤ ᠮᠥᠨ ᠲᠣᠮᠣ ᠲᠣᠮᠣ ᠱᠢᠷᠦ᠂ ᠨᠣᠮᠢᠨ᠂ ᠤᠨᠳᠤᠷᠭᠠᠨ ᠬᠡᠯᠬᠢᠵᠦ ᠵᠣᠬᠢᠶᠠᠭᠰᠠᠨ ᠰᠢᠯᠢᠪᠴᠢ ᠭᠡᠳᠡᠭ | ᠲᠣᠯᠣᠭᠠᠢ ᠶᠢᠨ ᠠᠷᠤ ᠶᠢᠨ ᠦᠰᠦᠨ ᠤ ᠴᠢᠮᠡᠭ ᠪᠠᠶᠢᠳᠠᠭ᠃ ᠲᠡᠷᠡ ᠨᠢ ᠪᠠᠰᠠ ᠮᠠᠰᠢ ᠭᠤᠶᠣ ᠨᠠᠷᠢᠯᠢᠭ ᠰᠠᠶᠢᠬᠠᠨ ᠬᠢᠴᠡᠲᠡᠢ ᠪᠠᠶᠢᠳᠠᠭ᠃ ᠡᠪᠴᠢᠭᠦᠦ ᠶᠢᠨ ᠲᠥᠪ ᠲᠤ | ᠬᠤᠶᠠᠷ ᠰᠦᠢᠬᠡ ᠶᠢ ᠬᠤᠯᠪᠣᠵᠤ ᠲᠣᠭᠲᠠᠭᠠᠳᠠᠭ ᠬᠤᠷᠢᠨ ᠤᠨᠵᠢᠭᠤᠷᠠᠭᠠ ᠲᠠᠢ ᠮᠣᠯᠴᠤᠭ ᠬᠤᠯᠪᠣᠭᠠ ᠪᠤᠶᠤ ᠬᠥᠰᠢᠭᠦᠷ ᠲᠠᠢ ᠬᠤᠯᠪᠣᠭᠠ ᠭᠡᠵᠦ ᠪᠠᠶᠢᠳᠠᠭ᠃ ᠪᠠᠰᠠ | ᠭᠤᠴᠢᠨ ᠤᠨᠵᠢᠭᠤᠷᠠᠭᠠ ᠭᠤᠤ ᠲᠠᠢ ᠬᠤᠯᠪᠣᠭᠠ ᠭᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠡᠳᠡᠭᠡᠷ ᠠᠴᠠ ᠭᠠᠳᠠᠨᠠ ᠪᠠᠰᠠ ᠣᠷᠬᠢᠭᠤᠯ᠂ ᠰᠢᠷᠪᠢᠭᠦᠯ ᠭᠡᠵᠦ ᠪᠠᠶᠢᠳᠠᠭ᠃ | ᠤᠷᠠᠳ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ ᠲᠤ ᠮᠥᠩᠭᠦ᠂ ᠱᠢᠷᠦ᠂ ᠣᠭ᠍ᠶᠤ ᠪᠠᠷ ᠭᠤᠣᠯᠯᠠᠵᠤ ᠪᠠᠰᠠ ᠠᠯᠲᠠᠨ ᠪᠤᠯᠬᠠᠭᠠᠰᠤ ᠲᠠᠢ᠂ ᠠᠯᠲᠠᠨ ᠴᠠᠭᠠᠨ ᠢ | ᠣᠷᠣᠯᠠᠭᠤᠯᠤᠭᠰᠠᠨ ᠴᠤ ᠪᠠᠶᠢᠭᠰᠠᠨ ᠶᠤᠮ᠃ ᠤᠷᠠᠳᠴᠤᠳ ᠥᠩᠭᠡᠷᠡᠭᠰᠡᠨ ᠳᠤ ᠨᠡᠶᠢᠳᠡᠮ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ ᠢ ᠴᠢᠬᠤᠯᠠᠴᠢᠯᠠᠨ ᠨᠠᠨᠳᠢᠩᠨᠠᠨ ᠡᠳ᠋ᠯᠡᠵᠦ᠂ | ᠵᠥᠪᠬᠡᠨ ᠪᠠᠶᠠᠨ ᠶᠠᠳᠠᠭᠤ ᠶᠢᠨ ᠬᠠᠷᠠᠭᠠ ᠪᠠᠷ ᠦᠨᠡ ᠴᠠᠨᠠ ᠶᠢᠨ ᠢᠯᠭᠠᠯ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠪᠢᠰᠢ᠂ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ ᠦᠭᠡᠢ ᠪᠦᠰᠡᠭᠦᠢ ᠬᠥᠮᠦᠨ | ᠭᠡᠵᠦ ᠪᠠᠶᠢᠭᠰᠠᠨ ᠦᠭᠡᠢ ᠶᠤᠮ᠃ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ ᠵᠡᠭᠦᠭᠰᠡᠨ ᠦᠭᠡᠢ ᠪᠦᠰᠡᠭᠦᠢ ᠬᠥᠮᠦᠨ ᠢ ᠬᠠᠷᠠ ᠲᠣᠯᠣᠭᠠᠢ ᠲᠠᠢ ᠮᠠᠭᠤ ᠢᠷᠸᠠ ᠲᠠᠢ ᠭᠡᠵᠦ | ᠶᠡᠭᠡ ᠪᠠᠷ ᠵᠢᠭᠰᠢᠨ ᠰᠡᠵᠢᠭᠯᠡᠳᠡᠭ ᠪᠠᠶᠢᠵᠤ ᠪᠢᠯᠡ᠃ |