| ᠨᠠᠮᠤᠭᠤᠬᠠᠨ ᠰᠥᠨᠢ ᠶᠢᠨ ᠰᠠᠷᠠᠨ ᠤ ᠲᠤᠶᠠᠭᠠ ᠭᠠᠵᠠᠷ ᠢ ᠢᠯᠪᠢᠵᠦ | ᠨᠢᠭᠤᠴᠠ ᠠᠮᠠᠷᠠᠭ ᠤᠨ ᠬᠠᠯᠠᠭᠤᠬᠠᠨ ᠰᠢᠪᠡᠨᠡᠭᠡ ᠰᠡᠳᠬᠢᠯ ᠢ ᠳᠤᠯᠠᠭᠠᠴᠠᠭᠤᠯᠤᠨᠠ | ᠨᠠᠮᠠ ᠭᠡᠵᠦ ᠡᠨᠡ ᠳᠡᠯᠡᠬᠡᠢ ᠳᠤ ᠴᠢ ᠢᠷᠡᠭᠰᠡᠨ ᠦᠭᠡᠢ ᠪᠣᠯᠪᠠᠴᠤ | ᠨᠠᠷᠠᠲᠤ ᠬᠤᠷᠸᠠ ᠳᠤ ᠴᠢ ᠪᠢᠳᠡ ᠬᠤᠶᠠᠭᠤᠯᠠ ᠶᠢᠨ ᠲᠠᠨᠢᠯᠴᠠᠬᠤ ᠲᠠᠪᠢᠯᠠᠩ ᠪᠠᠶᠢᠵᠠᠢ | | | ᠬᠥᠮᠦᠨ ᠤ ᠠᠮᠢᠳᠤᠷᠠᠯ ᠶᠠᠭᠤ ᠭᠡᠵᠦ ᠡᠭᠡᠳᠡᠷᠡᠭᠡᠨ ᠪᠤᠳᠤᠯᠢᠶᠠᠨᠲᠠᠢ ᠪᠤᠢ | ᠬᠦᠰᠡᠯ ᠵᠣᠷᠢᠯᠲᠠ ᠶᠠᠭᠤ ᠭᠡᠵᠦ ᠰᠡᠳᠬᠢᠯᠴᠢᠯᠡᠨ ᠪᠦᠲᠦᠳᠡᠭ ᠦᠭᠡᠢ ᠪᠤᠢ | ᠡᠷᠭᠢᠬᠦ ᠪᠥᠮᠪᠥᠷᠴᠡᠭ ᠨᠠᠷᠠ ᠰᠠᠯᠬᠢᠨ ᠡᠨᠡ ᠪᠡᠶᠡ ᠶᠢ ᠡᠯᠡᠭᠡᠭᠰᠡᠨ ᠴᠤ | ᠢᠷᠡᠬᠦ ᠲᠥᠷᠥᠯ ᠳᠤ ᠡᠯᠢᠭᠡ ᠪᠦᠲᠦᠨ ᠠᠮᠠᠷᠠᠭ ᠤᠨ ᠪᠠᠯ ᠢ ᠠᠮᠲᠠᠯᠠᠰᠤᠭᠠᠢ | | | ᠵᠤᠯᠭᠠᠷᠠᠳᠠᠭ ᠦᠭᠡᠢ ᠴᠡᠴᠡᠭ | | | ᠬᠠᠪᠤᠷ ᠪᠣᠯᠵᠤ ᠬᠠᠷᠠᠵᠠ ᠶᠢᠨ ᠤᠰᠤ ᠤᠷᠤᠰᠴᠤ | ᠬᠠᠶᠢᠷᠠ ᠶᠢᠨ ᠰᠢᠪᠡᠨᠡᠭᠡ ᠰᠡᠳᠬᠢᠯ ᠤᠨ ᠭᠠᠩ ᠲᠠᠶᠢᠯᠤᠯᠠ | ᠬᠠᠷᠠᠮᠨᠠᠵᠤ ᠡᠪᠦᠯᠵᠢᠭᠰᠡᠨ ᠢᠨᠠᠭ ᠤᠨ ᠨᠣᠭᠤᠭᠠᠨ ᠨᠠᠪᠴᠢᠰ | ᠬᠠᠯᠵᠠᠷᠠᠬᠤ ᠦᠶᠡ ᠶᠢᠨ ᠰᠡᠳᠬᠢᠯ ᠤᠨ ᠭᠦᠨ ᠳᠤ ᠰᠣᠶᠣᠭᠠᠯᠠᠯᠠ | | | ᠵᠤᠨ ᠪᠣᠯᠵᠤ ᠥᠩᠭᠡ ᠶᠢᠨ ᠴᠡᠴᠡᠭ ᠳᠡᠯᠭᠡᠷᠡᠵᠦ | ᠵᠢᠷᠭᠠᠯ ᠤᠨ ᠢᠨᠢᠶᠡᠳᠦ ᠵᠢᠷᠦᠬᠡᠨ ᠰᠤᠳᠠᠯ ᠢ ᠴᠢᠪᠬᠠᠳᠠᠯᠠ | ᠵᠡᠭᠦᠳᠦᠨ ᠳᠤ ᠬᠤᠨᠣᠭᠰᠢᠭᠰᠠᠨ ᠠᠮᠠᠷᠠᠭ ᠬᠠᠯᠠᠭᠤᠨ ᠤᠷᠤᠭᠤᠯ | ᠵᠢᠷᠭᠠᠬᠤ ᠨᠠᠰᠤᠨ ᠤ ᠣᠩᠭᠤᠨ ᠪᠣᠳᠣᠯ ᠢ ᠤᠶᠠᠷᠠᠭᠤᠯᠤᠯᠠ | | | ᠨᠠᠮᠤᠷ ᠪᠣᠯᠵᠤ ᠨᠡᠭᠦᠳᠡᠯ ᠤᠨ ᠰᠢᠪᠠᠭᠤᠳ ᠪᠤᠴᠠᠵᠤ | ᠨᠠᠷᠠᠲᠤ ᠳᠡᠯᠡᠬᠡᠢ ᠰᠢᠷᠭᠠᠯ ᠥᠩᠭᠡ ᠪᠠᠷ ᠬᠤᠴᠢᠭᠳᠠᠯᠠ | ᠨᠠᠶᠢᠷ ᠤᠨ ᠬᠤᠨᠳᠠᠭᠠ ᠥᠩᠭᠡᠷᠡᠭᠰᠡᠨ ᠤ ᠳᠤᠷᠠᠰᠤᠮᠵᠢ ᠶᠢ ᠪᠢᠴᠢᠭᠯᠡᠵᠦ | ᠨᠠᠷᠮᠠᠢ ᠠᠮᠢᠳᠤᠷᠠᠯ ᠠᠩᠬᠠᠨ ᠤ ᠰᠥᠨᠢ ᠶᠢ ᠪᠣᠳᠣᠭᠳᠠᠭᠤᠯᠤᠨᠠ | | ᠡᠪᠦᠯ ᠪᠣᠯᠵᠤ ᠴᠠᠰᠤ ᠰᠠᠯᠬᠢ ᠰᠢᠭᠤᠷᠴᠤ | ᠤᠷᠭᠤᠬᠤ ᠨᠠᠷᠠᠨ ᠡᠭᠦᠯᠡᠨ ᠤ ᠴᠠᠭᠠᠭᠤᠷ ᠰᠢᠷᠭᠤᠨ | ᠦᠨᠡᠨᠴᠢ ᠬᠠᠷᠠᠴᠠ ᠴᠠᠷᠴᠠᠭᠰᠠᠨ ᠴᠢᠰᠤ ᠶᠢ ᠰᠢᠯᠤᠭᠤᠳᠬᠠᠵᠤ | ᠥᠲᠡᠯᠦᠭᠡ ᠨᠠᠰᠤ ᠶᠢ ᠳᠤᠷᠠᠯᠠᠯ ᠤᠨ ᠪᠦᠪᠡᠢ ᠳᠤ ᠪᠠᠨ ᠪᠦᠪᠡᠶᠢᠯᠡᠨᠡ | | ᠲᠡᠨᠦᠭᠰᠡᠨ ᠬᠠᠶᠢᠷᠠ | | ᠴᠢ ᠪᠠᠶᠠᠨᠨᠠᠭᠤᠷ ᠤᠨ ᠲᠠᠯᠠ ᠳᠤ | ᠪᠢ ᠪᠠᠶᠠᠨᠭᠤᠣᠯ ᠤᠨ ᠬᠥᠳᠡᠭᠡ ᠳᠤ | ᠰᠠᠷᠠᠨ ᠤ ᠭᠡᠷᠡᠯ | ᠴᠢᠨᠦ ᠬᠠᠶᠢᠷᠠ ᠶᠢ ᠳᠠᠮᠵᠢᠭᠤᠯᠤᠨᠠ | ᠣᠳᠣᠳ ᠤᠨ ᠭᠢᠯᠪᠠᠭᠠ | ᠮᠢᠨᠤ ᠵᠠᠬᠢᠶᠠ ᠶᠢ ᠬᠦᠷᠭᠡᠨᠡ | ᠲᠡᠨᠦᠭᠰᠡᠨ ᠬᠠᠶᠢᠷᠠ | ᠪᠠᠶᠠᠨᠨᠠᠭᠤᠷ ᠤᠨ ᠲᠠᠯᠠ ᠳᠤ | ᠲᠡᠷᠭᠡᠯᠰᠢᠬᠦ ᠤᠴᠢᠷᠲᠠᠢ | ᠪᠠᠶᠠᠨᠭᠤᠣᠯ ᠤᠨ ᠬᠥᠳᠡᠭᠡ ᠳᠤ | ᠮᠥᠩᠬᠡᠷᠡᠬᠦ ᠶᠣᠰᠣᠲᠠᠢ | |