| ᠰᠣᠨᠳᠣᠷ᠂ ᠪᠠᠭᠤᠪᠴᠢ᠂ ᠪᠥᠭᠡᠵᠢ ᠪᠠ ᠲᠡᠳᠡᠭᠡᠷ ᠢ ᠵᠡᠭᠦᠬᠦ ᠶᠣᠰᠣ ᠵᠠᠩᠰᠢᠯ | ᠤᠷᠠᠳ ᠤᠨ ᠵᠠᠷᠢᠮ ᠡᠷᠡᠭᠲᠡᠶᠢᠴᠦᠳ ᠢᠯᠠᠩᠭᠤᠶᠠ ᠬᠡᠦᠬᠡᠳ ᠪᠠᠭᠠᠴᠤᠳ ᠬᠦᠵᠦᠭᠦᠨ ᠳᠡᠭᠡᠨ ᠱᠠᠰᠢᠨ ᠰᠢᠲᠦᠯᠭᠡ ᠶᠢᠨ ᠪᠡᠯᠭᠡ ᠳᠡᠮᠪᠡᠷᠡᠯ ᠲᠠᠢ ᠭᠠᠤᠯᠢ ᠪᠤᠶᠤ | ᠵᠡᠰ ᠪᠤᠷᠬᠠᠨ ᠢ ᠤᠲᠠᠰᠤ ᠪᠤᠶᠤ ᠲᠤᠰᠬᠠᠢ ᠡᠮᠵᠢᠵᠦ ᠣᠶᠣᠭᠰᠠᠨ ᠪᠦᠰ ᠰᠢᠯᠢᠮᠡ ᠪᠠᠷ ᠣᠭᠤᠰᠣᠷᠯᠠᠵᠤ ᠵᠡᠭᠦᠳᠡᠭ ᠳᠠᠳᠬᠠᠯ ᠲᠠᠢ ᠪᠠᠶᠢᠪᠠ᠃ ᠲᠡᠷᠡ ᠨᠢ ᠰᠢᠷᠠ ᠶᠢᠨ | ᠱᠠᠰᠢᠨ ᠤ ᠰᠢᠲᠦᠯᠭᠡ ᠪᠢᠰᠢᠷᠡᠯ ᠠᠴᠠ ᠡᠭᠦᠰᠦᠯ ᠲᠠᠢ ᠬᠦᠰᠡᠯ ᠵᠥᠩᠨᠡᠯ ᠢᠶᠠᠨ ᠪᠣᠯᠭᠠᠭᠰᠠᠨ ᠨᠢᠭᠡ ᠵᠦᠢᠯ ᠤᠨ ᠵᠠᠰᠠᠯ ᠵᠢᠮᠰᠡᠭ ᠶᠤᠮ᠃ ᠯᠠᠮᠠ ᠬᠥᠮᠦᠨ | ᠬᠦᠵᠦᠭᠦᠨ ᠳᠡᠭᠡᠨ ᠡᠷᠢᠬᠡ ᠵᠡᠭᠦᠳᠡᠭ ᠵᠠᠩᠰᠢᠯ ᠲᠠᠢ᠃ ᠲᠡᠷᠡ ᠨᠢ ᠯᠠᠮᠠ ᠬᠥᠮᠦᠨ ᠤ ᠮᠠᠨᠢ ᠲᠣᠭᠠᠯᠠᠬᠤ ᠳᠤ ᠳᠥᠭᠦᠮ ᠳᠥᠲᠡ ᠪᠠᠶᠢᠬᠤ᠂ ᠡᠷᠢᠬᠡ ᠪᠠᠨ ᠬᠠᠮᠢᠶᠠ ᠦᠭᠡᠢ | ᠬᠠᠶᠠᠵᠤ ᠲᠠᠯᠪᠢᠬᠤ ᠦᠭᠡᠢ ᠪᠠᠷ ᠡᠷᠬᠢᠮᠯᠡᠨ ᠨᠠᠨᠳᠢᠩᠨᠠᠵᠤ ᠪᠠᠶᠢᠬᠤ ᠢᠯᠡᠷᠡᠯ ᠪᠠ ᠰᠤᠳᠤᠷ ᠢ ᠣᠷᠣᠯᠠᠭᠤᠯᠵᠤ ᠪᠠᠶᠢᠬᠤ ᠶᠠᠪᠤᠳᠠᠯ ᠪᠣᠯᠣᠨᠠ᠃ ᠰᠠᠬᠢᠯ ᠠᠪᠤᠭᠰᠠᠨ | ᠨᠠᠰᠤᠲᠠᠶᠢᠴᠤᠳ ᠲᠣᠯᠣᠭᠠᠢ ᠶᠢᠨ ᠵᠠᠰᠠᠯ ᠵᠢᠮᠰᠡᠭ ᠢᠶᠠᠨ ᠵᠡᠭᠦᠬᠦ ᠪᠠᠨ ᠵᠣᠭᠰᠣᠵᠤ ᠬᠦᠵᠦᠭᠦᠨ ᠳᠡᠭᠡᠨ ᠡᠷᠢᠬᠡ ᠵᠡᠭᠦᠳᠡᠭ ᠳᠠᠳᠬᠠᠯ ᠲᠠᠢ ᠪᠠᠶᠢᠵᠠᠢ᠃ ᠤᠷᠠᠳ | ᠡᠮᠡᠭᠲᠡᠶᠢᠴᠦᠳ ᠵᠢᠷᠠ ᠬᠦᠷᠪᠡᠯ ᠰᠠᠬᠢᠯ ᠠᠪᠳᠠᠭ ᠶᠣᠰᠣ ᠲᠠᠢ ᠪᠠᠶᠢᠪᠠ᠃ ᠰᠠᠬᠢᠯ ᠠᠪᠬᠤ ᠭᠡᠳᠡᠭ ᠨᠢ ᠯᠠᠮᠠ ᠪᠠᠷ ᠦᠰᠦ ᠭᠡᠵᠢᠭᠡ ᠪᠠᠨ ᠬᠤᠰᠤᠭᠤᠯᠵᠤ ᠴᠢᠪᠠᠭᠠᠨᠴᠠ | ᠪᠣᠯᠬᠤ ᠶᠢ ᠬᠡᠯᠡᠳᠡᠭ᠃ ᠲᠡᠷᠡ ᠨᠢ ᠬᠢᠲᠠᠳ ᠦᠨᠳᠦᠰᠦᠲᠡᠨ ᠤ ᠴᠢᠪᠠᠭᠠᠨᠴᠠ ᠲᠠᠢ ᠠᠳᠠᠯᠢ ᠦᠭᠡᠢ᠂ ᠵᠥᠪᠬᠡᠨ ᠪᠦᠰᠡᠭᠦᠢ ᠠᠴᠠ ᠪᠠᠨ ᠲᠣᠮᠣᠭᠠᠲᠠᠨ ᠪᠣᠯᠤᠯᠠ ᠭᠡᠰᠡᠨ ᠢ | ᠢᠯᠡᠳᠬᠡᠨ ᠲᠣᠳᠣᠷᠬᠠᠶᠢᠯᠠᠭᠰᠠᠨ ᠨᠢᠭᠡ ᠵᠦᠢᠯ ᠤᠨ ᠵᠠᠩᠰᠢᠯ ᠶᠤᠮ᠃ ᠬᠠᠷᠢᠨ ᠤᠷᠠᠳ ᠡᠮᠡᠭᠲᠡᠶᠢᠴᠦᠳ ᠱᠢᠷᠦ᠂ ᠰᠤᠪᠤᠳ᠂ ᠣᠭ᠍ᠶᠤ᠂ ᠮᠠᠨᠤ ᠮᠡᠲᠦ ᠶᠢᠨ ᠬᠤᠪᠣᠷ | ᠡᠷᠳᠡᠨᠢᠰ ᠢ ᠪᠥᠬᠡᠯᠢᠭ ᠤᠲᠠᠰᠤ ᠪᠠᠷ ᠬᠡᠯᠬᠢᠵᠦ ᠬᠦᠵᠦᠭᠦᠨ ᠳᠡᠭᠡᠨ ᠵᠡᠭᠦᠳᠡᠭ ᠵᠠᠩᠰᠢᠯ ᠲᠠᠢ ᠪᠠᠶᠢᠵᠠᠢ᠃ ᠲᠡᠷᠡ ᠨᠢ ᠡᠮᠡᠭᠲᠡᠢ ᠬᠥᠮᠦᠰ ᠤᠨ ᠪᠡᠶᠡ ᠮᠠᠬᠠᠪᠣᠳ ᠢᠶᠠᠨ | ᠭᠤᠶᠤᠴᠢᠯᠠᠨ ᠵᠠᠰᠠᠬᠤ ᠵᠠᠩᠰᠢᠯ ᠳᠠᠳᠬᠠᠯ ᠠᠴᠠ ᠡᠭᠦᠰᠦᠭᠰᠡᠨ ᠵᠠᠰᠠᠯ ᠵᠢᠮᠰᠡᠭ ᠶᠤᠮ᠃ | ᠪᠠᠭᠤᠪᠴᠢ ᠳᠤ ᠵᠡᠰ ᠂ ᠭᠠᠤᠯᠢ᠂ ᠠᠯᠲᠠ᠂ ᠮᠥᠩᠭᠦ᠂ ᠮᠠᠨᠤ ᠵᠡᠷᠭᠡ ᠪᠠᠷ ᠤᠷᠠᠯᠠᠵᠤ ᠦᠢᠯᠡᠳᠦᠭᠰᠡᠨ ᠣᠯᠠᠨ ᠲᠥᠷᠥᠯ ᠵᠦᠢᠯ ᠤᠨ ᠬᠢ ᠪᠠᠶᠢᠳᠠᠭ᠃ | ᠡᠷᠡᠭᠲᠡᠶᠢᠴᠦᠳ ᠵᠥᠪᠬᠡᠨ ᠵᠡᠭᠦᠨ ᠭᠠᠷ ᠤᠨ ᠪᠠᠭᠤᠤ ᠳᠠᠭᠠᠨ ᠪᠠᠭᠤᠪᠴᠢ ᠵᠡᠭᠦᠳᠡᠭ ᠪᠠᠶᠢᠬᠤ ᠳᠤ ᠬᠠᠷᠢᠨ ᠡᠮᠡᠭᠲᠡᠶᠢᠴᠦᠳ ᠬᠤᠶᠠᠷ ᠭᠠᠷ ᠤᠨ ᠪᠠᠭᠤᠤ ᠳᠠᠭᠠᠨ ᠪᠦᠷ | ᠵᠡᠭᠦᠵᠦ ᠪᠣᠯᠳᠠᠭ ᠶᠣᠰᠣ ᠵᠢᠷᠤᠮ ᠲᠠᠢ ᠪᠠᠶᠢᠵᠠᠢ᠃ ᠪᠠᠭᠤᠤ ᠵᠡᠭᠦᠵᠦ ᠪᠠᠶᠢᠭᠠ ᠨᠢ ᠭᠤᠶᠣᠯᠠᠯ ᠵᠠᠰᠠᠯ ᠪᠣᠯᠭᠠᠬᠤ ᠶᠢᠨ ᠳᠠᠭᠠᠤ ᠪᠡᠶᠡ ᠮᠠᠬᠠᠪᠣᠳ ᠤᠨ ᠴᠢᠰᠤᠨ ᠤ | ᠡᠷᠭᠢᠯᠲᠡ ᠶᠢ ᠬᠡᠪ ᠢᠶᠠᠷ ᠪᠠᠶᠢᠯᠭᠠᠬᠤ᠂ ᠲᠡᠮᠦᠷᠯᠢᠭ ᠤᠨ ᠵᠦᠢᠯ ᠢ ᠨᠥᠬᠦᠵᠦ᠂ ᠡᠷᠡᠭᠦᠯ ᠴᠢᠭᠢᠷᠠᠭ ᠲᠤ ᠶᠡᠬᠡᠬᠡᠨ ᠠᠰᠢᠭ ᠲᠤᠰᠠ ᠲᠠᠢ ᠭᠡᠵᠦ ᠶᠠᠷᠢᠳᠠᠭ ᠶᠤᠮ᠃ | ᠤᠷᠠᠳ ᠤᠨ ᠮᠥᠩᠭᠦᠨ ᠪᠠᠭᠤᠪᠴᠢ ᠳᠣᠲᠣᠷᠠ ᠣᠨᠴᠠ ᠭᠤᠶᠣᠮᠰᠤᠭ ᠬᠢᠴᠡᠲᠡᠢ ᠪᠠᠭᠤᠪᠴᠢ ᠠᠷᠪᠢᠨ ᠪᠠᠶᠢᠵᠤ᠂ ᠳᠡᠭᠡᠷᠡ ᠨᠢ ᠣᠯᠠᠨ ᠵᠦᠢᠯ ᠤᠨ ᠤᠭᠠᠯᠵᠠ ᠬᠤᠸᠠᠷ | ᠤᠷᠠᠯᠠᠭᠰᠠᠨ ᠱᠢᠷᠦ ᠣᠭ᠍ᠶᠤᠨ ᠰᠢᠭᠢᠳᠬᠡᠭᠡᠷᠢ ᠲᠠᠢ ᠭᠤᠶᠣ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ | ᠪᠥᠭᠡᠵᠢ ᠨᠢ ᠮᠥᠨ ᠵᠡᠰ᠂ ᠭᠠᠤᠯᠢ᠂ ᠮᠥᠩᠭᠦ᠂ ᠮᠠᠨᠤ᠂ ᠠᠯᠲᠠ ᠪᠠᠷ ᠤᠷᠠᠨ ᠳᠠᠷᠬᠠᠨ ᠤᠷᠠᠯᠠᠨ ᠦᠢᠯᠡᠳᠦᠭᠰᠡᠨ᠂ ᠳᠡᠭᠡᠷᠡ ᠪᠠᠨ ᠰᠢᠭᠢᠳᠬᠡᠭᠡᠷᠢ ᠲᠠᠢ ᠪᠤᠶᠤ | ᠰᠢᠭᠢᠳᠬᠡᠭᠡᠷᠢ ᠦᠭᠡᠢ ᠭᠡᠵᠦ ᠬᠤᠶᠠᠷ ᠵᠦᠢᠯ ᠤᠨ ᠬᠢ ᠪᠠᠶᠢᠵᠠᠢ᠃ ᠡᠷᠡᠭᠲᠡᠶᠢᠴᠦᠳ ᠵᠥᠪᠬᠡᠨ ᠵᠡᠭᠦᠨ ᠭᠠᠷ ᠤᠨ ᠳᠤᠮᠳᠠ ᠬᠤᠷᠤᠭᠤ᠂ ᠢᠳᠠᠮ ᠬᠤᠷᠤᠭᠤᠨ ᠳᠠᠭᠠᠨ | ᠭᠠᠭᠴᠠ ᠪᠥᠭᠡᠵᠢ ᠵᠡᠭᠦᠬᠦ ᠨᠢ ᠠᠷᠪᠢᠨ ᠪᠠᠶᠢᠳᠠᠭ᠃ ᠡᠷᠡᠭᠲᠡᠶᠢᠴᠦᠳ ᠤᠨ ᠪᠥᠭᠡᠵᠢ ᠶᠢᠨ ᠦᠨᠳᠦᠰᠦᠨ ᠣᠨᠴᠠᠯᠢᠭ ᠨᠢ ᠥᠷᠭᠡᠨ ᠪᠥᠭᠡᠳ ᠪᠦᠳᠦᠭᠦᠨ᠂ ᠳᠡᠭᠡᠳᠦ | ᠲᠠᠯᠠ ᠳᠠᠭᠠᠨ ᠰᠢᠭᠢᠳᠬᠡᠭᠡᠷᠢ ᠲᠠᠢ ᠪᠤᠶᠤ ᠰᠢᠭᠢᠳᠬᠡᠭᠡᠷᠢ ᠦᠭᠡᠢ ᠭᠡᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠬᠠᠷᠢᠨ ᠡᠮᠡᠭᠲᠡᠶᠢᠴᠦᠳ ᠤᠨ ᠪᠥᠭᠡᠵᠢ ᠪᠣᠯ ᠣᠯᠠᠨ ᠬᠡᠯᠪᠡᠷᠢ ᠳᠦᠷᠰᠦ | ᠪᠦᠬᠦᠢ ᠰᠢᠭᠢᠳᠬᠡᠭᠡᠷᠢ ᠲᠠᠢ ᠪᠠ ᠰᠢᠭᠢᠳᠬᠡᠭᠡᠷᠢ ᠦᠭᠡᠢ ᠭᠡᠵᠦ ᠢᠯᠭᠠᠨ ᠬᠤᠶᠠᠷ ᠭᠠᠷ ᠤᠨ ᠡᠷᠡᠬᠡᠢ ᠬᠤᠷᠤᠭᠤ᠂ ᠳᠤᠮᠳᠠ ᠬᠤᠷᠤᠭᠤ᠂ ᠢᠳᠠᠮ ᠬᠤᠷᠤᠭᠤᠨ ᠳᠠᠭᠠᠨ | ᠪᠦᠷ ᠪᠥᠭᠡᠵᠢ ᠵᠡᠭᠦᠵᠦ ᠪᠣᠯᠳᠠᠭ ᠵᠠᠩ ᠳᠠᠳᠬᠠᠯ ᠲᠠᠢ ᠪᠠᠶᠢᠭᠰᠠᠨ ᠶᠤᠮ᠃ ᠡᠮᠡᠭᠲᠡᠶᠢᠴᠦᠳ ᠤᠨ ᠪᠥᠭᠡᠵᠢ ᠨᠢ ᠡᠷᠡᠭᠲᠡᠶᠢᠴᠦᠳ ᠤᠨ ᠬᠢ ᠲᠠᠢ ᠠᠳᠠᠯᠢᠳᠬᠠᠪᠠᠯ | ᠣᠯᠠᠩᠬᠢ ᠳᠠᠭᠠᠨ ᠨᠠᠷᠢᠪᠲᠤᠷ ᠰᠢᠭ᠋᠂ ᠭᠤᠶᠣᠮᠰᠤᠭ ᠰᠠᠶᠢᠬᠠᠨ ᠶᠠᠩᠵᠤ ᠬᠡᠯᠪᠡᠷᠢ ᠲᠠᠢ ᠪᠠᠶᠢᠳᠠᠭ᠃ ᠨᠢᠭᠡ ᠭᠠᠷ ᠤᠨ ᠬᠤᠷᠤᠭᠤᠨ ᠳᠠᠭᠠᠨ ᠬᠤᠶᠠᠷ ᠠᠴᠠ ᠭᠤᠷᠪᠠ᠂ | ᠬᠤᠶᠠᠷ ᠭᠠᠷ ᠤᠨ ᠬᠤᠷᠤᠭᠤᠨ ᠳᠠᠭᠠᠨ ᠳᠥᠷᠪᠡ ᠠᠴᠠ ᠵᠢᠷᠭᠤᠭᠠᠨ ᠪᠥᠭᠡᠵᠢ ᠲᠠᠢ ᠪᠠᠶᠢᠵᠤ᠂ ᠬᠠᠷᠢᠨ ᠬᠤᠷᠤᠭᠤᠨ ᠳᠠᠭᠠᠨ ᠪᠥᠭᠡᠵᠢ ᠦᠭᠡᠢ ᠡᠮᠡᠭᠲᠡᠶᠢᠴᠦᠳ ᠲᠤᠩ | ᠬᠤᠪᠣᠷ ᠪᠠᠶᠢᠭᠰᠠᠨ ᠶᠤᠮ᠃ ᠤᠷᠠᠳᠴᠤᠳ ᠳᠣᠯᠢᠶᠠᠪᠤᠷ᠂ ᠰᠢᠭᠡᠵᠡᠢ ᠬᠤᠷᠤᠭᠤᠨ ᠳᠠᠭᠠᠨ ᠪᠥᠭᠡᠵᠢ ᠵᠡᠭᠦᠬᠦ ᠶᠢ ᠣᠨᠴᠠᠭᠠᠢ ᠴᠡᠭᠡᠷᠯᠡᠳᠡᠭ᠃ ᠨᠠᠰᠤᠲᠠᠨ ᠲᠣᠮᠣᠭᠠᠲᠠᠨ ᠤ | ᠬᠠᠭᠤᠴᠢᠯᠠᠬᠤ ᠪᠠᠷ᠂ ᠬᠤᠷᠤᠭᠤᠨ ᠳᠠᠭᠠᠨ ᠪᠥᠭᠡᠵᠢ ᠵᠡᠭᠦᠬᠦ ᠨᠢ ᠪᠠᠭᠤᠤ ᠵᠡᠭᠦᠬᠦ ᠲᠠᠢ ᠡᠭᠡᠭᠡ ᠠᠳᠠᠯᠢ ᠬᠥᠮᠦᠨ ᠤ ᠪᠡᠶᠡ ᠮᠠᠬᠠᠪᠣᠳ ᠤᠨ ᠡᠷᠡᠭᠦᠯ ᠴᠢᠭᠢᠷᠠᠭ ᠲᠤ | ᠲᠤᠰᠠ ᠲᠠᠢ ᠶᠤᠮ ᠭᠡᠨᠡ᠃ ᠤᠷᠠᠳᠴᠤᠳ ᠤᠨ ᠪᠥᠭᠡᠵᠢ ᠵᠡᠭᠦᠬᠦ ᠵᠠᠩᠰᠢᠯ ᠦᠶᠡ ᠳᠠᠷᠠᠭᠠᠯᠠᠨ ᠤᠯᠠᠮᠵᠢᠯᠠᠭᠳᠠᠭᠰᠠᠭᠠᠷ ᠣᠳᠣ ᠪᠣᠯᠵᠤ ᠪᠤᠢ᠃ | |